رسالة الى لي معجبتهمش العتبة و الي كل طلبة البكالوريا

[Mr.Saddam]

يا خاوتي راني نشوف المنتدى كامل مقلوب بالتشناق على العتبة بصح اسمعو وحدو ربي ووكلو ربي
في بلاصة مراكم مجمعين هنا و تشكو في الباطل روحو راجعوووووووووووو
و اصلا لي راهم مشنفين على الاسترة نورمال احضروها من النت و شوفو ملخصات و سقسو عليها الاساتذة بعد الباك بلون هادا مش مشكل ايا ايماجينو كن جات مكاش عتبة اصلا ؟؟ واش راح يكون شعوركم ؟؟

دايما تخيلو الاسوووء يا خاوتي وحدو ربي و صلو على النبي صلي الله عليه و سلم و روحو اقراو و راجعو الباك مازالو 28 يوم و انشاء الله رانا مع بعض هنا و تحيا منتدى الجلفة اللي راه لامنا هنا اي واحد يلقا كاش موقع او ملخصات يمدهمنا و نعاونو بعضانا خير من الضبيح و الزعاف على العتبة

ربي وكيل بن بوزيد وكل المسؤولين هادا مكان ولادو في اوروبا و الزواولة كيماحنا نسناو العتبة نتع نيفي الله لا تربحو انشاء الله

[منصف512]

شكراااااااااا اخي والله معك حق

[اسعى لرضى الله]

صحيت خويا عندك الحق كيعاد حنا ثاني لعام اللي فات غلطنا غلطة قاعدين نتبعو في العتبة ومعجبناش الحال سع منجحتش

يعني كما قال الاخ التاو بالمراجعة خير لكم

[joujouna]

لي عجباتو العتبة يقراها ميييييييييييي حنا ماعجبتناش

[عذراء الجبل18]

خاوتي انساو حكاية العتبة انساوووووووووووووووووووها , حنا قادرين نجيبو الباك بلامزيتهم وبلا العتبة تاعهم ,حنا كبار عليهم بزااااااااااااااااااف , ني عتبة ني بن بوزيد يأثرو على ارادتنا ويأثرو على عزيمتنا , حنا بتعبنا نحققوا نجاحنا ونحققو فرحتنا ومناش محتاجين منهم مساعدتهم يحكموها عندهم , ربي ينجحنا قولو أمين والصلاة والسلام على أشرف المرسلين
بالتوفيق

[amine05batna]

لقـــد تــم الإتــفــاق مــع بــعـض طــلاب الثـــانـويــات فـي كــل ولايــات تــراب الــوطـن
بالــخــروج يـــوم09 مـاي 2012 عــلـي الســاعــة 8.30
إنــطـلاق مــن الثــانـويــات الى غايــة مديريات التربـــية فـي مسيـــرة نــطـــالــب فــيــها الـــوزارة اعــــادة النــــظــر فــي تـــحـديــد العــتـبـة فـي جمــيــع الشـــعـــب
و في حالة عدم تلبية لطالباتنا
سنشن اضراب مفتوح و نمتنع عن اجتياز الامتحان التجريبي

************************************
أنشر الرسالة بين كل المقبلين علي شهادة الباكالوريا

[Mr.Saddam]

المشاركة الأصلية كتبت بواسطة joujouna

لي عجباتو العتبة يقراها ميييييييييييي حنا ماعجبتناش

اسمحيلي يا اختي ولا خويا مي اللي عينو يقرا يقرا بلا عتبة عليه هادا اللي حاب يقرا
عندك باك نورمالمون تحفظي قع البروجرام منسناوش عتبتهم
هادا هو المنطق بالنسبة ليا

[dz-yac]

الله لا تربحو انشاء الله

[joujouna]

المشاركة الأصلية كتبت بواسطة Mr.Saddam

اسمحيلي يا اختي ولا خويا مي اللي عينو يقرا يقرا بلا عتبة عليه هادا اللي حاب يقرا
عندك باك نورمالمون تحفظي قع البروجرام منسناوش عتبتهم
هادا هو المنطق بالنسبة ليا

نحفض البروغرام كامل كي نعود قريتو في الكلاسة بصح هوما اضراب ورا اضراب و عطلو ورا عطلة ومبعد يجي يقولك داخل كلش مانقدرش انا نقراه وحدي و حتى نقراه ف ليكور مايكفيش داكور؟؟واذا كنت قادر على حفاضة البروغرام كامل مادابينا ربي يعاونك و يوفقك

[Mr.Saddam]

المشاركة الأصلية كتبت بواسطة joujouna

نحفض البروغرام كامل كي نعود قريتو في الكلاسة بصح هوما اضراب ورا اضراب و عطلو ورا عطلة ومبعد يجي يقولك داخل كلش مانقدرش انا نقراه وحدي و حتى نقراه ف ليكور مايكفيش داكور؟؟واذا كنت قادر على حفاضة البروغرام كامل مادابينا ربي يعاونك و يوفقك

