|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2012-01-15, 18:51
|
رقم المشاركة : 1 | ||||
|
رتبوا معايا مقاضي الشهر
 مرحبا بيكم لبناااات  رايحة نوضع بين يديكم طريقة ترتيب مقاضي الشهر باسم الله هادي مقاضي الشهر لعائلة كبييرة تباريك الله ما تنسوش كل واحدة وظروفها و كل واحدة و إمكانياتها واحتياجاتها اليومية و الاسبوعية و الشهرية من المصروف و الشراء للمقاضي شوفوا مقاضي الشهر راهي فالأكياس ومن غير اللائق لما رب البيت سواء الزوج ولا الاب ولا الاخ يشري المقاضي و المصروف للبيت من غير اللائق أنك تخليها فالاكياس لأنك رايحة تخليه يحس أنك غير مهتمة بجهده في الشراء وحتى ما يهمكش إذا فسدت الاغراض لهذا غاليتي فور شراء الاغراض سمي الله و شمري و رتبيها و لا تتواكلي و تسوفي لأن النتيجة بعد الترتيب سيكون مطبخك مرتب و كل شي في مكانه على بركة الله نبدأ  ياعيني على المطبخ يبكي كل اول الشهر ههههه   يلا لبنات رايحين ترتبوا معايا كل هادي الاغراض شدوا الهمة معايا شوية الآن سنقوم بعملية الفرز اولا افرز اللحوم والدجاج لانها سرعان ما تتلف  اقسمها على حسب الايام     الى الثلاجة ننتقل الى باقي الاغراض سنفرز مواد التنظيف لأن رائحتها قوية أو ممكن تأثر على باقي الاغراض إذا سالت واختالطت بيهم نجمعها لوحدها ونبعدها عن باقي الاغراض   وهذا ايضا من مواد التنظيف يمكن اعتباره المنظف السحري  نجمع المعجنات  نجمع الشاي والقهوة  التوابل  نجمع البلاستيك الغذائي وورق الالمنيوم و أكياس القمامة مستلزمات الفلان نجمع العلب نفرزها لوحدها نفرز الاغراض اللي تنحط في الثلاجة البيض لأنه يوضع في الثلاجة أيضا المشروبات نرتبها في الثلاجة أيضا و الزيت نرتبه في مكان خاص في أحد البلاكارات السفلية فالمطبخ الان نبدأ في الترتيب نمسح الدولاب جيدا ولا أنصحكن بإضافة اي معطر باش ما يأثرش على رائحة المواد الغدائية  ونحرص ان نجمع كل نوع على حدى     ونكمل مع باقي الاغراض او ممكن نخزن الشربة و مشتقاتها في هاد العلب الزجاجية أما الزيتون و مشتقاته ممكن نخزنوه بهادي الطريقة و أغراض الثلاجة إلى الثلاجة   و بهكذا تنتهين من مقاضي الشهر مرتبة و منظرها يشرح النفس  
|
||||
|
|
2012-01-16, 08:27
|
رقم المشاركة : 5 | |||||
|
اقتباس:
العفو حبيبتي أنا في الخدمة أم أمجد اقتباس:
لالا ما تقوليش نسيتك راكي فالبال غير شوية صبر و رايحة ترضي بإذن الله أبشري حبيبتي |
|||||
|
|
|
2012-01-16, 09:03
|
رقم المشاركة : 8 | ||||
|
اقتباس:
أهلا حبيبتي
حلم جميل لقبك رائع" حلم جميل" الله يحفظك أبشري حبيبتي كلشي ساهل خبريني برك واش هوما المواعين اللي بزاف فالكوزينة -اللي تستعمليهم يوميا -اللي تستعمليهم في أكلات خاصة -طقم و مواعين الضيوف - الادوات الكهربائية اللي تحتاجيها فالكوزينة و جاوبيني إذا كان عندك بلاكار ولا خزانة خارج الكوزينة في بيت أخرى ولا كولوار ما تحتاجيهش بزاف ولا عندك فيه البلاص خاوي راني نستنى ردك حبيبتي |
||||
|
|
|
2012-01-16, 10:09
|
رقم المشاركة : 9 | |||
|
انت الاروع عزيزتي حبيبة |
|||
|
|
|
2012-01-16, 15:35
|
رقم المشاركة : 12 | ||||
|
اقتباس:
حلم جميل
جملك الله بحسن الخلقة و الخلق اللهم آآآميين شوفي حبيبتي بما أنو ماعندكش بلاكار فالكوزينة لازم لازم تخففي مالمواعين فيها خاصة وأنها ضيقة شوية ولازمك المساحة الكافية باش تدوري فيها و تبدعي في الاكلات لزوجك و أولادك حبيبتي ننصحك باش تخرجي كامل أواني الضيافة تغسليهم و تنشفيهم و تغلفيهم بالبلاستيك هكذا كيما فالصورة البلاكار الي راكي دايرة فيه الفراش شوفي كيفاش تخوي الطابق التحتاني منه فقط و حطي فيه اواني الضيافة اللي غلفتيهم و كلما جاك شي ضيف روحي جبدي اللي تحتاجيه و لما تغسليه عاودي نشفيه و غلفيه و رديه لمكانه مواعينك اليومية لازم لازم تفرزيها اللي تحتاجيه ضروري خليه و رتبيه فالكوزينة واللي تحبيه و عارفة روحك تستعمليه مرة فشهرين خرجيه مالكوزينة أما اللي ماتحتاجيهش و مازاله جديد صدقيه لوجه الله ولك الاجر و اللي مهرس ولا غير صالح للاستعمال جمدي قلبك وارميه الادوات الكهربائية نفس الشيء كيما درتي معا الماعن فرزيها و ديري نفس الخطوات اللي خليتيه ليك لميها كامل و ديريها فالبلاكار اللي فالكوزينة و ما تخلي حتى حاجة فوق البوتاجي حتى الماعن مين تغسليهم نشفيهم و رتبيهم فالبلاكار و ارفدي قطارة المواعين ما تخليهاش فالبوتاجي جبديها غير لما تحتاجيها و عقميها دايما هاكدا راح يخفاف عليك الشغل و يوساع المطبخ و تسهال عليك مهمة أنك تفرحي ولادك و راجلك بأكلك اللي راني واثقة أنو يشهي |
||||
|
|
|
2012-01-16, 16:45
|
رقم المشاركة : 15 | ||||
|
اقتباس:
أهلا حبيبتي أم أمجد
بالطبع لازم نرفدوها و نشوفولها مكان فالكوزينة وين ما تغبنش الحركة نتاعنا فالبلاكار ولا فوقوا المهم تاني ماتبقاش فوق البوتاجي على خاطر رايحة تلم المكروبات لذلك لازم تعقميها يوميا قبل الاستعمال و ديريها فالشمس من بعد اغسلي الماعن و قطريهم فيها و لما ينشفوا زيني نشفيهم بالفوطة الخاصة و رتبيهم فالبلاكار و القطارات تاني خزنيهم و حطي اكسسوار ولا زوج في بلاصتها ماتكتريش |
||||
|
|
|
| الكلمات الدلالية (Tags) |
| معايا, مقاضي, الشهر, رتبوا |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
