مشكلتي في كنيتي ..... كرهت حياتي

[ديما خابط طالع هابط]

السلام عليكم اخوتي

انا عضو جديد بينكم

طولي 1.85 سم و انا نحيف جدا و وزني 75 كلم
الله يبارك عليا و ربي يسترني من العين

مشكلتي انني عندما اتمشى اتمايل لانني نحيف و طويل
فاصبح اتلوط مثل الحبل فلاحظني الناس
فاطلقوا عليا اسم (( حنش الطين )) حنش الطين هي دودة يتراوح طولها ما بين 5 الى 30 سم و هي من الرخويات ليس فيها عظام

و انا عندما اتمشى في الريح اصبح اشبه الرخويات و اتمايل من فوق الى تحت

انا اكره هذا اللقب ماذا افعل
انا على وشك الانتحار او الهروب الى الجبال حيث لا يراني الناس

[fr1301]

t'as quel age ?

[ديما خابط طالع هابط]

المشاركة الأصلية كتبت بواسطة fr1301

t'as quel age ?

27-20+10-5+15 = القاها وحدك
دبر عليا كيفاش ندير راني قريب نهبل

[حكيـ الجَزآئِرِي ــم]

لي ايدير حسابات للناس يبقى ديما في بلاصة وحدة ما يدير والو في حياتو

ما دام ربي خلقك هكذا يعني لحكمة أتوكل على ربي أو عيش لروحك ما تعيشش للناس

[ديما خابط طالع هابط]

المشاركة الأصلية كتبت بواسطة hakimharkati

لي ايدير حسابات للناس يبقى ديما في بلاصة وحدة ما يدير والو في حياتو

ما دام ربي خلقك هكذا يعني لحكمة أتوكل على ربي أو عيش لروحك ما تعيشش للناس

مشكور اخي راك طلعتلي املولار

[noussa_94]

عادي اعدل مشيتك برك

اذا تبعت الناس ماعادتش تفرا
مالا درك السمين مايمشي البرا والنحيف يطلع للجبال والقصير يحكم الدار

مش كيما هكا ،،، ربي يعــــــــينك

[أم ياسمينdz]

وعليكم السلام
الهروب مشا حل يااخي
وزيد علاه تحشم بروحك
راه ربي سبحانو لي خلقك
مالا متقلقش روحك بالناس
تحياتي

[NOUR_light]

أنا ما نقولك واش تدير ما والو
باين فيك حاكم يدك بالشعب هنا
وهوما يهاودوا فيك ...
راهي حاكمتلك ...
ربي يهدي

[Ghalia alger]

Matkalakch rohak akhi,wakal rabi walilah fi khalkihi cho'oun,wali yastahza bik rah yastahza bkhalk rabi sobhano,alah elmosta3an akhi

[فتـ حييةـاة]

اشري سريع تسمن ومايولو ش الناس يضحكو عليك

[انغام المنى]

يهدرو واش يحبو دير ثقة في روحك وميهمكش ربي الي خلقك ماشي انت الي خلقت روحك

[dotZero]

من ناحية الطب
راك ناقص ميزان يا أخي
زيد شوية في الميزان
المفروض يكون وزنك من 80 إلى 85 كلغ
أنصحك بالرياضة
و ليس كمال الأجسام


من ناحية الشكل
لوكان كل واحد يهرب على جالت عيب في الشكل
يبقى غير براد بيت يدور وحدو في الطريق

[قَاسِمٌ.قَاسِم]

أدخل وستغير رأيك

[النجمة القطبية]

عادى
حسب سنك اللى راك كاتبو فى الملف الشخصى طبيعى تعانى من انحناءات ومشاكل وزيد مع النحافة والطول
المهم راك بصحتك عموا
ونتمناو من ربى يطول فى عمرك

[**د لا ل**]

اعلم اخي الكريم
ان من راقب الناس مات هما

يعني اذا سنيت اي واحد واش يهدر عليك وقعدت تعس في هذا وتخاف من هذا صدقني ما راحش تعيش بالعكس راح تكتئب وتكره حياتك

خليهم يهدرو كيما يحبو اخي

واجعل منه حافزا لكَ للعمل وتغير حياتك وتحسينها والبحث عن الافضل دوما

اسمحلي قرات حاجة اليوم وحبيت انقلها لك


*******
ليس من الصواب ان تفخر بشيء لم تصنعه انت
فلا تفخر بشكلك لانك لم تخلقه
ولا تفخر بنسبك لانك لم تختره
انما افتخر باخلاقك فانت من يصتعها
*******

وربي يوفقك ان شاء الله