مشكلتي مع أمهاتهم

achouak11 · 2012-04-09, 11:33

السلام عليكم
أنا مرة كنت على علاقة مع شاب لمدة ثلاث سنوات و كنا متفاهمين على كلشي في الزواج بعد مرور 3 أشهر قرر التقدم لخطبتي و حددنا اليوم و أخبرت أمي و لكنني فوجئت بتأجيله الخطوبة بحجة أمه لا تريده الزواج بأخرى غريبة غير أبنة خالته صدمت حينها لأن أمه لا تعرفني و أنا لا أعرفها المهم تشاجرنا و طلب مني الصبر لكي يقنع أمه و انتهت مدة إجازته لأنه يعمل بعيدا و قرر بأن لا يعود لبيتهم حتى توافق أمه علي ، و بالفعل وافقت و حددنا موعد آخر في اجازته ثم لم تقبل المجيئ معهلخطبتي ثم تشاجرنا و لم يكمل اجازته و ذهب لعمله و قاطعته لمدة سنة .
لم أرد التحدث إليه بتاتا لا أجيب عن الهاتف و بقي يرسل لي صديقتي و بأن أمه وافقت أنا أحببته كثيرا و أعرف بأنه أحبني من قلبه و جددنا علاقتنا و لم يتغير شيء أمه مرة توافق و مرة أخرى تقول لا إذا تزوجت بها نديرلك دعوة الشر مللت و كرهت الدنيا و قررت قطع علاقتي به نهائيا و غيرت رقم هاتفي و مقر عملي و قلت له تزوج ابنة خالتك باش أمك ترضى عليك و أنا اخطيني في راسي و فقدت ثقتي في الرجال و هو لحد الآن لم يتزوج و أموره المادية ميسورة و له سكن خاص بحكم عمله، المهم بعد فترة طويلت تعرفت على شاب آخر من مدينة أخرى و لما فاتحته في موضوع الزواج فاجأني بأن أمه تريده أن يتزوج ابنة خالته و هو رفض صدمت لما سمعت نفس الأسطوانة التي أتعبتني طيلة 3 سنوات .
أنا أفكر أن أتركه أرجوكم أنا مشوشة الفكر ولات عندي عقدة.

سارة البوسعادية · 2012-04-09, 14:21

انتي الي فاتحتيه في موضوع الزواج؟؟؟؟؟؟؟؟؟؟؟
التاني على حسب مافهمت منك مش ناوي فيك جابلي ربي والاول عادي صرات صح وبلاك راه باغيك اصبري انتي معاه
ماتقلقيش روحك

achouak11 · 2012-04-09, 15:24

شكرا ليك سارة أنت الوحيدة لي رديتي
هو لي جبدلي على الزواج comme un sujet مي أنا لي فاتحته فيه ولات عندي عقدة حبييت نعرف برك يلا راهو ناوي الحلال و لا لالا

سارة البوسعادية · 2012-04-09, 20:35

ماتتعقدي ماوالو حنونة ولازم تبعي حدسك كامراة
انا على حسب مافهمت الاول يبغيك وامو في الطريق اما التاني يتحجج برك لانو شوفي مشكلة الاول امو وقتاش ظهرت بعد اربع سنوات والتاني من اولها حسيتو يتحجج

سارة البوسعادية · 2012-04-09, 20:37

ماتتعقدي ماوالو حنونة ولازم تبعي حدسك كامراة
انا على حسب مافهمت الاول يبغيك وامو في الطريق اما التاني يتحجج برك لانو شوفي مشكلة الاول امو وقتاش ظهرت بعد اربع سنوات والتاني من اولها حسيتو يتحجج يعني يمكن حتى ماجربش يحكي مع امو

faty05 · 2012-04-09, 22:39

وش نقولك,,,, اخطيك منهم في زوج
وواحد يقولك هدرا كيما هكا مستقبلا قوليلو الله يسهل
العمر يمر اذن لا تضيعيه في انتظارهم يحللو والدتهم

Ghalia alger · 2012-04-09, 22:44

Salam okhti ida kan maktobak tadih nchalah hata wtorfed emo wakli rabi whawli tab3ti hadia lomo balak than

~~ أغيلاس ~~ · 2012-04-10, 00:40

و عليكم السلام و رحمة الله و بركاته .

ابتعدي عن الرجال الأجانب و لا تكلميهم مطلقا إلا إذا كنت موظفة فتتعاملين حينها معهم حينما يقتضي العمل ذلك، أما الحديث الخارج عن نطاق العمل فلا يجوز للمرأة المسلمة الاسترسال في الحديث مع الأجانب .

و الرجل الذي يريد الزواج من فتاة يقصد باب منزلها .

مريم الصابرة · 2012-04-10, 10:12

السلام عليكم اختي راكي حطيتي الملح على الجرح انا وليت نتقلق من الفكرة هذي لأانو جراتلي نتاع يماه تخطب اخرى راني حطيت موضوع فقسم المجتمع إسمو علاه تعرفو وتتعمدو نتمنى تقرايه
اختي من رأي إصبري مع الأاول لانو يجبك صح ولازم تصبري هذي امو ممكن يحاول يرضيكم في زوج ونظن الام كاين اللي راه يأثر فيها راهي مترددة مرة تقول نجي ومرة لالا إصبري أنا نقولك الرجال نتاع ضرك راهم تقريا كامل هكذا يزوجوهم أهلهم خاصة في مناظق الداخلية الجلفة والمسيلة والنواحي
ختي ربي يكون معاك ويوقك إن شاء الله

achouak11 · 2012-04-10, 12:08

شكرا ليك أختي مريم أنا الأول صبرت معاه 3 سنوات كي شفت بلي الحال متبدلش و ما يتبدلش مام أنا ما بغيتش عليه باش أمه ديرله دعوة الشر كيما قالي و لو كان ربي كتب بيناتنا كان ماشي يديني معاه ما نقعدش مع دارهم و درك رانا متقاطعين أكثر من عام و في المرة الأخيرة سوبرميت رقم الهاتف نتاعه باش مانزيدش نعذب في روحي و الثاني راني خليتو
احنا زعما رانا في عاصمة الثقافة الاسلامية و في عائلتي الكل يختارو شركاء حياتهم بوحدهم دون التدخل من أحد

meriama13 · 2012-04-11, 12:27

............ . يا اختي أنا في رايي الأول بغاك نتاع الصح لوكان زدتي صبرتي بلاك أمه تقبل بيك

الفتاة الصغيرة · 2012-04-14, 15:14

.................................................. ...................................

حضنية28 · 2012-04-14, 15:20

اقتباس:

المشاركة الأصلية كتبت بواسطة نبيل الموحد

و عليكم السلام و رحمة الله و بركاته .

ابتعدي عن الرجال الأجانب و لا تكلميهم مطلقا إلا إذا كنت موظفة فتتعاملين حينها معهم حينما يقتضي العمل ذلك، أما الحديث الخارج عن نطاق العمل فلا يجوز للمرأة المسلمة الاسترسال في الحديث مع الأجانب .

و الرجل الذي يريد الزواج من فتاة يقصد باب منزلها .

gauche · 2012-04-14, 17:28

ختي في رايي تووووبي
خاطش هادوو صوالح حرآام
لي بغاك زوجة يطبطب في باب بيتكم ما يصونيلكش للبورتابل
آارجو ان تقبلي رايي