الشاطرة تجاوب

oprah · 2012-05-07, 11:29

ههههههههه
السلام عليكن حبيباتي
راني صح غلبانة بويسك راني نلايم في الانواع نتاع القاطو الي نديهم معايا
راني حابه ندير المخبز بصح سمعت بقلاساج ديقغادي كيفاش يديروه؟
أنا عجبني هاد الكولار دوك نوريهملكم و قولولي كيفاش يخرج بليز مع التوضيح المفصل بويسك أنا شويه حابسه
[IMG][/IMG]
تاني سمعت بلي هاد القلاساج ديقغادي يخرج باستعمال بياض البيض ثم الصفار كيفاش؟

السؤال التاني أنو باش نعسل حلوة الياسمينة ندير عسل نورمال ولا نديرلو اضافات واش هوما مع العبر بليز

تاني البحلاوة راني حابة نخدمها بلابات فويتي تخرج خير من لابات عادي؟ و هادي نخدمها و تتباع واش اسمها؟ و كي نخدمها بلا اضافات يعني غير نحلها و نحط في السنيوة و ندير فوقها الدهان و نزيد التانيه و هكدا؟ يعني شحال من طبقة و تاني مابين كل طبقة ندير الدهان عادي كيما مداري؟

بليز الي تدخل تجاوبني و متحرقونيش

بشرى2008 · 2012-05-07, 14:17

بالنسبة للعسل زيديلو شوية ماء الزهر لانو عسل الدزيريات يجي خفيف مشي ثقيل وعسليهم وخرجيهم من العسل متخليهمش بزاف
البقلاوة نعرف بورق الجلاش نسموه la pate a filo تلقايه واجد وتدهنيه بالسمن وتكملي البقية هادي هي معلوماتي ممكن الاخوات الكريمات يفيدوك أكثر منى خاصة فى القلاصاج

yarasmin.26 · 2012-05-07, 15:24

اسفة ماشفتش موضوعك
القلاصاج ديقرادي كي توجدي القلاصاج ضعي ملون + عطر ولكن كي تخلطي متخلطيش مليح اجي جهة ملونة وجهة بيضاء
اغطسي الحبة الحلوى في وسط وفوتي من جهة ملونة والجهة المخالفة وهزيها باه تعدل روحها
نتمنى وصلتلك الفكرة

adidati · 2012-05-10, 16:42

اختي العزيزة انا جربت القلاوة بلابات فويتي جات تهبل و خفيفة ضعي 3 ورقات من الأسفل و 2 من الأعلى لأن لابات فويتي تطلع و تجي بزاف علابيعا ديري 2 من الفوق و ماتدهنيش بيناتها .و الله هي مجربة 100 في 100 انا جربتها كم من مرة .جربيها ارجوك و ردي علي الخبر ارجوك .سوف تدعي لي ان شاء الله .اختك في الله.

هدايات26 · 2012-05-10, 21:59

والعجينة المورقة تحليها بالمشينة ام لا ارجوك افيدينا وشكرا لك