مشكتي مع الكفتة

سماح 88 · 2014-02-12, 09:36

صباحكن سعيد اخواتي
انا كلما اطيب الكفتة اصير في مشكلة وهي اني
لما اكورها وارميها في المرق تتفتت هي لازم اقلhا شوي ولنا لا احب المفلي
ثم اذا ضفتهلها ملعقة فرينة تتماسك شوي لكن لا احبذ ذلك
هل من طريقة اخرى؟؟؟

tasnime_ess · 2014-02-12, 10:22

اختي ضيفيلها شوي بصل هداك البصل مرابي اعصريه مليح ادي غير القشرة مش الماء وخلطيه في الكفتة وبربي انشاءالله ماتتحلكش

touta2010 · 2014-02-12, 10:32

الكفتة اختي ضيفيلها البياض البيض والخبز المرحي لشابلوغ

ام هدولة · 2014-02-12, 10:48

صباح الخير اختي انا نضيفلها بياض البيض والقليل من الدقاق تاع الفريك لما نرحيو الفريك ونغربلوه يطيح منو الدقاق دائما محتفظة بيه وبهذه الطريقة الحمد لله جاامي تحلتلي

ضحى تسابيح · 2014-02-12, 12:12

أهلا أختي.... أنا نزيد للكفتة مغيرفة زيت برك

عطرالذهب · 2014-02-12, 12:18

اختي ننصحك بالنشاء ورديلي لخبر
في كل نصف رطل لحم مرحي ملعقة متوسطة نشاء وكوريها كي تطيب تلقايهها طريييييية وبنينة وشكلها ما يتغيرش

بيلسان11 · 2014-02-12, 13:18

شوفي أختي كيما قالولك الأخوات لازم تديريلها البيض بكمية كافية و تزيدي غبرة الفريك أو الأرز انت و ذوقك انا نحب تاع الفريك تجي بنينة خير , أنا نديرلها معدنوس و بصل رابي و فلفل أسود و ملح ,

oumbasma · 2014-02-12, 14:36

أنا نضيفلها البيض يعني على حسب كمية اللحم المرحي [ عينك ميزانك] أو مجرد شوية زيت تجي متماسكة و طرية بعد الطهي

سماح 88 · 2014-02-12, 16:13

شكرااا حبيباتي على ردودكن القيمة
انا اضع للكفته بيض كامل وبصل رابي وتوابل وملح ومعدنوس واضفتم لمعلوماتي زيت واشياء اخرى
لكن اذا رجعتم للوصفة الاصلية المعروفمة مش حنلقى اي اضافات وتبقى كرية اللحم متماسكة سوى مطبوخة او مقلية

SELMA. · 2014-02-12, 16:24

Ana nzidelha basla lmdawya li rayha ndir biih sos bblanche chwya bark wnakhdemha bla hata haja mais ki tlouhiha lazem tkoun margua taghli w matnagsish l gaz w matharkihash w louhiha b la3kel jamais tetfrtet

ادرارية · 2014-02-12, 16:30

اختي انا نزيد زيت او سمن لا نشاء ولا بيض ولا فريك وتجي روعة

liyna_24 · 2014-02-12, 17:10

البيض هو لي يلم الكفتة كي يكون ناقص تتفتت في لاصوص

ام جليل04 · 2014-02-12, 17:28

السلام عليكم انا نحضر اللحم المرحي عادي بدون اضافة لا بيض ولا نشاء ولا اي شيء
السر هو انك تضعي كريات اللحم بعد ما تغلي الطنجرة يعني المرقة شخونة مش باردة ارجو ان تكوني قد فهمتي
يعني نحضر المرق عادي عند نضجها وغليانها نضيف الكريات ومش رايحين يتفتتو لك

دائمة الحمد · 2014-02-12, 22:53

انا نفوحها عادي ثم نزيد شوي خبز مرحي ونعجنها
ونبدا نزيد في البيض بالشوية بالملعقة قيس ماتتلم
ونكورها ونرميها وفي ا لبرمة وهي فوق النار تغلي

ام اريام · 2014-02-12, 23:08

اختي انا نتبلها ونضيف الثوم مرحي و شوية بصل مرحي والسر باش ما تتحلش هو مغرفة زيت تضيفيها وتخلي المرقة تغلي و ترمي الكفتة اعتمدي هذه الطريقةوجامي تتحل .