نتائج مفتش مركزي للخزينة بعنابة كارثة

turkojan · 2012-04-17, 17:59

والله كارثة يا اخوان
جميع الناجحين كانوا من اختصاص المالية و علوم الاقتصاد والتسيير ولا واحد ناجح من فئة الحقوق والله هذا ظـلم وتعدي صريح وهذا باحتساب نقطة واحدة لفئة الحقوق و 4 نقاط لباقي الاختصاصاتِِ!!!!!!
لماذا اذن نجتاز مسابقة ونحن بروح انهزامية منذ البداية كالذي يدخل معركة وهو يعلم انه خسران لماذا كل هذا التلاعب؟؟!!!
والله حرام مسابقة شكلية و النتائج محسومة منذ البداية انا شخصيا اشكك في نزاهة المسابقة واوجه اصابع الاتهام الى القائمين والمسؤولين في الخزينة لولاية عنابة لاستعملاهم المحسوبية من اقارب و صدقاء على حساب الاخرين ,علينا فضحهم في الجرائد وفي الانترنت و ارسال تقارير الى الوزارة والى رئيس الجمهورية انها كارثة باتم معنى المقاييس وكل ما عساي قوله هو حسبي الله ونعم الوكيل فيهم والله المستعان

terfas86 · 2012-04-17, 18:26

قولي يا اخي افيشاو التنقيط تاع جميع المترشحين؟؟؟؟؟؟؟

turkojan · 2012-04-17, 18:35

نعم اخي البارحة تم اعلان النتائج لكن كارثة

مينيفر · 2012-04-17, 18:38

اسمح لي يا خي هذا ليس ظلم لان اصحاب الحقوق من المفروض اصلا ان لايدخلوللمشاركة في المسابقة لأنهم ليس هذا تخصصهم فهم لم يدرسو لا المحاسبة ولا التسيير ومع ذلك فهم لهم الحق المشاركة في جميع المسابقات واصحاب دبلوم الآقتصادليس لهم الحق في المشاركةفي معظم المسابقات وخاصةفي المحكمة اين لم يسمحو لنا حتى بالمشاركة في المسابقة التوظيف لماذا لا ادري اصبح دبلوم الحقوق يستطيع ان يعمل محامي موثق في جميع المجالات وتشتكون من فوق

hind_i07 · 2012-04-17, 18:50

السلام عليكم
مبروك لناجحين
خويا لعزيز واحد حقوق وش فهم في الميزانية وش عرف بالمجموعات الحسابية وش عرف في دفتر الاستاد وش فهم في دائن ومدين ...................................... هدا التخصص تاع الاقتصادين وعلاه كي كنا ندخل معاكم مسابقة المتصرفين انتم تنجحو واحنا واحد ما كان يهدر ويقول ....................... ربي يجيبلك الي فيه الخير مي الميزانية والضرائب والخزينة خاطيتكم مع كل احترماتي وكل سيد في ميدانه اعطي الخبز ال خبازو هكا كان يقول ناس بكري.

Mahboub_222 · 2012-04-17, 19:31

اخي ...حديثك على المحسوبية ...مقبول و لكن ...تقييمك..النقطة على اساس الشهادة..بانك تساوي بين اصحاب الحقوق و ااصحاب العلوم التجارية او الاقتصاد فذلك ...افتزاز منك...

المحاسبة...لا تساوي الحقوق

انا هو · 2012-04-17, 19:37

السلام عليكم
ممكن اخي تحطو لنا قائمة الناجحين او وين نقدر نشوفهم؟من فضلكم

انا هو · 2012-04-17, 19:38

من فضلكم وين علقو النتائج ؟وين نقدر نشوفهم؟

fr95 · 2012-04-17, 20:33

قدر الله ما شاء
الانسان دار اللي عليه و خلاص
لكان تقفلت في باب ان شاء الله تفتح 10 ابواب خير منها الانسان ما يفشلش برك

hind_i07 · 2012-04-17, 20:39

اخي انا محكيتش علي المحسوبية كامل لكن واحد حقوق ميقدرش يكون مفتش مركزي في الخزينة خلونا نكون واقعين منكدبوش علي بعض انا شخصيا منقدرش نكون محامية ومنقدرش نترافع في محكمة التكوين عندو معني كون جاء التخصص معندوش معني وش فائدة التوجيه والميول واحد مش اختصاص يعاني في خدمتو مي واحد صاحب اختصاص يبدع في مجال عمل خونا نطورو بليز .

real elhou · 2012-04-17, 22:44

الجماعة لي تحكي علي المحسوبية نقوللكم بركاكم كلشي بتوفيق ربي سبحانه انا راني كيفكم عقبت الكونكور معاكم وتحصلت علي علامة كاملة في الشفهي + صدقوني والله العظيم غير عمي نائب المديير تاع الخزينة الجهوية تاع عنابة ومنجحتش قدر الله ما شاء فعل هدا كونكور 3 لي نخسرو في ظرف 3 شهر

terfas86 · 2012-04-17, 22:53

اقتباس:

المشاركة الأصلية كتبت بواسطة real elhou

الجماعة لي تحكي علي المحسوبية نقوللكم بركاكم كلشي بتوفيق ربي سبحانه انا راني كيفكم عقبت الكونكور معاكم وتحصلت علي علامة كاملة في الشفهي + صدقوني والله العظيم غير عمي نائب المديير تاع الخزينة الجهوية تاع عنابة ومنجحتش قدر الله ما شاء فعل هدا كونكور 3 لي نخسرو في ظرف 3 شهر

قولي اخي في عنابة افيشاو النتائج بالكامل؟؟ قصدي لجميع المترشحين و النقاط المحصل عليها في المقابلة و المعدل و التخصص؟؟ اي التنقيط بالكامل؟؟؟؟؟؟
قولي واذا كان كذلك ويناه التخصص لي ياخذ 4 نقاط من بين التخصصات؟؟ بارك الله فيك

real elhou · 2012-04-17, 22:58

اخي انا منكدبش عليك مشفتش النتيجة ورانا علابالي بنتيجتي من مدة لانو كيما قلت عمي يخدم تما وقالي بلي منجحتيش محبيتش نحوس نفهم بصح الجماعة قالو بلي افيشاوها روح غدوة لتريزور وشوف انا منحوسش نفهم منجحتش وبرك

terfas86 · 2012-04-17, 22:59

بارك الله فيك ربي يعوضك انشالله

جدي علي · 2012-04-17, 23:43

السلام عليكم
أولا : بارك الله فيكم جميعا على المشاركة في هذا الموضوح الحساس
لكن المشكل بوضوح الشمس ماهيش منا ولا من المصححين
انا نقول ان الكل على حق أصحاب الحقوق والمحاسبة
المتكلم :خريج جامعة اقتصاد و تسيير مؤسسة ليسانس كلاسيكي دفعة 2009 مشارك ايضا في المسابقة
أفهم أن المشكل في الوظيف العمومي الذي يخلط بين التخصصات مما يجعل فتن بين المترشحيين مما يشكك في شفافية كل المسابقات