تطبيقي للسمك في الفرن للاخت ام اسلام و اية

oum ayyoub · 2013-03-02, 23:43

الله يعطيك الصحة اختي ام اسلام ر اية ربي يحفظ عائلتك
الوصفة بنينة بزاااف و كامل نحبوهااا

عشانا كان عبارة عن طبق سمك السلمون و شوربة السمك انا زدت في الاخير فارميسال لاجل ابني يحب الفارميسال و بينيي الفطر
بالنسبة لطبق السمك درت بطاطا مقلية مع البصل دوائر مين دخل فيهم الطياب نزعتهم من المقلى و درتهم في صينية ثم الطماطم ثم الحوت و تاني ما درتش الزيت لانو الحوت غادي يطلق مادة دسمة و تاني مين بطاطا مقليه يكون فيها الزيت انا تعجبني هاد الطريقة لانو البطاطا من بعد تكون تذوب في الفم و تاني باش ما تشدش الطياب في الفرن لانو الحوت يطيب بلخف و انا في الخلطة ما نديرش الماء نرابي حبة طماطم نخليها تترقد مع الحوت و المكونات الاخرى و الطماطم التانية نقطعها دوائر و نوزعها فوق البطاطا
و شهية طيبة

رابط وصفة الاخت ام اسلام و اية ربي يباركلها في عائلتها
https://www.djelfa.info/vb/showthread.php?t=805672

إلهام07 · 2013-03-03, 09:44

والله يعطيك الصحة أنت أيضا ويسلم يديك على هاذا الطبق ، صراحة طبق السمك في الفرن نخاف منو و عمري ما جربتو ، بصح راني درت بيك الكوراج وإن شاء الله نجربو

أم ماجد · 2013-03-03, 10:00

الله يخليك تطبيق موفق انا ندير السمك في الفرن

linat · 2013-03-03, 10:34

jake hayale

oum ayyoub · 2013-03-03, 13:31

اقتباس:

المشاركة الأصلية كتبت بواسطة إلهام07

والله يعطيك الصحة أنت أيضا ويسلم يديك على هاذا الطبق ، صراحة طبق السمك في الفرن نخاف منو و عمري ما جربتو ، بصح راني درت بيك الكوراج وإن شاء الله نجربو

بارك الله فيك الغالية ديريه اختي هايل حنا في الدار كنا نديروه بصح مشي انا للي كنت نطيبو حتى تزوجت و طيبتو في داري و يجي بنين انا الان راني نديرو غير كيما هاد الطريقة كامل نحبوه بصحتكم اختي