السفنج

*شهد العسل* · 2011-01-15, 20:06

ابحث عن طريقة مضمونة للسفنج دائما ما ينجحليش

mimicha1988 · 2011-01-15, 20:34

كغ سميد+ملح+ملعقة كبيرة خميرة الخبز+ماء دافئ
اعجنيه كيما خميرة المطلوع وارخفيه اكثر من الرقاق..غطيه و اتركيه يتخمر ساعة تقريبا..بعدها احضري مقلاة غميقة نوعا ما وسخني الزيت اصنعي كويرات من العجين ثم افرديها في صحن مسطح واقلي الواحدة تلوى الأخرى ;وبالصحة والهناء وكاش ما استفسار راني هنا

OU SS AMA · 2011-01-15, 21:01

1كلغ دقيق +3بيضات+فنجان زيت+شوية ملح +خميرة الفورية تاع الخبز او كسرة+شوية مادافي ومبعدتلمي العجينة تخليها ترتاح مدة نصف ساعة ضعيها في كيس بلاستيكي ولما ترتاح اعجنيها ومتقطعيش العجينة ومرة على مرة اسقي بالماء حتى تصبح رخوة مش جارية بزاف وخليها ترتاح مرة اخرى لكن هاد المرة مدة قليلة 10د او 15د المهم تشوفيها تنفخت في الاناء الي حطيتها فيه حطي المقلاة على نار سخني الزيت ديري الزيت في يديك وونحي بشوية قيس كويرة صغيرة وبسطيها على مائدة ولوحيها تتقلى وتشوفي بعينك كيفاه تتنفخ مثل البالونة ورديلي بالخبر وعد مني نحطلك الصور وراني محضرتلكم مفاجاااااااااااات انتضروني ام اسامة
.. 1

ابتهال 33 · 2011-01-16, 13:59

اقتباس:

المشاركة الأصلية كتبت بواسطة mimicha1988

كغ سميد+ملح+ملعقة كبيرة خميرة الخبز+ماء دافئ
اعجنيه كيما خميرة المطلوع وارخفيه اكثر من الرقاق..غطيه و اتركيه يتخمر ساعة تقريبا..بعدها احضري مقلاة غميقة نوعا ما وسخني الزيت اصنعي كويرات من العجين ثم افرديها في صحن مسطح واقلي الواحدة تلوى الأخرى ;وبالصحة والهناء وكاش ما استفسار راني هنا

السلام عليكم ورحمة الله شكرا لك
فقط
هل النتيجة تكون دوائر كبيرة وفارغة من الوسط
انا نحب هذا النوع وقريبتي تجيده
والجميع يتساءل كيف فعلنه
اتمنى تجبيني

ام خديجة1 · 2011-01-16, 18:41

يا اختي العزيزة عندي ليك سفنج باذن الله تعالى يعجبك عملتو الاسبوع الماضي جا هايل منفش و فارغ من داخل
ضعي كمية من الدقيق اضيفي لها القليل من الفرينة والملح ومغرفة صغيرة سكر والخميرة الخاصة بالخبز او الكسرة تقريبا مغرفة كبيرة و1 كيس خميرة الحلويات اجل لا تستغربي مبعد النتيجة تبهرك وبيضة واحدة وتبليها بالماء الدافئ وتكون شوية يابسة باش تتعجن مليح ثم بداي تليها بالشوية بالماء وتكون العجينة ماهي يابسة ماهي جارية ضعيها في صحن مدهون بالزيت وغلقيها بساشي وحطي عليها صرفيط واتركيها حتى يتضاعف حجمه ثم قمي بعمل كريات صغيرة وطرحيها وسخني جيدا الزيت وقليهم بالوحدة وممرري الزيت من فوقهم كلما وضعتي الزيت السخون عليهم يتنفشو اي يتنفخو ويرجعو دائرة كبيرة منتفخة بالهواء من داخل وربي يوفقك والله على ما اقول شهيد

allmaza · 2011-01-16, 20:37

انا شريت appareille ندير بيها السفنج
درك نصورها و نحطهالكم

سمية محمد عطية · 2011-01-16, 22:04

السلام عليكم

اختى المازة ورينا الالة انتاع السفنج ربي يبارك فيك

HIBA.A · 2011-01-16, 22:20

السلام عليكم و رحمة الله و بركاته
أخواتي كاين طريقة أخرى للسفنج ما يتشربش الزيت و يجي فارغ من الوسط
تحطي الفرينة حسب الكمية يلي تريدها و أضيفي السمن يعني تبسيها بين يديك مليح و من بعد أضيفي الخمارة نتاع الخبز و الملح و إذا حبيتي الخميرة الكميائية كذلك و أضيفي الماء الدافي حتى تحصلي على عجينة تتمكني من دلكها مليح و خليها تخمر و من بعد بسطيها بالحلال ما تكونش رقيقة بزاف و قطعيها بطابع دائري أو كأس كبير و تكوني سخنتي الزيت و قليهم،و إن شاء الله النتيجة مضمونة

ام شرفو · 2011-01-17, 08:20

مشكوووووووووووووورين في انتظار التطبيق
[IMG] Uploaded with ImageShack.us[/IMG]

*أم كوثر* · 2011-01-17, 08:28

وصفة ام خديجة هي المعتمدة عندي و لكي تتحصلي على نتيجة مليحة
لازم تعجني جيدا العجين و تخليه يتخمر مليييييح
و الزيت لازم يكون غزير و سااااخن
كي تجربي و يصلحلك هاتي نشوفو معاك

mimicha1988 · 2011-01-17, 20:13

اسفة على التأخر في الرد
هذا ما نديروش فارغ من الوسط يجي عادي نتي ديري كيما قلت لك برك يجي هااااااااااااااااااايل

الدلفين اللؤلؤي · 2011-01-18, 12:15

طريقة عمل السفنج عندنا كيما دارتها ام خديجة والاساس في السفنج باه يصلح لازم يتعجن مليح ويطلع وعند القلي يجب ان نرمي بالمغرفة من فوقو الزيت باه يتنفخ والله غير يجي بنين وهكذا ديرو يما وكامل يعجبهم

allmaza · 2011-01-19, 12:08

وعتكم ب جهاز السفنج و وفيت بوعدي لكم

و بصحتكم

*أم كوثر* · 2011-01-19, 13:54

اقتباس:

المشاركة الأصلية كتبت بواسطة allmaza

وعتكم ب جهاز السفنج و وفيت بوعدي لكم

و بصحتكم

هدا كما لي عندي بصح عجينتو لازم تكون أطرى من عجينة السفنج العادي

hayette82 · 2011-01-21, 09:49

https://www.djelfa.info/vb/showthread.php?t=480082