عمري

[مشكلتي]

آه لا شيء كالأم، فإن مجرد خيط من اللهب يذيب شمعة فليس أقدر من لمستها على إذابة صخور اوجاعي.
لا ادري كيف ابدأ
لكن المشكلة تكمن في انا,, في شخصيتي في طبعي في عصبيتي من نفسي
عانيت الكثير و مرضت لكن رحمة الله سبقت كل شيئ و شفيت الحمد لله و امي ساعدتني لتخطي ذلك
لكن خرجت من ذلك بعصبيه .. في غالب الوقت هادئة و اضحك و نقسر,, اعبر عن افكاري و ارائي بقوة و احيانا اخذ الامور بعصبية اكثر من اللازم خاصة في امور الخاصة بالبيت و العلاقات الاسرية
فيحدث ان اتناقش مع الوالدة في امور الزواج فهي دائما ترفض البراني و تعقد امورا سهلة و هذا ما يجعلني اتعصب لما اتناقش معها لا اقول اني اصرح عليها لكن احس داخل نفسي اني اغلي و اود ان اسمع رأيي بقوة خاصة لما تقولي استي وش تعرفي انتي. البراني هذا ما نعرفوهش كيفاه نسقسو عليه .. شكون يجيبلنا لخير الصحيح ؟؟؟؟؟
خاصة مؤخرا قريبتي خطبها واحد براني و ما عجبهاش الحال و بدات تقول وعلاش ما يشاوروناش و ما يشاوروش جدك و عمك ووووووو مع ان للفتاه والدها ليدبر عليها
عييت نفهمها انو والدها و امها كي يرضاو الباقي ما عليه غير يباركلها
ما حبتش تفهم نظرتي للامر مع ان نظرتي عادية جدا
هي تعقد الامورر لدرجة كبيرة ,,, خاصة امور الزواج .. حتى برت و راني مقابلتها ... تتكبر علا لي يحبو يخطبو ,, يقصدونا احنا و هي تقولهم روحو عند فلانه ورحو عند فلانة ....( قريباتها) و احنا ؟؟؟؟؟
و مؤخرا يود شخص براني ان يتقدم لي عييت كيفاه ندير معاها تشجعت و خبرتها لاني مع امي نفتح جميع المواضيع الحمد لله خبرتها مرةرفضت خليتها و ما ناقشتهاش.
بعد مدة عاودتلها بصح ما قالت والو سكتت؟؟ ما فهمتش كيف
قلبي رح ينفجر من الكبت

[الواثق]

هي امك وتخاف عليكي ........ربما نحن الجزائريين مانعرفوش نعبرو عن مشاعرنا لكن الواضح انك عزيزة بزاف على امك لهذا هي خائفة عليك وتخاف تعطيك للمجهول ................واش نقلك امك ثم امك ثم امك ...........صبرا جميلا والله المستعان.........وتضرعي الى الله واطلبي الخير فالخير فيما اختار الله .........والله المستعان

انا كذالك تقدمت لبنت وانا براني بالنسبة لهم ورفضت من قبلهم ان صح التعبير ......لنفس الاسباب التي ذكرتيها ........ولا الومهم في هذا ......وقدر الله ماشاء فعل

[امينة 1991]

رأي امكي على عيني وراسي لكن في وقتنا هذا البراني ارحم ب 100 مرة من القريب . والله اعلم.

[ام نسمة]

تدكري هدا الكلام جيدا اي كلام امك فيوم من الايام ستعرفين مادا قالت لديك نفس مشكلتي سابقا وها انا اليوم اعض اصابعي ندما واقول يا ليتني سمعت كلام امي ماكان جرا اللي جرا وان اردت التفصيل مكانش مشكل راني اهنا وربي يهديك اختي العزيزة ويقدرلك غير الخير

[salam algeria]

السلام عليكم
اكيد امك راهي خايفة عليك و حابتلك احسن شيء في الدنيا لكن هذا ما يمنعش انو عدم ثقتها في جميع البرانية يدعو للحيرة
حاولي تتكلمي معاها و تعطيها امثلة على ناس تزوجو برانية و راهم ما خصهم والو يمكن تقتنع
ربي يسهلك اختي و يفرج عليك

[تهاليل]

ربي يكون معاك أختي ومش كل قريب يؤتمن ومش كل براني يؤتمن واكيد أمك مارفضت إلا لخوفها عليك وعلى مستقبلك حابتك ترتاحي في حياتك وتسعدين صح مرات راح تعبك بصح كل شيء في مصلحتك صدقيني وربي يرزقك ولد الحلال ومكتوب حد مايديه حد ولو كاتبلك ربي تدي براني تديه مهما حاول جميع اسرتك المهم اي واحد يتقدملك استخيري الله وإن رفضت أمك طاوعيها لأن الرجل يرجع وممكن تلقاي غيره أما الأم والوالدين يلا زعفوا منك واش يرضيهم يعني بالتي هي أحسن حاولي تفهميها خصوصا يلا كان غنسان متدين وخلوق ومايعيبه شيء يعني تناقشوا بالتي هي أحسن وربي يوفقك في الإختيار يارب

[حلاوة_87]

وكانك تتكلمين عن امي....لكن ما عساي افعل لما فرضت رايي في""الزواج من براني"" قبلت في البداية خوفا عليا ندير حاجة مش مليحة لكن بطريقتها انهت تلك الخطبة وجعلتني ارضى بالامر...والان كي خطبني واحد من الاهل خلاتني نعوم بحري وحدي...
حاولي معاها غير بالعقل وربي يرضيها عليك...

