الوصفة التي اعتمدها للمسكوته و الطورطات

kakinova · 2012-09-11, 09:18

هاذي وصفتي الخاصة لعمل الموسكوتشو و الطرطات

تجي خفيييييييييييييييييييفة و سهلة و البنة ما نحكيش

ما نخاف تنزل ما نخاف تتشقق ما نخاف تعجن فالوسط

المقادير :

نصف كأس نشاء أنا نسيت ما صورتوش
1 فلان فاني
نصف كأس سكر عادي
نصف كأس زيت
1 و نصف خميرة الحلوى " بيكن باودر "
تقريبا كأس و نصف فرينة لكن اولا استعملي الكأس و ان احتجت للمزيد أضيفي من النصف على دفعات
1 سكر فاني
نصف ملعقة من الفاني الكيميائية " العلبة الصغيرة "
6 بيضات
رشة ملح

التحضير :

نبدء أولا بتسخين الفرن على اعلى درجة

2 نخلط البيض جيدا مع الملح و الفانيليا و سكر الفانيليا

3 نضيف الفلان و السكر و الزيت و نخفق حتى تصبح مثل الكريما

3 نضيف الفرينة المنخولة " نسيروها " نصفها فقط و ننخل معه كذلك الخميرة و نحرك و نضيف الفرينة على دفعات حتى نتحصل على عجينة متماسكة لكن طرية و جارية قليلا
4 ندهن الصينية بالزبدة ثم نرشها بالدقيق " الفرينة " و ننفض ما بقي منه ثم نسكب مزيج العجينة

5 ندخلها الفرن نغلق عليها و نخفظ الحرارة إلى 250 درجة

لا نفتح عليها
أنا وضعتها في الجزء السفلي لان صينيتي ثقيلة و خشنة من الأسفل تنضج من الاعلى اسرع من الأسفل
من لديها قالب للمسكوته أو للكعك الذي يفتح يجب عليها الحذر حتى لا تحترق و خصوصا انو خفيف و يحرق بسرعة الحواف
يجب أن يكون لونها ذهبيا لأن العجينة صفراء اصلا

مدة الطهي حسب الفرن
إذا احمرت الجناب فمعنا هاذا أنها نضجت من الاسفل
و اذا انتشرت رائحتها يعني انها نضجت
يمكنك حينها فتح الفرن و وضع عود أسنان للتأكد أنها نضجت تماما
انا أخذتلي 15 دقيقة حتى نضجت و كل واحدة حسب نوع الفرن لديها و نوع المول الذي تستعمله أنا عن نفسي نستعمل الصينيات و القوالب من هاذ النوع دون ان اخاف من احتراقها من الأسفل

تبقى ثلاث ايام و الله ما تروح ما تجي تبقى طرية و هشوشة كأنها جديدة

و لي تحب تسقيها بشربات خفيفة كل وحدة و ذوقها انا عن نفسي ما نحبش نسقيها و نا كلها مرنخة " مشمخة "

و هاذي بعد ان تخرج من الفرن تلمع و نفس السمك لا تشققات لا مكان نازل و القشرة طرية رووووووووووووعة

و هاذو عملتهم في رمضان الكريك بمناسبة عيد ميلاد بنتاي و وحدة للسهرة اطفالي صغار لذا حاولت تزيينها باشياء يحبوها مثل الحلوى الصغيرة و الشوكولا اشياء بسيطة و لذيذة

صنع بيتي و بالموجود احسن ما نروح نشريها و ما نعرفش واش مكوناتها ، رغم اني كنت محشورة مع طبخ رمضان و الحلويات

أم ماجد · 2012-09-11, 09:20

بارك الله فيك تبان هايلة

oum hamza · 2012-09-11, 10:06

Barak allah fik raw3aaaaaaaaa

*سماح 94* · 2012-09-11, 12:21

يعطيك الصحة اختي هايلة

ويناروز · 2012-09-11, 12:30

بارك الله فيك يعطيك الصحة

kakinova · 2012-09-11, 15:39

نورتم صفحتي بمروركن

اختي ام ماجد

اختي ام حمزة

اختي نوكيا

اختي نيروز

و فيكن بارك الرحمن و الله يعافيكن

*ام رامي* · 2012-09-11, 15:48

يعطيك الصحة وبارك الله فيك
هاااايلة
وبصحتكم

ninafret · 2012-09-11, 16:20

امممممممممممم جاتك روعة في الحقيقة انا عمري ماجربتها بالفلان
رح نطبقها قريبا يعطيك الصحة اختي

بنت الطيب · 2012-09-11, 17:43

شكرا أختي راني جربتها والله هايلة يعطيك الصحة

kakinova · 2012-09-11, 18:10

الله يعافيكم

شكرا لمروركما اختي ام رامي

اختي نينا نورتو الموضوع

kakinova · 2012-09-11, 18:13

الله يعافيك اختي بنت الطيب تاكلوها بالصحة

و الله مرات كثيرة جربت نضيف حاجات و نحي حاجات باه نخترع وصفة خاصة و فالأخير كانت هاذي الوصفة المفضلة عندي و حبيت نشارككم فيها

سالمة سلامة · 2012-09-11, 18:22

بارك الله فيك

الصوامعية · 2012-09-11, 18:27

تبان هايلة ومتأكدة أن ذوقها هايل
عندي سؤال أختي عبرتي بكاس عادي ولا بالكاس جوتابل لراهو يبان فالصورة

تيارت · 2012-09-11, 18:57

مشكوووووورة حنونة على الوصفة و خلينا دايمن نتمتعوا بدوقك

kakinova · 2012-09-11, 19:11

شكرا لمروركن اخواتي

سالمة سلامة

الصوامعية

تيارت

و ان شاء الله ماش رح نبخل عليكم باي وصفة

و النسبة لسؤال الأخت الصوامعية ايه استعملت الكاس الجوتابل لأنو ماهو كبير ماهو صغير حجمو مليح باه ناخذوه كمكيال