دير روحك مهبول تشبع كسور

thorpe · 2012-03-25, 18:11

السلام عليكم

اهلا بكم اخواني

اليوم احببت الاستفسار والنقاش حول مثل شعبي رايت ان بعض الناس يعتمدون عليه في كثير من الاحيان (( لا اريد ذكر الاشخاص باش ما تقولوش او يمنشر ))

المهم

كلنا يعرف المثل القائل

(( دير روحك مهبول تشبع كسور ))

وهذا معناه ان تتظاهر بالبلاهة حتى تشبع كل ما لذ وطاب وتكسب عطف الناس ومسامحتهم لاخطائك

فما راي اخواني واخواتي في هذا المثل ؟؟؟

هل فعلا الشخص الي يدير روحو مهبول يعيش ؟؟؟

واذا كان كذالك علاش ما نولوش كامل مهابل ؟؟؟

او ان البلاهة المقصودة في المثل الشعبي لا يفهمها الا القلة القليلة وقلة منهم يتقنونها ؟؟؟

وهل صادفتم اشخاص من هذا النوع ؟؟؟

وكيف تنظرون لهم ؟؟؟

حلل وناقش

جاكم الله كل خير

اخوكم
حسين thorpe

هدوء قاتل · 2012-03-25, 18:19

و عليكُمْ السَلامْ ورحمةُ اللهِ وبركَاتُهْ
صدقًا ، موضُوعكْ يثِيرْ ( الحريـgـة ) في قلبِي
لأننّي لا أحتِمٌلُ هكذَا بشرْ ،
أصنفُهُمْ في خائنة - المُخادعِين -

الهبَالْ هُنَا ( كنَاية )
على الوَاحِدْ
( ضعيف الفهم ) = الغبي - إنْ صحّ التعبير -

والأكِيدْ الوَاحِدْ لمَّا يتغابَى :
- يبعدْ عليه العين
- وشفقة النَاسْ عليه خير مدخّر لمخزنه سواءْ علمِي أو مادِي أووو ..

أُعايش هكذَا أشخَاصْ
فِي [ ليـسِي ]
يدعُّون ضعف في الفهم والتغابِي أحيَانًا
وعِندهَا تُجبرُ على تقدِيمْ العونِ لهُمْ بدَاعِي [ الشفقة ]
لكِنْ ،
ليسَتْ الصدمة أنْ يحصدُوا 20 في الرياضيَاتْ أو الفيزياءْ
بلْ
تُصدمْ حِينَ تعلمْ - النيّة الخبيثة - مِنْ وراءِ هذَا التمهبيلْ
أوْ حِينَ تسألهُمْ :
كاشْ قراية ، ؟ ولا هاكْ فهمنِي حاجة ؟
الإجابة : والله مانِي فاهمة والو في الرياضيَاتْ ~
وأكِيدْ أنَا إلتمستُ جزءْ مِنْ محُيطِي
( نَاسْ ربّي يهدِيهَا )
لذَا ،،
فالطمعْ يغلبْ الطبعْ
والإنسَانْ بهذِه [ الحَالة ]
مٌستعِدْ ليسَ للتمهبيلْ و- إذلالْ قُدرَاتُهُ -
فحسبْ بلْ ، أشيَاءْ أُخرَى

والوَاقِعْ شَاهِدْ
شُكرًآآ
دومًا متميزْ

thorpe · 2012-03-25, 18:20

اقتباس:

المشاركة الأصلية كتبت بواسطة هٌـــدُﯡوءٌ قَـآتِـــل

حجزْ
وأعُودْ

السلام عليكم
اهلا بيك في اي وقت
وربي ينجحك في الباكالوريا يا رب

نور الايام · 2012-03-25, 18:21

و عليكم السلام و رحمة الله و بركاته

دير روحك مهبول معناها دير روحك ماتفهمش ،سمط و دير رايك
أحيانا تنفع مع البعض من باب التطنيش

شكرا أخي ثورب على الموضوع
ربي يعطينا لعقل

الكـ الطيبة ـلمة · 2012-03-25, 18:24

لا أحب العمل بهذا المثل و لا أشجع التظاهر بالبلاهة لقضاء الحاجة

أحب أن أعرف الناس على حقيقتهم و أن يعرفونني كما انا

و أيضا أرى ذلك من ضعف الشخصية

إلا لمن أضطر إلى ذلك إضطرارا

******

كيف احوالكم اخي ؟و كيف هي الوالدة ؟ إن شاء الله كلكم بخير

راوية · 2012-03-25, 18:29

السلام عليكم

أرى أن المثل معمول به فعلا و كثيرا ما يعطي نتائج ايجابية
حتى أن التبهليل أو التمهبيل أصبح من شيم العقلاء
يتصرفون تحت شعار اللامبالاة
و لاتهمهم العواقب
ففي الأخير سيُقـــال " خليك منوا مسكين ... "

و أكيد تطبيق هذا المثل يجعل الشخص في أعلى مستوايات السخافة
و هذا ما لايرضاه الجميع

بارك الله فيك أخ حسين

حمزة ملياني 121 · 2012-03-25, 18:30

vive la thaibil

the black perl · 2012-03-25, 18:32

وعليكم السلام
كالعادة اخي دائما في المستوى تطرح مواضيع في المستوى
بارك الله فيك وجزاك الله كل خيــــــــــــــــــــــــــــــــــــــــــر
انا نعرف حاجة واحدة ........بكري كانت النية واش يقولو ناس زمان صحيح