[اجنحة الملائكة]

امك مهما يكون تحبلك غير الخير حتى ادا كان عن جهل ادا هاد الانسان مليح استخيري و شوفي حاولي معاها بالظرافة و العقل حتى تقتنع لانها غير خايفة عليك و ربي يهنيك و يسهل امورك

[جسور المحبة]

والله يا اختي يماك هذي تقول الام تاعي حتى هي نفس التفكيييييييييير وانا في كلش نتفاهم معاها غير في حكاية البراني والووووو صدقيني وليت ما نحبش نحكي معاها في هذا الموضوع حتى لو هي تفتحو لانني اصبحت عصبية ونخاف كلامي يتبدل
ربي يفرج

[أم دارين]

المشاركة الأصلية كتبت بواسطة مشكلتي

آه لا شيء كالأم، فإن مجرد خيط من اللهب يذيب شمعة فليس أقدر من لمستها على إذابة صخور اوجاعي.
لا ادري كيف ابدأ
لكن المشكلة تكمن في انا,, في شخصيتي في طبعي في عصبيتي من نفسي
عانيت الكثير و مرضت لكن رحمة الله سبقت كل شيئ و شفيت الحمد لله و امي ساعدتني لتخطي ذلك
لكن خرجت من ذلك بعصبيه .. في غالب الوقت هادئة و اضحك و نقسر,, اعبر عن افكاري و ارائي بقوة و احيانا اخذ الامور بعصبية اكثر من اللازم خاصة في امور الخاصة بالبيت و العلاقات الاسرية
فيحدث ان اتناقش مع الوالدة في امور الزواج فهي دائما ترفض البراني و تعقد امورا سهلة و هذا ما يجعلني اتعصب لما اتناقش معها لا اقول اني اصرح عليها لكن احس داخل نفسي اني اغلي و اود ان اسمع رأيي بقوة خاصة لما تقولي استي وش تعرفي انتي. البراني هذا ما نعرفوهش كيفاه نسقسو عليه .. شكون يجيبلنا لخير الصحيح ؟؟؟؟؟
خاصة مؤخرا قريبتي خطبها واحد براني و ما عجبهاش الحال و بدات تقول وعلاش ما يشاوروناش و ما يشاوروش جدك و عمك ووووووو مع ان للفتاه والدها ليدبر عليها
عييت نفهمها انو والدها و امها كي يرضاو الباقي ما عليه غير يباركلها
ما حبتش تفهم نظرتي للامر مع ان نظرتي عادية جدا
هي تعقد الامورر لدرجة كبيرة ,,, خاصة امور الزواج .. حتى برت و راني مقابلتها ... تتكبر علا لي يحبو يخطبو ,, يقصدونا احنا و هي تقولهم روحو عند فلانه ورحو عند فلانة ....( قريباتها) و احنا ؟؟؟؟؟
و مؤخرا يود شخص براني ان يتقدم لي عييت كيفاه ندير معاها تشجعت و خبرتها لاني مع امي نفتح جميع المواضيع الحمد لله خبرتها مرةرفضت خليتها و ما ناقشتهاش.
بعد مدة عاودتلها بصح ما قالت والو سكتت؟؟ ما فهمتش كيف
قلبي رح ينفجر من الكبت

السلام عليكم
شوفي أختي هذا المشكل معظم الجزائريين واقعين فيه
حاولي تفهمي أمك أنو المطلوب فالزواج هو الدين والأخلاق
وبراني ماشي براني هذه ما عندها حتى معنى
لكن ماشي تقوليلها هاد الشي بعصبية
بشوية يعني مثلا مرة قوليلها وحدة صاحبتي تخطبت لبراني وكده وكده
باش تفتحي موضوع النقاش

وتاني مثلا كي تكونوا قاعدين مع بعض
افتحي التلفزة على برامج تلفزيونة فيها شيوخ يتكلموا عن الزواج
وأكيد ديننا الحنيف قصة البراني هذه أمر مفروغ منه

وربي رايح يحنن قلبها ورح تفهم شوية شوية
أنو المهم فالزواج هو السترة والهناء
وأنو البراني إذا كان متدين وخلوق فهذا كاف

وتأكدي أنو أمك تتكلم هكذا من خوفها عليك

والله ولي التوفيق سبحانه وتعالى

[abdelhai45]

امنت بالله ربا وبالاسلام دينا وبمحمد نبيا صلى الله عليه وسلم تسليما