طريقتي في البسبوسة

[lilou 2010]

السلام عليكم و رحمة الله و بركاته
اليوم قلت نعطيلكم و صفتي في البسبوسة نبدا على بركة الله:

المقادير:

العجينة

4 بيضات
3/4 كاس سكر او حسب الرغبة .
1كاس زيت
1 علبة ياؤورت اي دوق زيدي عليها 3 مغارف حليب .
زاست تاع ليمون او فاني .
3 مغارف كبار معمرين نواد كوكو .
كاس و نصف سميد متوسط.
كاس و نصف فرينة .
2 خميرة الحلويات.

الشاربات

300غ سكر
600ملل ماء ادا استعملت زاست القارص في العجينة استعملي عصيروا في الشاربت و دا الفاني استعملي الفاني في الشاربات
احسبي 10 دقايق بعد ما بدات تغلي
ملاحظة: الفاني في الشاربات ما يتحطش حتى يبرد شوية

الطريقة :

كيما اي قاطو نبداو بالبيض +رشة ملح+ سكر اخدميهم مليح بالباتور ادا كان متوفر
ضيفي الزيت و خلطي مليح ، ثم هداك العلبو تاع الياؤورت المحلولة في كمية الحليب المدكورة سالفا .
اضيفي المنكهات المتوفرة و نواد كوكو و خلطي مليح ،
انخلي الخميرة و الفرينة و السميد و خلطيهم مليح مع بعضاهم و خلطيهم مليح مع الخليط السالف الدكر تاع البيض و الاخرين.
ادهني مول الي تستعمليه و صبي فيه هديك العجينة رشي عليها جلجلان او مكسرات واش متوفر عندك و دخليها للفرن مسخن مسبقا طيبيها كيما العادة من التحت و حمريها في النهاية من الفوق .
كيما تخرجيهامباشرة من الفور اسقيها بالشاربات باردة ، خليها ترتاح ساعتين ومن بعد قصيها و تاكلو بالصحة و الهناء

الصور توضح النتيجة تاعي

و هدي ثاني

[SIZE=2]//www.casimages.com/img.php?i=120501024734813899.jpg]

ان شاء اله تعجبكم كيما تطبقوها باي باي