رايحة نهبل عاونونييييييي

[imymene]

ااااااااااا فعد شهر للباك و يومين على باك بلان
رحت نراجع رياضيات ما عرفت ندير والو كل سؤال لازم نشوف الحل باش نتفكر
راني مشوكيا راني مغمومة
عينييا تعمرو بدموع على بالي ليوم ما نرقدش و دوك نبدا نبكي
ياخاه الناس دوك راهي فاهمة كلش و انا اشتفاف تاع دالة ما عرفتش نديرو عبارة الحد العام ما عرفت والووووووووووووووووووووووووووووووووووووووووووووووو ووووو

[lola22]

راكي كي حالتي انا الرياضيات منيش نقرى فيها كامل

نكرها وعييت نفهمهاااااااااااااا
ربي يستر برك

[imymene]

انا رياضيات و فيزياء راني وخدو كرهت والله كاين واحد في راسي راه يفولي تعاديه العام لجاي
راني بديت نبكي بديت نبانييكي ماعلاباليش واش ندير

[تهاليل]

واش هذا لبنات ماتقطعوش اليأس مازال الوقت قدامكم واللي مايعرفش الرياضيات ساهلة تقدروا تسألوا كشما استاذ رياضيات هنا في المنتدى كاين في إحدى الأقسام تجمع أساتذة الرياضيات تواصلوا معاهم يخصصولكم صفحة واطرحوا تساؤلاتكم وراح يجاوبوكم ويلا تعرفوا كشما واحدين معاكم يعرفوا رياضيات اعرضوا عليهم تعاونوهم في شكما مادة وتفهموهالهم وهوما بدورهم يفهموكم رياضيات المهم تكون عندكم الرغبة ومتفقدوش الامل ومازال الحال ويلا شدوا الهمة وابحثوا وتعبوا حتى حاجة ماتجي بالساهل

[imymene]

انا مشكلتي نحشم مانقدرش نديرونجي واحد نقولو فهملي بالاك كان عندو حاجة يديرها
و اصدقاء ديالي ادبيين و فالعائلة ديالي انا الكبيرة قاع تاكلين عليا نجيب معدل ممتاز
راني حابة نفرحهم مي ما فدرتش رياضيات و قيزياء راني خارج مجال التغطية

[noohae]

désolé
*___________*

[madridi329]

لا تفقدي الامل
ابدئي بحل التمارين السهلة اولا عليك
ثم الصعبة دون النظر الى الحلول
وفقك الله اختي

[jonsson adam]

راهي تبانلي نروح لوزير التربية نجيب 150دج تاعي نروح بيها للبيض نخدم coufreur

[imymene]

واحد ما يتلع المورال غير لي يزيد يكمل عليك
ادا نتا ضوقور انا ندير صالون تاع حلاقة

[سرحال]

السلام عليكم ورحمة الله تعالى وبركاته

أهلا بأختي imymene وشلتها

أنا أدعوك أخيتي لأن لا تفقدي الأمل صحيح أن معظم ان لم نقل كل التلاميذ

قد راجعو البرنامج كاملا وهم الآن يضعون اللمسات الأخير، لكن هذا لا يعني أنك ضيعتي فرصتك

فأنا مثلا لم أبدأ التحضير إلا منذ أسبوع لظروف عائلية منعتني من الحضور في المؤسسة والتحضير في المنزل

والحمد لله مادة الرياضيات تقريبا فهمتها ..وأنا أقول لك والله ليست صعبة تتطلب ارادة فقط

قرأت في ردك أنك: تستحي من أن تطلبي المساعدة خوفا من الإزعاج

وأنا أقول لك : أنا في الخدمة في أي وقت وسأقدم لك يد العون وكل ما أعرفه سأعلمك إياه

ولن أقول لك إني مشغول أو شيئ من هذا القبيل.

ان شئت تواصلي معي هنا واسألي ما تريدين ، وان شئت اتصلي بي في الموقع الاجتماعي الفيس بوك

ليكون أسهل

وفقك الله وسدد خطاك .. وأنا ابث الثقة فيك مرة اخرى واقول لك الوقت لم يفت بعد فاستغليه

تقبلي تحياتي أخوك .

[هيام الجلفة]

اختي انا الحمد لله لاقية روحي في الرياضيات اذا حبيتي نعاونك ما عنديش مشكل مديلي الايميل نتاعك و خطاتك ان شاء الله

[fadi3]

انت قلقة فقط
الافكار في راسك فقط القلق والخوف مايمنعك من تذكرها كل ماعليك هو ان تهدئي وتسترخي
وتنسي بانه لديك بكالوريا

وانا هنا خلال هذه الايام لمساعدتك بما استطيع
طالب جامعي

[sido19]

يا اخت لا تيأسي لان رحمة الله واسعة فانا أنصحك ان تعيدي حل الفرض و الاختبارات التي اخذتموها في كامل الموسم الدراسي و عندما لاتعرفي الاجابة انظري للحل و راجعي الدرس ثم حاولي في الموضوع مجددا و لا تيأسي لأن العامل النفسي له دور كبير في امتحان البكالوريا و بالتوفيق لنا جميعا