أرجوو مساعدتي إخوتي

مشكلتي · 2012-05-25, 15:53

]مرحبا إخوتي في الله
أرجوو المساعدة بسرعة فلا وقت كافي لي

أنا فتاة عمري 13 سنة و مجتهدة لأبعد الحدوود في دراستي و أنال أعلى المعدلات في كل سنة و لكنني أصبحت هذا الفصل أعنادي من عدم القدرة على التركييز و المراجعة فعندما أهم بفتح دفتري للحفظ أتذكر كل الحكايات و المشااااااكلو أذهب بتفكيري بعييداا أنا لا أحتمل غدا السبت لدي إختبار في الإسلامية ومادتين أخرتن و أنا لم أستطع درااسة شيئ

كما لا أخفي عليكم أنني أصبحت مدمنة فايسبــــــــوك علي دائما أدخله و أطلع على أخبار صديقاتي و أحدثهن و لا أكذب عليكم أحدث شابا يدرس في متوسطتي عمره 15 سنة و لا أستطيع أن أرتاح يوما إن لم أكلمه فأنا أعتقد أنني أحببته لأنه يشغل تفكيري دائما و هو يعلم ذلك و سمعت أنه كذلك معجب بي و لكنني أقسم أن كلامنا محترم و في الحدود الشرعية و لا أحدثه خارج الفايسبـوك لا بالحاتف و لا وجها لوجه و هو لم يطلب ذلك أيضا .

لقد أطلت عليكم ااسفة و لكنني سأجن إن لم تساعدوني اليوم
بليييييييييييييييييييييز

رحيق العفة · 2012-05-25, 21:59

و الله أختي مشكلتك صعيبـــــــــــــــــة
أنا ما عنديش خبرة راني صغيرة عليك في العمر.
بصح ماعليش إن شاء الله ربي يسهل عليك و تجيبي معدل مليح كيما العاااااااااااادة

abdel02 · 2012-05-25, 22:20

انت تحدثين شابا بكل احترام....ماشاء الله...لو يسمع باباك اكيد راح يشريلك كادو لانه يحترمك وتحتارميه....كملي مع الفايسبوك تتهناي. وماتخليش نفسك تابعة لشيء....وحبيسة اهواءك.(اسمحيلي ان كنت قاسيا معك)ولكن من شب على شيء شاب عليه...اذا والفتي تكلمي الشباب حتى بعد الزواج...تروح فيك عادة...فاقطعي هذه الصلة التي ستقودك الى شيء ستندمين عليه امام الله...الوالدين...نفسك خاصة....وكل المحيط تاعك.

linda landaucha · 2012-05-25, 22:28

اختي العزيزة............

لقد فهمت مشكلتك فعلاا.....عندما قرات كلمة فقدت التركيز رغم انك شااطرة في الدراسة........فهمت الحكاية دون ان اكمل

الفايسبوووووك.........وصغر سنك..انا اكبر منك 18 سنة في عمري ...واخطا فيه وانت مزلت صغييرة ولا تفقهين في الخطا ...

اختي لا تجن ولا شيء....عادي امرك سهل للغاية ....لااكد لك شيء انك لم تحبيه ....بل معجبة به فقط ...بل احبيه لا عيب ولكن ابقيه شيء في قلبك ....وادعي مولاك ان يجمعك به في الحلال........هكدا لن تضلي دراستك

اما ادا حاولتي ان تحدثيه ....فصدقني من فايسبوك الى هاتف الى ........الخ

اختي العزيزة...........نصيحة اخت لاختها ....تجنبي دخول الفايسبوك كثيراا ...واهتمي بدراستك

ولا تشغل بالك في تفكيير في شيء بيد العالي الكبير......ولا تكثري من قول فقدت التركيز ...الخ..بل اعزمي وثقي بنفسك ولا تضع للفشل طريق...........

