انا محتار جدا

[مشكلتي]

السلام عليكم
انا طالب جامعي ومشكلتي انو البنات او الزميلات لي يقرو معايا يجو دايما يقعدو معايا فساحة الجامعة كي نكون وحدي ولا مع صحابي ما تفرقش عندهم ويقعدو وكاين بنات يقعدو يسلمو فالوجه اخخخخخخ والله غير حشومة انا دايما نحاول نبعد ونمد غير يدي للتحية بصح هوما ماعلابالهم يسلمو وخلاص...صحابي قالولي ماتزيدش تجيبهوملنا حنا في حنا وراهم يجو على جالك ..................................
انا صح نحب نقصر ونضحك بصح فالقسم برك وما قلتلهمش لصقو فيا والمشكل الكبير يقعدو يقولولي نتا وحدة قاتلي علاش تعجبني ؟ هههه والله غير حشمت واش نقول...وانا باش نقزي الناس ونطردهم ماشي عقليتي وجامي نخسر مع واحد ولا وحدة
أرجو انكم تكونو فهمتو المشكلة وانصحوني واش ندير

[رزان.]

ما دام تمد يدك للتحية يعني مؤشر للترحيب بالفكرة و قبولك لما يحدث من تصرف

يا أخي ابتعد عن مثل هذه المواقف أشغل نفسك بالمراجعة أو أي شيء آخر تجنب هذه الجلسات

و أكيد راح يفهموا ذلك بطريقة غير مباشرة

لو وافقتهم الرأي سوف يجرونك إلى أمور أخرى

الله يهديهم

[أمينة1994]

عذرا على التدخل وانا أقل منك سنا لكن من باب النصيحة فقط

أصلا مد اليد حرام ....... مصافحة الرجل لامرأة غريبة عنه محرمة في ديننا الحنيف

حاول أن تبتعد عنهن قدر الإمكان حتى وانت في القسم لا تتحدث إليهن كثيرا فالبنات عندما يجدن شخصا طيبا ويتحدث معهن بانشراح صدر لن يدعنه

وكيما نقولو بالعامية: خلي لروحك هيبة عندهم ......... خلي الوحدة فيهم قبل ما تهدر معاك تحسب ألف حساب

سمطهم وخلي يقولو سامط ..... واللي تشوفها كثر الهدرة معاك قولها احترمي روحك

ربي يوفقك في قرايتك

[osama3]

ههههههه يجوك غير على وجهك ولا دراهمك خويا ننصحك اهتم بالمفيد...

[*أمنيآت لآمتنآهية*]

بدل العقلية،دير كيما صحابك،ماتهدرش معاهم في القسم، مايجو يمدولك يديهم مايسلمو ما يجمعو وهكذا ترتاح
راني شايفة عقلية بعض البنات اذا ضحكلهم الراجل لصقوا فيه،حاول تبعد قدر ما تقدر،وابقى دائما مع صحابك الذكور،حاول تجبد كتاب وترا فيه يعني ما تمدلهمش الوجه وهكذا يبعدوك بسهولة
وربي يوفقك

[أم لجيـن]

بما انك تحب تقصر وتضحك ........ مزلت تشوف
+
كيما هم وقحات ويجو يسلمو ويقصرو توقّح فيهم وبعدهم عليك متربح منهم حتّى فايدة
+
ماهمش حاجة كبيرة بش تحشم تقوللهم متزيدوش دورو بيا .....نورمال اليوم تقوللهم انت غدوة يدورو بآخر
ربي يهدي الجميع

[عُضو مُحترم]

دير كيما انا

زيّر وجهك

السلام عليكم و عليكم السلام كيف الحال الحمد لله بخير

انتهى

[ما وراء الطبيعة ؟؟؟؟]

ههههههههههه

يجيو على جالك

علاه أنت شكوكو معندكش شخصية .....................

اليوم يمزحن معك وغدا يلدغنك .................بقوة ................

[الفتآة]

السلام عليكم ورحمـة الله وبركـاته
أخي الكريم
سيتطور الأمر إلى أكبر من هذا ما لم تضع أنت حدا لنفسك ولهؤلاء البنات
تحلى ببعض الجرأة والشجاعة
وواجه هؤلاء الفتيات بكل صدق
ودع عنك أسلوب الحشمة فهو لن يجدي نفعا في موقف كهذا

[رُوح طِــஐـــفلة]

ما تحتار ماوالو
دورها {أخيــــــــــــنا } لحية ,سواك وقميـــــــص ..
صدقني وحدة ما تزيــــــد تدور بيك ..

[بنت الباهية]

انت تسلم عليهم و تضحك معاهم و تحكي معاهم املا ما تلومهومش

[faty05]

ما تزيد تمد لا يدك و لا خدك
ما تزيد تختلط بيهم و لا شي
في القسم احكو في الضروريات يعني مش لازم تتناقش مع وحدة في الدرس
و برا ما تعرفهم ما يعرفووك

[عميروش الحر]

ونتا علاش تقعد فالساحة
وقت القراية قراية وكي كون عندك وقت فارغ قعد فالمكتبة ولا روح للدار
كيما انا ما نضيعش وقتي فالتفاهات والهدرة بزااف كي نكمل القراية ديراكت للدار ولا نروح نقضي صوالحي

[أمة الجبّار]

السلام عليك أخي
أولا شعورك بالذنب دليل على معدنك الأصيل، ساقدّم اليك تجربتي الشخصية، عندما كنت ادرس في الجامعة كنت لا ارتدي الحجاب (الآن الحمد لله تعالى)، لهذا كان زملائي يظنّونني كباقي البنات لكني كنت صارمة في هذا الموضوع و وضعت حدّا لهم حتّى اصبحوا ينادونني " أختينا ديكابوتابل"،،، انا لا اقول لك هذا لأتباهى و إنّما لأقول لك أنت رجل و يجب ان تكون لك كلمتك ،،،
إليك أخي بعض النصائح
إمّــــــــــــــــــــــا أن تكون صارما و تقول لهنّ أنا لا أصافح النساء لأنّه حرام
و إمّــــــــــــــــــــــا ان تقوم بسرد الحديث الذي جاء عن الرسول الكريم صلى الله عليه و على آله و سلّم و الذي رواه الطبراني ( و في هذا الباب الكثير) :" لأن يطعن في رأس أحدكم بمخيط من حديد خير له من أن يمسّ امرأة لا تحلّ له"و هذا طبعا في خضمّ قصّة ترويها


أنا في رايي ان تكون رجلا صارما و ان لا تتردد و ان لا تترك الباب مفتوحا لشياطين الجنّ و الانس ، ولا بد لك من نصح الضالّين فهناك من لا يعرف انّ هذا حرام

اللّهم إنّا نسألك الهدى و التّقى و العفاف و الغنى، اللّهم اهدي شبابنا و شابّاتنا و اجعلهم هداة مهتدين لا ضالّين و لا مضلّين
لا إلـــــــــــــــــــــــه إلاّ أنت سبحانك إنّــــــــــــــا كنّا من الظالميــــــــــــــــــــــــــــــــن
أرجو اني قد افدت بإذن الله جلّ في علاه،، و الله المستــــــــــــــــــــــعــــــــــــــــــأن