اختي فيفي ساعديني

حنان العنابية · 2012-04-20, 09:46

انا حبيت نخيط السموكس مي ماشي المقلوب لوخر الي انتي درتيه من داخل وحشيتي فيه البونج حابة تعطيني القيس تاع السرير وليكوتي نديرهم بقماش خلاف وتقوليلي كيل تاع 4 مخاد ومسند طويل مع العلم ان المسند الطويل نديرلو غير في النص ماشي نديرو كامل بالسموكس ردي عليا في اقرب وقت بلييييييييييييييييييييييييييييز ومن فضلك قوليلي وش هو القماش المليح الي يخرج فيه ومايجينيش غالي ياسر اوك حنونة وحابة تاني كاشريو كفاه نخيطو بهاديك الغرزة والبساط

حنان العنابية · 2012-04-20, 13:22

عله راني نسقسي فيكم حرام عليكم جاوبوني هاني اختكم

fifiarch · 2012-04-20, 13:41

حبيبتي هذا وين دخلت
ماتتقلقيش
شوي ونرجعلك بالاجابة
تحياتي

fifiarch · 2012-04-20, 14:07

مساء الخير اختي الغالية
نتمنى اني ماطولتش عليك بالزاف
للاسف هاذ وين قدرت ندخل
خليناك تقلقت

المهم نبداو على بركة الله
انا على حساب واش فهمت انك راح تخدمي تروسو نتاع غرزة الياسمينة
شوفي انا نقلك قياس كل حاجة وحدها وانت اجملي القياسات كامل واعرفي شحال تشري
بالنسبة للكوفرولي اولا
السرير العادي فيه مترين طول ومتر ونصف عرض
انت اشري ثمانية امتار قماش ساتان روايال لانو هو لي يصلح لغرزة الياسمينة باه تجيك واقفة
قسمي الثمانية امتار على زوج
يعني اربعة واربعة
ولصقيهم بواسطة الخياطة في بعض
تتحصلي على قطعة كبيرة ابعادها اربعة امتار طول وثلاثة امتار عرض
بهذا الشكل

خلي عشرة سنتيمتر من كل جانب
وابداي نقطي القماش نتاعك بمربعات نتاع خمسة سنتيمتر
باه تجيك شابة
عملية التنقيط تديريها على وجه القماش باه الياسمينات يجوك على الوجه
واخدمي الياسمينات نورمال وزيني بالعقاش
وهنا فيديو طريقة عمل الياسمينات
https://www.youtube.com/watch?v=mhnWF...ature=youtu.be
ومبعد جيبي زوج مترات يا اما من نفس لون القماش لي خدمتي بيه او من لون اخر يخرج عليه
باه تخدمي بيه الكشكشة نتاع الحواف
وجيبي مترين قماش عادي للتبطين وهذا القماش لازم يكون فيه متر ونص عرض
بطني بيه الكوفرولي من تحت
وقصي لقماش لاخر واعملي الكشكشة راها تجي بهاذ الطريقة

ومبعد كي نحط درس الكشكشة شوفيه باه تفهمي طريقة تركيبها

بالنسبة للمساند
رراكي تقصدي زوج مربعين بغرزة الياسمينة
هكا

تحتاجي للجهة لي فيها الياسمينات قطعة ابعادها ثمانون سنتيمتر على ثمانون
ومن الخلف باه تغلقي المخدة تحتاجي قطعة ابعادها اربعون على اربعون
يعني لزوج مخاد تحتاجي زوج امتار ساتان رويال
والباترون ترسميه على وجه القماش كالعادة
بمربعات ابعادها اربعة سنتيمتر لانها تخرج هايلة في المخاد

المخاد المستطيلة تحتاجي مترين ايضا من القماش
وتخدمي الوحدة ابعادها ستون سنتيمتر على اربعون

اما للمخدة الطويلة
تحتاجي متر ونصف
يكفيك تعملي منو المخدة ومبعد شوفي كيفاش حابة تعملي القطعة لي فيها الياسمينات هزي الباقي نتاع القماش واخدميها ولصقيها

نتمنى يكون الشرح واضح
اي استفسار راني هنا

على فكرة هكا راكي تحتاجي كل شيء
ستة عشر متر ساتان روايال
ومترين قماش عادي من اي نوع
يكون المهم فيه انو عرضو متر ونصف

بالتوفيق اختي

حنان العنابية · 2012-04-20, 14:29

شكرا خنةنة مع العلم انا لست مخطوبة حابة نخيطو ونخبيه ياك يجي على اي سرير

حنان العنابية · 2012-04-20, 14:31

شوفي خنونة هادي تجربة لي هكا حبيت نخيطو

fifiarch · 2012-04-20, 14:41

ايه يجي حبيبتي
على اي سرير
فرق نتاع سنتيمترات قليلة ماتضرش
واصلا الياسمينة ماتتكمشش بالزاف كيما الياسمينة المقلوبة
وخدمتك راها مليحة
يعطيك الصحة
لكن ننصحك اختاري لون زاهي للخدمة

حنان العنابية · 2012-04-20, 16:47

اوك حنونة هدا طرف قماش لقيتو في الدار جربتو سيتو ميرس حنونة شوفي هدا القماش عجبني اسكو يليق ويجي مليخ فيه والا قماشو مش مليح وش اسمو هدا القماش

fifiarch · 2012-04-20, 16:59

اختي هاذاك ساتان غير ضرب فيه الضوء برك بانلك يلمع بالزاف

حنان العنابية · 2012-04-20, 17:03

مرسي حنونة المهم انا نشري16 ميترا ساتان روايال اوك

fifiarch · 2012-04-21, 22:48

ايه اختي هكاك بعد