اطلت عليك ان اردت اعطيني اسم فايسبوكك في رسالة خاصة .........ونتحدث هناك ولك مني جل من النصائح
كاخت كبيييرة لك
شكرا
ليندة

ترب الندى · 2012-05-25, 22:33

لم استوعب انك ذات 13 عشر سنه
13 عشر سنه فيسبووك و تحكي مع واحد
اذا بغيتي النصيحه قومي بازاله حسابك على الفيسبوك
حتى تتمكني من حفظ دروس الاسلاميه
و تكبري كباقي البنات السويه
انا لو كان عندي نيمرو ماما كنت ساعدتك اكثر

بطلي فيسبوك بنتي بطلي الفايس هم
راه دمآآآآآآآآآآآآآآآآآآآآآآآآآر

لا حول ولا قوه الا بالله

اللهم انا نسألك العفو و العافيه و الهدايه

اختي العزيزه نصيحه مني اذا بغتي ترجعي نورمال نحي هذا الفيس بوك
راكي نتي لي خاسره

انا ارجوووووووووووووووووووووووووووكي

و اذا قدرتي راسليني ع الخاص بنتي الغاليه

اقتباس:

المشاركة الأصلية كتبت بواسطة abdel02

الله يبارك...وين تلقاي ناس يعاملوك هكذا وينصحوك هكذا....

انا لوكان نعرف باباك نخبرو عليك...يحبسك من القراية...خاطش يحبك ويعزك وداير فيك ثقة وانتي..................تشجعي ونحي الفايس بوك الان...وننتظر عنك اخباتر طيبة.

يا خويا راسي تبلوكا
انا راني ننصح في بنات كبار حتى اكبر مني على هاذ الفيسبووك
و صدمتني هاذ البنت تاع الصح
راني غير ناكل في روحي عليها
و ان شاء الله تكون استوعبت حتى لقليل برك
بما انها طلبت نصيحه
يا اختي يا الغاليه ............. اذا بغيتي تربحي روحك و راسك نحي عليك الفيسبوك و الشآآت كامل
ارفعي راس بوك و مك و اهتمي بدراستك
راكي صغيره و ما تعرفي شي في هتذ الدنيا القاسيه
سالي ناس كبار و يقولو ليك على كلام الشباب على الشات
اربحي ربي و والديك و قرايتك يا خيتي
راني ندعي ربي ينورك اختي

abdel02 · 2012-05-25, 22:45

اقتباس:

المشاركة الأصلية كتبت بواسطة ترب الندى

لم استوعب انك ذات 13 عشر سنه
13 عشر سنه فيسبووك و تحكي مع واحد
اذا بغيتي النصيحه قومي بازاله حسابك على الفيسبوك
حتى تتمكني من حفظ دروس الاسلاميه

و تكبري كباقي البنات السويه
انا لو كان عندي نيمرو ماما كنت ساعدتك اكثر

بطلي فيسبوك بنتي بطلي الفايس هم
راه دمآآآآآآآآآآآآآآآآآآآآآآآآآر

لا حول ولا قوه الا بالله

الله يبارك...وين تلقاي ناس يعاملوك هكذا وينصحوك هكذا....

انا لوكان نعرف باباك نخبرو عليك...يحبسك من القراية...خاطش يحبك ويعزك وداير فيك ثقة وانتي..................تشجعي ونحي الفايس بوك الان...وننتظر عنك اخباتر طيبة.

مريم الصابرة · 2012-05-25, 23:00

السلام عليكم اختي
شوفي نقولك أنا ما نقولكش حكم ومواعز لانو الحب صعيب وواعر والفتاة تقع ضحية مرات الحب يكون صادق ويخلاص بالزواج واغلب الاوفات يكون لعب بالمشاعر إنت حاليا إنتبهي لقرايتك ديري في الك هذف توصليلو الشاب هذا تحبيه ديري في بالك إنو لازم تنجحي وتدلي للجامعة ويجي يخطبك الىن نحكو عليه لو يحبك يمنع اي وسيلة إتصال بينك وبينو لانو اللي يحب ما يحملش الطرف الآخر معصية الله ختي شوفي راكي صغيرة وحتى هو ومرينا بالحب الأاول وكان تجربة مع الوقت تضحكي على روحك لما تتزوجي بالراجل الللي ربي مكتبولك وممكن يكون هو ما نعرفوش المهم إنت حاليا خليه في قلبك مي ماديريش الحرام ووقفي الإتصال بيه عارفة صعيبة مي ماشي مسننحيل ربي يوفقك اختي

