مديرية التجارة وهران

amariamar · 2012-04-09, 12:05

واش ناس وهران راكم ماشي ناشطين غير الخير ............................. شكون اللي عندوا نتائج مسابقة مديرية التجارة الخاصة برتبة رئيس محقق رئيسي للمنافسة والتحقيقات الإقتصادية يوفينا بيها ومشكووووووووووور مسبقا ربي ينجحنا الخاوة والله رانا هرمنا

فرناس وهران · 2012-04-09, 12:29

انتقل الى المديرية شخصيا لكي تحصل على نتيجتك
صديق لي نجح و قريبتي نجحت و لم يسعفني الحظ

فرناس وهران · 2012-04-10, 07:44

جماعة اين تقع مديرية السكن و العمران ؟؟؟

المفكر المشاكس · 2012-04-10, 11:25

وش كاين تاني فرنااااااااس

فرناس وهران · 2012-04-10, 12:46

ههههههههههههههههههههههه
مشاكس راك خازن
سايي عرفت كي ندير باش نشوفك ههههههه
وزارة السكن و العمران ارسلتلهم ملف توظيف و راهم من جانفي ما ردوش
قلت ربما المديرية يكون عندهم علم

amariamar · 2012-04-11, 13:31

شكرا لك الأخ فرناس لكن عندي إستفسار آخر ممكن................. كيف سيتم التعامل مع الذين نجحوا في القائمة الإحتياطية ممكن توضيخ إخوتي سمعنا أنه سوف يتم إستدعاؤهم صح كاينة ولا لا ؟؟؟؟؟؟؟؟؟؟؟

فرناس وهران · 2012-04-11, 17:18

اخي عمار عن اي قائمة احتياطية تتكلم ؟؟؟
اذا كنت تقصد القائمة الاحتياطية للسنة الماضية للتجارة اذا ما عيطوش قبل المسابقة ما غاديش يعيطو
اما اذا كنت على هذه السنة تنتظر ان احد الناجحين ينسحب من قائمة الناجحين ربما يلحق الدرو عندك
او ان كنت على احتياط اخر ارجوا الوظيح ربما يكون اجابة

kamelfm · 2012-04-11, 21:47

. شكون اللي عندوا نتائج مسابقة مديرية التجارة الخاصة برتبة رئيس محقق رئيسي للمنافسة والتحقيقات الإقتصادية يوفينا بيها

فرناس وهران · 2012-04-12, 07:29

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

amariamar · 2012-04-12, 17:54

السلام عليكم ورحمة الله تعالى وبركاته .................. اولا أشكرك اخي فرناس على مرورك وتفاعلك وجزاك الله كل خير
أنا أستفسر عن القائمة الإحتياطية لمسابقة هذه السنة من منكم لديه عنها معلومات وكيف سوف يتم التعامل مع من فيها من ناجحين إذ قد سمعنا انه يمكن إضافتهم في حال وجود مناصب شاغرة تم إحصاءها على مستوى المديرية . أما فيما يخص إنسحاب بعض الناجحين فأعلم أخي انه سوف يتم اللجوء للقائمة الإحتياطية ........ لكن هناك مشكل آخر هو كون هذه القائمة الإحتياطية سيتم الإحتفاظ بها وإعتمادها العام المقبل ام لا كما تم هذه السنة مع كامل القوائم الإحتياطية لمختلف المسابقات .............. وشكرا لك مرة اخرى اخي وربي يفتح عليكم وعلينا

فرناس وهران · 2012-04-12, 19:21

اخي الكريم نبشرك انه هناك انسحاب كبير للناجحين قد يصل الى 10 مناصب لان النتائج الاخيرة كانت جيدة للكثرين
المهم اخي هذا التوظيف خاص بسنة 2011 و هو متأخر و ليس 2012
اذن اذا ان كما تقول هذه السنة ستكون ان شاء الله من الذين يتوظفون
اخي ان شاء الله تكون من الناجحين و لا تنسى الوعدة ثم الوعدة ثم الوعدة الصدقة مليحة و ما تنسانيش بطبيعة الحال

amariamar · 2012-04-12, 20:51

أولا وقبل كل شيئ ألف شكر وتحية ليك اخي الكريم فرناس على مجهوداتك الجبارة في المنتدى وربي يرزقك العمل الصالح ويفتح عليك من اوسع أبوابه وجزاك الله عنا وعن إخوتك في المنتدى كل خير

والله يا اخي تعرف راك فرحتي والله غير فرحتي ورجعتلي الأمل بكلامك هذا على خاطر راك تعرف خاوتك رانا خلاص هرمنا وحنا نستناو في هاذ الوظيفة وجربنا معاها كل الطرق لكن بدون جدوى وقطعنا المسافات والمسافات وجبنا العديد من الولايات لكن بدون جدوى لكن الحمد لله كان تجوالنا هذا فيه خير وتعرفنا على ناس مشاء الله ودرنا أصحاب جداد وعرفنا ناس لاتقدر معرفتها بالذهب والله الحمد لله وانا من الأسبوع الماضي وانا على أعصابي وننتظر بفارغ الصبر وكتاش يراسلوني على خاطر من البداية خبروني وقالولي راك في الإحتياط في البداية ما صدقت اني في الإحتياط على خاطر قداش من مسابقة نعديها ونخدم مليح بصح الله غالب ربي ما يكتب لا في القائمة الرسمية ولا في القائمة الإحتياطية لكن في هاذ المسابقة ربي كتب وكنا مع إخوتنا في الإحتياط وإن شاء الله ربي يكمل الفرحة ونتوظفوا وربي يقدرنا نديروا الخير بهذه الوظيفة ونساعدوا بيها أي واحد محتاج إن شاء الله .............. شكرا لك اخي ألف ألف شكر

فرناس وهران · 2012-04-12, 21:34

كلش بالمكتوب اخي
صديق لي و الحمد لله نجح في 4 مسابقات في وقت واحد
الانسان يخدم و يتسبب و ياخذ بالقدر

imy13 · 2012-04-12, 22:11

rabi yekhalikom 3etona nataIij mosabakat commerce raise mohakik raisi li mokafahat elghoch

فرناس وهران · 2012-04-13, 07:53

السلام عليكم ايمي تنقلي للمديرية تعرفي نتيجتك لانها غير معلقة
و قد منعوني ذلك اليوم من اكتب القائمة او اصورها