ضيعت السنة بلعب و التهور

[melissa73]

لم اهتم لي اي شئ كونت نلعب و نضحك عام كامل مدرتش حساب لنهار هادا ماكنتش نودخل نقرا و لاما انا الاوان فقت معا روحي راني غير نبكي ماما داربتني كرهت رووحي و لاكين راني دارت لقلب باش نقرى معا العلم انا شعبة لغات ساعيدووني ب كاش ملخصات و دوروس عربية شكرا ضيعت السنة بلعب و التهور

[وردة أمل]

أختي العزيزة للأسف راكي تزيدي تضيعي في الوقت بهاذ الكلام لي ما ينفعكش بالعكس يزيد يسبب لك العجز و اليأس

كنصيحة ليك حاولي تستدركي لي فات و نظمي وقتك و يلا قدرت ديري الدروس الخصوصية لأنهم يديروا مراجعة من الاول و اتصلي بصديقاتك لي متفوقين في مادة معينة و قبل هذا كامل ديري النية و توكلي على ربي سبحانه و ادعي في كل وقت

اطردي هاذ الافكار السلبية من راسك و ماتقوليش فات الوقت لأن بإرادتك و صبرك و طموحك تقدري تتغلبي على الصعاب بإذن الله

ربي يوفقك و ييسر لك أمرك و إن شاء الله تكوني من الناجحين

[melissa73]

basah ya okhti ma3ndich doros takdrou tsa3douni ta3touni molakhasat islamia

[وردة أمل]

للأسف أختي أنا طالبة جامعية و ان شاء الله الإخوة يفيدوك

الله يوفقك

[ايمان الله]

الله يوفقنا كااااااااامل
و ما تخلعيش بزاف على خاطر بقاو شهرين تقدري تستدركي فيهم خدمة عام اذا وفقت بين كل مادة و مادة
اما بالنسبة للدروس (منتدى الجلفة راهو من احسن المنتديات لي تلقاي فيه ككككككككل ما تحتاجي) بما انك لغات تصفحي القسم الخاص بالآداب و اللغات
و ربي يجيب العواقب سليمة ياااااااااااااااااارب

[melissa73]

rani lazmni nabda w n3oud manor9odch lil wnhar almohim nadih

[جبور عبد الحاكم]

اختي لي فات مات المهيم الواحد يريد الراس وما يعاودش الخلطة

باقي شهرين شهرين ,,,,,,,,,,,,,,,,,,,,,,,,,,,,,,,استغليهم احسن استغلال وان شاء الله توصلي

[nacerbing]

اختي لم ينتهي الوقت بعد تذكري من كان مع الله بنية حسنة بارك الله له في وقته ما يراجع في يوم يراجع في ساعة باذن الله عليك بالاخلاص الى الله وطلب العون منه وبداية قراءة سورة الفتح ودعاء ربي اشرح لي صدري ويسر لي امري واحلل عقدتي من لساني لا تتذكري مافات لانه لن يعود وعقدي العزم من الان الى غاية يوم الامتحان اما الملخصات فستجدينها في المنتدى حسب شعبتك وثقي بنفسك وحسن الظن بالله

[شمس الضحى]

اختي ماتخافيش مازال شهرين انا نعرف واحد اقسم بالله كان كيفك يلعب ويتمسخر كان اكثر منك فاق غير في ماي وبدا يقرا ويزير على روحوا والله امو قالت عاد غير حاكم غرفتو مايخرجش منها وهو شعبة علوم صعيبة بزاااااااااف
وجاب الباك في عامو الاول وراه متخرج ماتخافيش ديري كوراج وابدي ومتبقيش تهدري راه فاتني الوقت ابدي مازااااااااااااال الوقت والشدي في ربي

[samar2011]

اختي شوفي دري في بالك بلي ضغط لراكي تعيشي فيه او يعيش فيه اي واحد فينا درك اعرفي برك بلي ربي او معاكي وحنا تانا وماماكي عندها حق درلك هاكا بويسك حبتلك لخير وحبتك تنجحي وانتي حاولي تنجحي واقراي مليح ومتبقايش تخممي في لماضي حاولي ابني باب ميتكسرش بدعاء لربي وبربي ان شاء تنجحي

[فريال المحتاجة عفو الله]

السلام عليكم
نظن راكي من عنابة ( و أنا تاني ) و قصتك تشبه قصة صديقة لي يااااماااا نصحتك و قتلها يزيك بلا لعب و اقراي مي درك وين فاقت و راي قاتلة روحها بالقراية ... المهم ربي يوفقها و يوفقك ان لم تكونا نفس الشخص هههه
ساحاول مساعدتك قدر الإمكان و لو أنني أردس شعبة علوم تجريبية
التربية الاسلامية
https://www.ziddu.com/download/153019...e_a_s.pdf.html
أختي حاولي تحفظيه مليح مليح و استعيني بالكتابة أثناء الحفظ ... التربية الاسلامية ساهلة حاولي على الأقل ما تهبطيس على 16 فيها