z.abdo · 2012-05-25, 23:22

إقطعي إتصالك بالآخرين واربطي إتصالك مع الله

تقبلو مروري

imenealg · 2012-05-25, 23:29

...فاقطعي هذه الصلة التي ستقودك الى شيء ستندمين عليه امام الله

sarl02 · 2012-05-26, 00:12

13 سنة مزال ما طليتيش م الارض وراكي دايرة حالة ...والله يا الهراوة الي راهي خاصتك يعلم بيها غير ربي.

Amouna.DZ · 2012-05-26, 00:18

لا لا أختي ماتخمي ماتهبلي مزالك صغيرة و علاجك أسهل ما يكون وهو

أنك تنحي الفايس بوك الي جابلك غير وجيع القلب و خلاك تهملي دراستك

ماتقوليليش ماتقدريش لالا تقدري تصبري عيه نهار زوج حتى توالفي

ننصحك أخطيك من حكايات الحب هذي التي لاتسمن و لاتغني من جوع في سنك الحالي

يعني حتى اذا كنت تحبو بعضاكم صح لا ماماك و لا باباك رايحين يخلوك تسمحي في قرايتك علاجالو

ربي يهنيك و يوفقك في دراستك و تكوني ناجحة في حياتك العلمية و العملية و العائلية مع الرجل لتحبيه و يحبك

معجزة الاكوان · 2012-05-26, 00:22

لا عليك المهم انك اردت التغيير وهذا ما غفل عنه الكثييرات
اولا احذفي حسابك الفيسبوكي بكل ثقة
يا اختي اذا باغية توصلي لحاجة في حياتك كوني قدها
احذفيه واقطعي الصلة بهاذ الشاب نهائيا
صدقيني لا يوجد حب في المراهقة
تكباري وتولي امراة وتزوجي وراح تكوني فالنهاية لرجل واحد
علاه تمرمدي روحك مع ...... من ذرك
مازلتي وباباك وماماك ميستاهلوش هاذ الشي
وابداي من الاول وبربي تولي لمستواك واحسن

لحن الفرح · 2012-05-26, 00:23

اختي الصغيرة ، انصحك بالدراسة هي الصح، هي اللي تنورك لك حياتك ، اشغلي تفكيرك بالمستقبل ، دراستك اهم من كل شىء .
كي تكبري وتلحقي للجامعة . يكون لك اصدقاء . اشغل تفكيرك بأشياء ايجابة مثلا عندما تكملين دراستك ماذا تعملين .

لحن الفرح · 2012-05-26, 00:26

اقراي باش ماتتمرمديش كي تكبري
غير الزواج اللي تتزوجي ، خمي الان في الدراسة .
ابداي تحفظي ولازم تقراي .
خمي في يماك وباباك باش تفرحيهم بدراستك .

الجواهر · 2012-05-26, 00:32

الفايسبوك " جياحة " كيما تشوفي طفل اصغر منك يتفرج الرسوم المتحركة و لا يراجع دروسه انت مثله
و لكن الفايسبوك اخطر لانك تكلمين شابا و هذا حرام قد يستمر معك و لكنه سيكون معك و مع اخرى و اخرى و اخرى و اخرى ...يعني يلعب و ربما هو اكبر سنا
كل البنات يراجعن دروسهن لان كل واحدة تحب ان تكمل مشوارها الدراسي للآخر اي الوصول للجامعة
كل واحدة كراسها في يدها و انت في الفايسبوك ؟؟
فهل تحبين الجلوس في البيت و انت ما زلت صغيرة الا تحلمين ان تكوني طبيبة او مهندسة او معلمة او....
الاحلام لا تتحقق عبر الفايسبوك بل عبر الاجتهاد و المثابرة
بكبسة زر تغيرين مجرى حياتك فاغلقي الفايسبوك و لا تعودي اليه مجددا