هاااااام جدا .خطا وقع فيه الاستاذ قبل الطالب بشان النبا العصبي ....

zoldek 7 · 2012-03-31, 21:19

السلام عليكم

حبيت النبه على حاجه مهمة جدااااااا بشان الكمون المفروض والمطبق

وهاذي يغلطو فيها الاساتذه قبل الطلبه حسب ما قالنا استاذنا ...اصلا انا شاهد عليها استاذ القسم قالنا كيما تقولوا انتم ذركه واستاذ الدعم الاكثر معرفه وثقه طبعاا لانه خريج مدرسة الاساتذه العليا قالنا شىء اخر

تابعوا راح نقوول كلااام خطيــــــــــــــــــــــــــــــر جدا والله العظيم :

يجيك في تمرين منحنى فيه كمون يطلع من -70 الى 0

ويقلك ماهي قيمة الكمون المفروض ؟؟؟

الاجابة التي سيتطرق اليها جميع الاعضاء الطلبه ومعظم الاساتذه هي ان قيمة الكمون هي +70 :d

لكن في الحقيقه هي اجابة خاظئه لان +70 يعتبر كمون مرسل

اما الاجابه الصحيحه فهي قيمة الكمون المفروض هي 0

لكن للاسف ومع ذلك يلزم علينا الاجابه بالجواب الخاطىء الي هو +70

لان عند اغلب الاساتذه يعتمدون هذه الاجابه ومع انها خاطئه :

هذا الاستاذ الي اعطانا هذا التوضيح راح بحث عن هاته المعظله في بكالوريات فرنسيه واجنبيه

ايه والحل ...الحل انك تجاوب غالط باش تدي نقطتك

انها باك الجزائر

قمر الزمان رؤية · 2012-03-31, 21:34

و ما الفرق بين الكمون المرسل و الكمون المفروض ( المطبق ) ؟؟؟؟؟؟

أمينة1994 · 2012-03-31, 21:35

الله غالب هاذي بلادنا

لو كان تشوف أستاذنا كيفاه شرحهالنا ............... تقول جامي قرا العلوم

مشكووووووووووووووور

عش حلمك · 2012-03-31, 21:43

يعني لازم نجاوبوا بالغالط اوووف تمسخير صح

حنا تاني الاستاذة تاعنا شرحتها بالغلط وكي بحثت عليها لقيتها صح غلطتلنا وانت باش تغلطهم اك تعرف ردة الفعل تاعهم

دونك تبلع فمك وخلاص

أم الشهداء · 2012-03-31, 21:43

السلام عليكم ورحمة الله تعالى وبركاته

شكرا على التوضيح و ان كان فهو كذلك ما تم شرحه لنا من طرف استاذتنا الفاضلة
فالكمون المفروض هو المحصلة الجبرية للكمون المقاس لليف في حالة راحة + الكمون الذي تم تطبيقه على الليف = 0

بالتوفيق للجميع
و السلامـــ’’ـــــ

PHARM2011 · 2012-03-31, 22:05

ايييييييييييييييه خاوا هده هي الجزاير واحوالها
كيفاش غادي نديرو
لازم تكتب الغلط باش تدي النقطة
؟؟؟؟؟؟؟؟؟؟؟؟؟؟؟؟

ٵڶقًـ۾ًـږღٵڶڝۼےـړ · 2012-03-31, 22:09

وقتاش صحّو بكالوريا علوم و قالو هكدا ؟

هاتلنا متال ،، باسكو ماشي acceptable تغلط الوزارة فالتصحيح و يزيدو الاساتذة المصححين

مازال ما سمعت بيها هادي هههه

alaa eddine free · 2012-03-31, 23:17

hhhhhhhhhhhhh wellahi l3adim w tchoufou wch cheft ....... chaque fois l prof ta3na ye critiké f les fautes to3 ktab w asatida lokhrin nroh nchouf
00000000000000 wellah ghir des catastrophes
dnc tt simplement njawbou fauuuuuuuuuuuuuuuuuuuuuut bach nedou lbaaaaaaaaaaaac

تائبة الى ربها · 2012-03-31, 23:45

مشكور على الموضوع
حنا كي درنا النشاط في الكتاب المدرسي قالت لنا الأستاذة نديروهم لزوج الكمون المفروض هو 0 بكمون +70 يعني الأستاذة نتاعنا شاطرة و نقدر نعتمد عليها....

~خيرات حِسان~ · 2012-03-31, 23:53

مقتبس من توضيح أستاذي
قيمة الكمون المفروض هي 0

orchid_girl · 2012-04-01, 05:45

اخي ماهمش الاساتذة كاملة يغلطو حنا بعد الاستاذة تاعنا قالتنا الكمون المفروض 0 الاحسن انك تجاوب الاجابة الصحيحة و شكرا لانك تطرقت لهذه الاشكالية باه توله باقي الاعضاء

زكي bac · 2012-04-01, 12:16

شكرا يا اخي
و لكن لا تنسى البارام لانه كل شيء و بالتالي مستحيل انهم يغلطوا فيه

zoldek 7 · 2012-04-01, 12:26

حنا قالنا ان معظم الاساتذه يعتمون تلك الاجابه الخاظئه ولازمك تجاوب بالخطا ولا متديش نقطتك

zoldek 7 · 2012-04-01, 12:28

اقتباس:

المشاركة الأصلية كتبت بواسطة زكي bac

شكرا يا اخي
و لكن لا تنسى البارام لانه كل شيء و بالتالي مستحيل انهم يغلطوا فيه

في الباريم ستجد الاجابه الخاظئه وماشي مستحيل

وبالعكس تصحيحات البكالوريا في النطام الجديد معظمها اخطاء ماعدا باك 2010 هي المتقنه والمميزه حسب ماقلنا استاذنا

ILHAM18 · 2012-04-01, 12:34

لا يا اخ استاذنا شرحها لنا بطريقة صحيحة والحمد لله