العربية
هاكي الرابط هادا ممكن يساعدك في معرفة خصائص كل شاعر و أسلوبه ما نقلكش احفظيه كامل راني مقدرة ضيق الوقت اللي تعانيه كيما نعانيو منو الكل بصح ركزي معاه مليح و اقرايه بيا حتى 10 مرات تجدينه هناhttps://zemmouraedu34.nojoumarab.net/t5504-topic + كاين موضوع مثبت الفوق يطرحو فيه الأسئلة في هاد المادة حاولي تشاركي و تطرحي الأسئلة على قد ما تقدري هذا الرابط
https://www.djelfa.info/vb/showthread.php?t=843344

الفرنسية ( علابالي بيها مادة أساسية كونك من شعبة لغات اجنبية )
https://www.4shared.com/file/S_luQiI7/_2010___.html?
هادو حوليات 2010 حاولي تحليهم الكل

التاريخ و الجغرافيا
https://www.almlf.com/get-10-2011-almlf_com_xolqsbdx.rar
هادو مصطلحات حاولي تحفظي و تركزي تعيشي لأنو 12 نقطة من أصل 20 تروح غير في المصطلحات و الشخصيات

الفلسفة :
احفظي مقالة الشعور سمعت بللي متوقعين تجي في الشعبة تيعكم و زيد كشما مقالة أخرى تسمعي ( أسألي أستاذك ) و ما تحفظيش اي مقالة حاولي تستشيري أستاذ خاطر المقالات تع النت و تع بعض الأساتذة سامحهم الله لا تسمن و لا تغني من جوع و رايحة تكتبي لتكرهي نهار الباك و تلقاي مبعد 7 و الا 8 يعني انت رايحة تحفظي رايحة تحفظي خايري وحدة مليحة تكون فيها حجج قوية و أمثلة و مدعمة بأقوال الفلاسفة .. مقدمة بسيطة تبرزين فيها الإشكال و خاتمة

بالتوفيق

[فريال المحتاجة عفو الله]

ما تخافيش برك و مازالو تقريبا شهرين حاولي تنظمي روحك مليح و انساي فكرة أنك ما قريتيش خاطر رايحة تخربطي روحك اقنعي نفسك بللي راكي في فترة مراجعة و بللي لازم عليك تعاودي كلش باش تنحي الضغط على روحك ... و زيد ما تعبيش روحك ياسر قلتي نقرا ليل و نهار رايحة تضري روحك و صدقيني بلا فايدة
حاولي تحفظي المواد الكل قبل ماي قولي لداركم يعاونوك يحكمولك الدروس يسألوك أو ديري أسئلة لروحك و جاوبي عليها كتابيا باش ترسخي المعلومات و يبقالك شهر عليك و على مواضيع البكالوريا و ربي يوفقك ان شاء الله


ان شاء الله نسمع خبر نجاحك

[melissa73]

walh ya okhti manénsa wa9ftak m3aya rabi ykhallik nchall&ah mé ma3rfatch kifah ntélécharjihoum ??

[kind girl]

السلام عليكم. اختي انا راني حاسة بيك لاني مثلك اعدة السنة وضقت مرارة الي ضقتيه. وسوف اخبرك بالسر الذي تركني انسى اني اعدة السنة وان ادرس واجتهد ولا افقد الامل لاني ادركت ان مافات قد فات ولايمكن ان نعيد الزمن الى الوراء........ونصيحتي انسي مافات واعملي على الغد كي لاتندمي مرة اخرى ولاتضني ان الوقت فات......... سوف اخبرك عن قصة اخبرنا بها الاستاذ.....القصة تحكي عن ولد اصيب بحادث مرور بعد الدخول المدرسي بيوم واحد الامر الذي جعله يدخل العناية المركزة 5 شهور وكان خروجه من المستشفى يوم بعد عطلة الربيع ........كان الفتى حائر فمن اين سيبدا واي مادة سيدرس ........ثم قال لنا الاستاذ ان كل الاساتذة ذهبوا لمواساة هذا الولد..........اتعلمين ماذا قال لهم قال: الخوف والحزن الذي عانت منهما امي من حادثي لن ادها تعاني منهما لرسوبي في الامتحان............وعمل هذا البطل على الدراسة واجتهد لمدة شهرين وكانت النتيجة انه نجح................. فكوني يا اختي مثله ولا تفقدي الامل وكوني واثقة من نفسك.......وانا هنا لمساعدتك باي شئ.............وسلام.