تحياتي

هدوء قاتل · 2012-03-25, 18:35

اقتباس:

المشاركة الأصلية كتبت بواسطة thorpe

السلام عليكم
اهلا بيك في اي وقت
وربي ينجحك في الباكالوريا يا رب

شُكرًا على الدُعَاءْ
، بَاركَ اللهُ فِيكْ
إطلعْ شوية الفوقْ

عآشقة غزه · 2012-03-25, 19:31

منين ذاك تنفع مع شي ناس كيما نتا مي حنا عندنا مقصودها مختلف زعما جايح و نعايرو بيها مولاها ياي رانا نبسطو هههههههههههههههههه

imi02i · 2012-03-25, 19:32

السلام عليكم ورحمـة الله وبركـاته

حنا نقولو {ألعبها بهلول تشبع كسـور}

ولا أظـن أن المعنـى الحقيقي لها هو الذي ذكـرته أولا

وإنمـا التبهـليل يكسبكـ معلومـات من عند النـاس ويجعلكـ تصل إلى مـاكنت تتسـاءل عنه دون أن يرى الـآخرون فيكـ ذلكـ

بصراحـة : هاته العقلـية أحبها

وأستعمـلها فيمـا يخصني فقطـ.

وشكرا لكـ وباركـ الله فيكـ

~~فقير و باغي نطير~~ · 2012-03-25, 19:37

يا خويا احنا واش نقولولهم
نقولولهم تفلسف الحمااااااااااااااار فمات جوعا

مصطفى قاسمي · 2012-03-25, 22:21

السلام عليكم
يا سي الحسين
راهم غير هم الي عايشين
حتى يقلك تفهم اتموت بالهم
الله غالب الغاية تبرر الوسيلة
هذا كلامهم

وحنا راك عارف

نبيت عن الطوى ونظله ... حى ننال به كريم المأكلي

هاك خير وشكرا لك دائما مميز

thorpe · 2012-03-26, 20:17

اقتباس:

المشاركة الأصلية كتبت بواسطة هٌـــدُﯡوءٌ قَـآتِـــل

و عليكُمْ السَلامْ ورحمةُ اللهِ وبركَاتُهْ
صدقًا ، موضُوعكْ يثِيرْ ( الحريـgـة ) في قلبِي
لأننّي لا أحتِمٌلُ هكذَا بشرْ ،
أصنفُهُمْ في خائنة - المُخادعِين -

الهبَالْ هُنَا ( كنَاية )
على الوَاحِدْ
( ضعيف الفهم ) = الغبي - إنْ صحّ التعبير -

والأكِيدْ الوَاحِدْ لمَّا يتغابَى :
- يبعدْ عليه العين
- وشفقة النَاسْ عليه خير مدخّر لمخزنه سواءْ علمِي أو مادِي أووو ..

أُعايش هكذَا أشخَاصْ
فِي [ ليـسِي ]
يدعُّون ضعف في الفهم والتغابِي أحيَانًا
وعِندهَا تُجبرُ على تقدِيمْ العونِ لهُمْ بدَاعِي [ الشفقة ]
لكِنْ ،
ليسَتْ الصدمة أنْ يحصدُوا 20 في الرياضيَاتْ أو الفيزياءْ
بلْ
تُصدمْ حِينَ تعلمْ - النيّة الخبيثة - مِنْ وراءِ هذَا التمهبيلْ
أوْ حِينَ تسألهُمْ :
كاشْ قراية ، ؟ ولا هاكْ فهمنِي حاجة ؟
الإجابة : والله مانِي فاهمة والو في الرياضيَاتْ ~
وأكِيدْ أنَا إلتمستُ جزءْ مِنْ محُيطِي
( نَاسْ ربّي يهدِيهَا )
لذَا ،،
فالطمعْ يغلبْ الطبعْ
والإنسَانْ بهذِه [ الحَالة ]
مٌستعِدْ ليسَ للتمهبيلْ و- إذلالْ قُدرَاتُهُ -
فحسبْ بلْ ، أشيَاءْ أُخرَى

والوَاقِعْ شَاهِدْ
شُكرًآآ
دومًا متميزْ

السلام عليكم
مرحبا بعودتك اختي
ههه اني نشوف بلي بردتي قلبك
الله يكون معاك والله انا هنا مكانك احسست بالغيض
فانا كذالك عايشت ولازلت اعايش بعض من انواع اصحاب هاته النوايا الغير سليمة
يعني جاي يتمهبل وناوي خلاها من الاول

بروفيتاج + عدم الثقة فيك = (( ربي يستر )) هه
جوزيت كل خير

thorpe · 2012-03-26, 20:19

اقتباس:

المشاركة الأصلية كتبت بواسطة نور الايام

و عليكم السلام و رحمة الله و بركاته

دير روحك مهبول معناها دير روحك ماتفهمش ،سمط و دير رايك
أحيانا تنفع مع البعض من باب التطنيش

شكرا أخي ثورب على الموضوع
ربي يعطينا لعقل

السلام عليكم

اهلا بنور الايام

فعلا احيانا تنفع والله
لكن يا ريت تكون للضرورة
لانو البعض اصبح يتخذها كمبأ في الحياة يمشي بيه هههه وما فاقش مع روحو حتى لقى روحو بهلول صح ههه

جوزيت كل خير