كيف هو برنامجكم للمراجعة في هذه العطلة ؟

* عبد الجليل * · 2012-03-29, 08:24

السلام عليكم و رحمة الله و بركاته
كيف حالكم إخوتي المقبلون على بكالوريا 2012 ؟
كيف هو برنامجكم للمراجعة في هذه العطلة؟

* عبد الجليل * · 2012-03-29, 08:26

و ماهي طريقة مراجعتكم

جزاكم الله خيرا و وفقكم إلى ما تحبونه ويرضاه

* عبد الجليل * · 2012-03-29, 13:11

اين الردود

* عبد الجليل * · 2012-03-29, 13:12

.................................................. ...............!!!!!!!!!!!!!!!!!!!!!!!!!!!!!!!!

* عبد الجليل * · 2012-03-29, 13:15

السلام عليكم و رحمة الله

اسعد الله صباحكم اخواني و اخواتي اعضاء الجلفة

كيف حالكم و كيفكم مع المراجعة

اخواني ممكن طلب لو سمحتم

* عبد الجليل * · 2012-03-29, 13:17

السلام عليكم و رحمة الله تعالى و بركاته

خوتي انا طالب باكالوريا ... و الحمد لله انا خلصت المراجعة هذا الاسبوع في كل المواد ...مي ماحابش نوقف المراجعة ونبقى نعاود et vous

أمينة1994 · 2012-03-29, 14:08

السلام عليكم

العطلة كما ترى انقضت لم يبق إلا يومان

انهيت المراجعة ؟؟؟ ممتاز ............. أنصحك بحل مواضيع البكالوريا السابقة والمواضيع التي تنشر في الجرائد

بالنسبة لي :

أكملت مراجعة الرياضيات + التاريخ والجغرافيا دون مصطلحات

الوحدة الاولى في كل من الفيزياء والعلوم

هذا كل مافعلته

اخبرني أرجوك كيف راجعت ؟؟

أعدت الدروس من الكراس ؟أم كيف؟؟

انتظر الرد

موفق بإذن الله

khawla-b · 2012-03-29, 14:27

انا تاني شعبة لغات انا كملت فرنسية وانجليزية وحفظت تاريخ وبقاولي شوية مصطلحات وبديت في الادب بقالي غير التقويم النقدي
بقاتلي الجغرافيا والادب والمات بقالي درس المشتقة مي انا نكره الماااااااااااااااااااااااات
وانت كيفاش درت باش كملت؟

عبير الأزهار · 2012-03-29, 17:47

سلااااااااااااااااااااام
انا كملت الوحدتين الاولى والثانية في الفيزياء +حفظ التاريخ دون المصظلحات +الفصل1 في الجغرافيا
وحليت مجموعةمن اتمارين في الاعدا المركبة + مراجعة الفصل 1 في العلوم علما انو دينا غير اسبوع واحد عطلة
هذا واش قدرت مستحيل نقدر نخلص كلللل الموادفي اسبوع واحد .
ربي يوفقنا ..........

zoldek 7 · 2012-03-29, 18:41

كملت الفيزياء من لول الى الاخر بتماريناتها مايقارب حوالي 35 او 40 تمرين

الهندسه في الفضاء والاعداد المركبه فقط في الرياضيات ..اما العلوم مشميتش رحتها

المواد الادبيه لااااا تعليق

عذراء الجبل18 · 2012-03-29, 19:14

بالنسبة ليا حفظت تاريخ الوحدة الاولى مليح مع شخصيات والمصطلحات وريفيزت الوحدة الاولى تاع الفيزيا مليح في ليكور وفي الدار حليت فيها حوالي 15 تمرين متوسطين وعلوم ريفيزيتها مليح مليح وخاصة المناعة , اغلب اوقاتي في ليكور
هذا ماقدرت ندير وراني حاسة بللي مادرت والو نفسيتي في العطلة هاذي تعبت بزاف , الجو تبدل وحاسة بللي الباك غدوة وانا متأخرة
ربي يستر

saddam20 · 2012-03-29, 20:03

انا مادرت والوا في هذا الأسبوع ونفسيتي تعبت ومالقيتش لحل ربي يسهلنا

فريال المحتاجة عفو الله · 2012-03-29, 20:45

حفظت تاريخ و جغرافيا +المصطلحات و الشخصيات و التربية الاسلامية 5 دروس برك و الله ما قدرت نكمل مي الباقي كامل حافظاتو مليح من قبل الحمد لله العلوم راجعت الوحدة تع الاستنساخ مراجعة مليحة كأني اخر مزة تمسها حليت عليها تقريبا ً15 تمرين و الأنزيمات أيضاً لكن دون حل التمارين مازالت المناعة و النقل العصبي اللي عليهم الضرب ما مسيتهمش ااااااه و المات و الله حليت ربعة دوال و ستة تمرينات هندسة في الفضا ... الاعداد المركبة و المتتاليات و الزوال الاصلية ما طليتش عليهم ... الفيزيا الكتاب و الورقة و القلم قدامي ههه نحل ان شا الله كل تمارين الكتاب قبل ما نرجعو نقراو و الله متمنية يكون في يدي اسبوووع اخر مانيش مكملة كلش و اللي غايضني تاني الادب مسكين ما طليتش عليه ياااا ربي قريت قريت وااللو درك و انا تراجع في نفسي وش عملت لقيت بللي مازاااااااااال الطريق طويل ربي يوفقنا ان شا الله

moncif15 · 2012-03-29, 20:45

hàhàhàhàhà Trés bien je vs tire chapeaux les gars ana jné r1 touché nhar yjib khouh r9ad w la3b lah yesstèr

* عبد الجليل * · 2012-03-30, 06:36

اللهم انجحني و انجح امتي
اللهم اغفر لي ولوالدي و لجميع امة سيدنا محمد
اللهم اهدني و اهدي جميع المسلمين