كن جات الوزارة مسقيمة كي الباقي حنا كي نضبحو بالاك في أمل نديرو تغيير بصح مادامنا نضبحو مراهمش رايحين يسمعوهوما على العام هكا مالا ماعليك الا تتكلي على راسك وذراعك و تحفضي كل شي و صايي
انا تاني و بزاف ناس مقريناش الاسترة ومقريناش قع المكانيك و الانجليزية حنا الاستاذة راحت تولد و نص البروجرام مقريناش
و بزاف مواد مي معدنا ما نديرووووو لازم عليك تحفظي وحدك العتبة مش راح يبدلوها على جال 2 ولا 4 ولا 1000 راه كاين فوق 100 الف راح يعقب الباك
و اذا لعبناها رجالا و نسا و خرجنا في الاضرابات حنا الخاسرين و حنا اللي نسلكوها ما بن بوزيد المليار في كل شي راه يجيه و ومستقبل ولادو راه ضامنهم راه يقري فيهم في المريكان حنا اللي تتفر فينا مالا ماعلينا الا نسكتوو نحفظو هادي هي
و الاضربات كانت علي كامل الدزاير مش عليك برك ومع ذالك راهم يحفظومالا انت ماعليك لتحفظي و تنافيغي منا ومنهيه و تسقسي على الصوالح اللي مندرتيهمش غدوا في الباك اكتبيلومقريتش الدروس خاشي جانا المطر و الاضراب
هو عطالك دروس ميهموش قريتي ولا لالا هادي هي دولتنا العوجة مالا يا اختي العتبة عجباتك او لا ماعندك ما ديري احفظيها و اضربي النح و صايي

[dz hona]

عتبة الخرطي

[معجزة الاكوان]

البلاد بلاد ميكي
العام اللي فات قالو مكانش القضية الفلسطينية وطاحت
قالو مكانش الاسترة وجات
منيش خايفة من العتبة خايفة يكذبو علينا ويحطو حوايج قالو بلي ميجوش
حاجة الثانية الباك بقالو 31 يوم مشي 28

[Mr.Saddam]

المشاركة الأصلية كتبت بواسطة معجزة الاكوان

البلاد بلاد ميكي
العام اللي فات قالو مكانش القضية الفلسطينية وطاحت
قالو مكانش الاسترة وجات
منيش خايفة من العتبة خايفة يكذبو علينا ويحطو حوايج قالو بلي ميجوش
حاجة الثانية الباك بقالو 31 يوم مشي 28

صح عندك الحق الواحد يحفظكل شي و خلاص يتفادى كل شي
اختي حنا راح نقراو بعد الباك بلون تخيلي الميكانيك مكملنااااااااااااااااااااهش مازالنا عنصر قبل حدود نيوتن صافي نقراو واحد 4 ايام بعد الباك بلون

[joujouna]

المشاركة الأصلية كتبت بواسطة mr.saddam

كن جات الوزارة مسقيمة كي الباقي حنا كي نضبحو بالاك في أمل نديرو تغيير بصح مادامنا نضبحو مراهمش رايحين يسمعوهوما على العام هكا مالا ماعليك الا تتكلي على راسك وذراعك و تحفضي كل شي و صايي
انا تاني و بزاف ناس مقريناش الاسترة ومقريناش قع المكانيك و الانجليزية حنا الاستاذة راحت تولد و نص البروجرام مقريناش
و بزاف مواد مي معدنا ما نديرووووو لازم عليك تحفظي وحدك العتبة مش راح يبدلوها على جال 2 ولا 4 ولا 1000 راه كاين فوق 100 الف راح يعقب الباك
و اذا لعبناها رجالا و نسا و خرجنا في الاضرابات حنا الخاسرين و حنا اللي نسلكوها ما بن بوزيد المليار في كل شي راه يجيه و ومستقبل ولادو راه ضامنهم راه يقري فيهم في المريكان حنا اللي تتفر فينا مالا ماعلينا الا نسكتوو نحفظو هادي هي
و الاضربات كانت علي كامل الدزاير مش عليك برك ومع ذالك راهم يحفظومالا انت ماعليك لتحفظي و تنافيغي منا ومنهيه و تسقسي على الصوالح اللي مندرتيهمش غدوا في الباك اكتبيلومقريتش الدروس خاشي جانا المطر و الاضراب
هو عطالك دروس ميهموش قريتي ولا لالا هادي هي دولتنا العوجة مالا يا اختي العتبة عجباتك او لا ماعندك ما ديري احفظيها و اضربي النح و صايي

صح خو نقراو ونبينولهم بلي قادرين عليها ربي ينجحنا كامل و يوفقنا ان شاالله بمعدلات كيما نبغو مرسي

[M bac 2012]

مانحتاجوش مزيتهم كل واحد فينا قادر على روحو كاين ربي لوكان من الاول قالو ماكانش ولاه هكدا