الدرس الرابع عشر من دورة تعليم الحلويات

[*أم كوثر*]

بسم الله الرحمن الرحيم
السلام عليكم و رحمة الله و بركاته
القطايف
من اطيب و أشهى الحلويات
معروفة جدا عندنا في الشرق بعد البقلاوة
شخصيا تعجبني في المنظر او المداق احسن من البقلاوة لكن في الاعراس نديرو البقلاوة اكتر ربما لانها في الععمل اسهل من القطايف
اليكم المقادير معع الطريقة
1كغ فرينة
500 غ زبدة
1 بيضة
ملح وماء زهر
الحشو
كيلو لوز او كوكاو او اللي موجود عندك و تقدري تخلطي المكسرات
سكر عادي
قرفة وماء زهر
التحضير

نحط الفرينة و ندوب 250 غ زبدة و لااازم تكون باردة اللي معندهمش ميزان 250 غ زبدة دايبة = كاس عادي زبدة دايبة


ومن بعد نحك جيدا بين اليدين حتى تتداخل الزبدة مع الفرينة



مهما حكينا مليح رح نلاحط وجود كتل صغيرة في العجين
رح نعطيكم فكرة سحرية ترجع العجينة سوبل و هاااااايلة و تساعدكم في العمل انا نستعملها داااائما مع البقلاوة و القطايف
نحط العجين في سيار تع الدقيق و نسيروه
رح تبقى كتل صغيرة نهبطها باليد



هدى هي الكتل اللي بقات في السيار نهبطها



نتحصل على مزيج خفيف و هايل و تقدرو تلاحظوا الفرق و الزبدة تكون دخلت في كل درة فرينة



الان ندير حفرة في الوسك و نحط البيضة مع الملح وماء الزهر و نخلط باليد حتى نتحصل على عجينة متماسكة لا طرية و لا يابسة
نقسمها و نغلفها ببلاستيك و نخليها ترتاح ربع ساعة





ندهن صينية الفرن و نبدى العمل



نقسم العجين و نحل في مشينة البقلاوة في الرقم 2 و 5 و 9 و نفرش اول طبقة و ندهنها بالزبدة





ونزيد طبقة اخرى و ماندهنهاش



الان نحضر الرشتة
كل العجين اللي بقى نديروه رشتة
نحل العجين في الارقام 2 و5 و9 و نخليها تنشف مش للاخر المهم كي نفوتوها في جهة الرشتة نلقاو الخيوط ماتلسقش



نفوتوه من جهة الرشتة


و نحطوه فوق قطعة قماش تزيد تنشف و هكا حتى نكمل كل الرشتة

الان نحضر الحشو
نستعمل كيلو مكسرات حسب الموجود يكون محمص ومرحي
3 كيلان مكسرات معكيلة ناقصة شوية سكر و قرفة و نبل بماء زهر





و نحطها في السينية فوق الطبقتين تع العجين اللي درناهم اول مرحلة



و نبداو نحطو الرشتة كلها اللي تكون نشفت نحطوها كلها و نغطو كل الحشو و نحاول ندير طبقة مستوية
الرشتة نرفعوها بفرشيطة و كي نحطها ما نضغطش عليها
هدا مهم باه كي نطيبوها ما تكونش معجنة




في لول تبانلكم الرشتة كمية كبيرة لكن كي تطيب رح تهبط
هنا تشوفو كفاه الخيوط متفرقة لانو خليتها نشفت مليخ و هدا مهم مايخليهاش تعجن في الطياب





و نقطع مربعات بلطف نحاول ما نضغطش على الرشتة




و نسقيها ب 250 غ زبدة دايبة المتبقية نغطي كل الرشتة



و نخليها اقل شيئ ساعة تزيد تنشف ومن بعد نطيبها في فرن مسبق التسخين على درجة من 200 الى 180 درجة
و فور خروجها نعسلها و نرجعها للفرن اللي يكون طافي و نخليها ليلة كاااملة تتشرب مليح و في الغد تتقطع
لسينية فرن و كيلو مكسرات استععملت 700غ عسل















و حظ موفق للجميع
فقط دعوة في ظهر الغيب اخواتي
اي سؤال انا في الخدمة

[/زهرة عصفور الجنة/]

[/زهرة عصفور الجنة/]

ذكرتيني ببقلاوة اختي هي تصنعها بنفس الطريقة لكن في مكان الرشتة تضع القطايف من النوع الرقيق

[&أسيل&]

واخيييييييييييييييييييييييييييرااااااااااااااااااا اااااا
ههههههههههههههههه طال انتظاري لهذه الوصفة
لي عودة بعد رؤية المقادير والطريقة

[&أسيل&]

امممممممممممممممممممم شهيتيني والله رائعة جدااااااااااااااااااااا
بارك الله فيك وفيتي وكفيتي

[*ام رامي*]

[*سماح 94*]

ما شااااااااااااااااااااااء الله اختي هاد الدرس رائع حنا دايما القطايف نديروهم لكن نشريو القطاييف ما نخدموهمش
بعطيك الصحة على الطريقة بارك الله فيك

[حلم جميل]

يعطيك الصحة

[مقدسية]

تستاهلي دعوات بظهر الغيب ،ربي يبارك في صحتك ،وربي يحفظ اولادك ويجعلهم من الدرية الصالحة،ياااااااااااااااااالله قطايف ولا اروع شكلا واكيد دوقا.

اللهم ادمها نعمة واحفظها من الزوال.

[nouna-12]

فعلا مداق هايل
حنا تاني في الدار نديروها و يحبوها اكثر من البقلاوة
مشكورة اختي
ربي يتمملكم كل اللي في بالكم

[ام محمد78]

تسلم ايدك اختي ام كوثر طريقة رااااااااائعة
الله يجزاك الجنة

[العداءلا]

جزاك الله خير على كل وصفاتك الجميلة ابعد الله عنك كل سوء اااااااااااااااااامين

[mazalag]

السلام عليكم شكرا على تلبية الطلب و جزاكي الله خير
وبارك الله فيك

[محاربة الصحراء 19]

يعطيك الصحة يا الفحلة

[yakout01]

امممممممممممممممممممم شهيتيني والله رائعة جدااااااااااااااااااااا
بارك الله فيك