والله حايرة مع روحي دبروا عليا

[مشكلتي]

السلام عليكم ورحمة الله تعالى وبركاته

قصتي بدات لما تعرفت على واحد.عندنا شهر مع بعضانا.من النهار الاول اللى تعرفت فيه عليه وهو يحكي غير على الخطبة والعرس والدار .لدرجة بدا يدخلني الوسواس يبانلي مخبي عليا حوايج ياسر والمدة مازالت قصيرة باه نعرف عليه كلش.
المهم وحد النهار كنا مع بعضانا صونالو البورتابل 2 مرات وماحبش يرد قلتلو علاه مارديتش قالي كي نكون معاك ما نحب نرد حتى على واحد malgré كان ناس ملاح ياسر معايا والحاجة اللى نقولو عليها مايقوليش لا . بالصح دخلني الشك وصريت باه يرد .وكي رد مافهمت والو .سقسيتو شكون هاذا قالي واحد صاحبي .قلتلو يعطيلي البورتابل باه قلبي يرتاح نتاكد انو صاحبو.الكارثة لقيت اسم طفلة طلبت يفسرلي الحكاية قالي انو صاحبو .وانو ماعرفش يكتب اسمو بحكم النيفو تع القراية تاعو. الصراحة كان كل مايحلف وياكدلي انو صاحبو قلبي ما يصدقش.طلبت منو يعطيلي ايامات نعاود فيهم حساباتي .ما تقولوليش سقسي عليه باسكو ماعنديش شكون نسقسي الا بعد حاجة رسمية يقدرو دارنا يسقسيو عليه
مع العلم انو انا متخرجة وهو نيفو مرحلة متوسطة 0. واكبر مني ب12 سنة وكان على الماديات انا خير منو بيااااسر والحمد لله.بالصح انا مانيش تع ماديات و الحوايج هاذي الكل ما تهمنيش .mais نخاف تأثر على علاقتنا مستقبلا
المشكلة انو مرات نقول فكني منو ومرات نقول نقولو يجي للدار بالصح نخاف نكون نتسرع ونندم .ومرات نقول نخليها مع الوقت وبيناتنا مانيش قادرة نصبر اكثر من هاك حابة نوقف على حاجة صحيحة
قولولي واش ندير .دبروا عليا