كرهت و فقدت الثقة في نفسي

imymene · 2012-03-13, 20:33

انا من شعبة علوم تجريبية
زعما نقرا فالقسم الممتاز
"classe d'elite"
مي هاد العام سبحان الله ما فهمتش واش صرالي
جبت 11.98 فالفصل الاول
و 10 فهاد الفصل مي هاد الفصل مرضت و فقدت جدي الله يرحمو
فيامات الاختبارات علابيها ما خدمتش
مي 10 المعدل كي تكون طامع في 16 فالباك يحبطلك المورال
راني غيرنبكي فقدت الامل في التفوق فالباك
عاونونييييييييييييييي ربي يحفظكم

حامل اللواء · 2012-03-13, 21:04

imymene

شوفي ننطلق من شيء أساسي

الامتحانات الفصلية ليست مقياس كليــّة ...

ومش ممكن راح تحطمك او تكسرك ...

اجعلي الامتحانات مفتاح للبدأ في الدراسة ...

في حقيقة الامر انا فرحت لانك ما خدمتيش ....ماشي حسد ولا اي شيء ...انما انــا الان متيقن انّ 10 راهي تحرق في قلبك ..ونعلم الان انّك تدرسين حتى تفجر طاقتك .....

كما اذكرك بالذي اخذ 16 في المعدل واتّكـــل وقال انا فاهم وانا وانا فتبرّج بمعدله فنسي ّ مراجعته فسقط في الهاوية ...

وذلك الطفل المسكين يوم توزيع الكشوفات الفصلية المسكين اخذ 11 فبكى بكاء الموت وجعل الخسارة اللى ارباح فدار القلب وجا الاول في الثانوية

انا الان ادعوك الى شيء واحد وهو :

مسح دموعك ........وجعل الامتحانات ذريعة لبداية الدراسة الحقيقة ـــ وبيّني لي شطارتك ـــ

شهرين فقط ........اتوكـــلي يلاااااااا .......

والله الموفق

bem widado · 2012-03-14, 12:09

انا تاني راني كيفك بصح كي قريت الرد تاع الاخ حامل اللواء رجعت فيا الروح شويا شكرا ليييك ربي ينجحك و ينجح كل مترشحي شهادة البكالوريا لهذا العاااام

imymene · 2012-03-14, 13:58

بارك الله فيك الاخ الكريم
والله طلعتلي المورال

فطومة 32 · 2012-03-14, 19:26

نورمال المهم تكوني حاسى بلي تجيبي مليح وتكوني قادرت عليها واثقت في قدراتك حتى انا مازال مابديت ونقاطيى في الحضيض بصح عاد عندي امل وراني بغى نشوف نفسي في الباك تجريبي والباك الباك
ان شاء الله يكون في عوننا

isma3ilmoh · 2012-03-15, 15:00

انا الاول 7 والثاني هادا 6.56
ومازال عندي ثقة واشبيك خو

El saker · 2012-03-15, 16:11

نعرف واحد جاب
الفصل الاول 9 و الثاني 9 و الثالث 9

بصح جاب الباك بــ 13

كل شيء يعتمد على الارادة و تنظيم الوقت

astronoid02 · 2012-03-15, 20:12

ana tani lmoraaaaaal roho tayhli.ana tm jebt 10.85 mais 9rite redoooood w rani haba njib ktaaaar.YA RAB WAFI9NA

bem1 · 2012-03-15, 22:51

ماتحانات الفصلية ليست مقياس ابدا
انا كنت ندي 9 في فصول ديت 12.51 في باك
بدون اي جهد يذكر
بكل تواضع هه

zahoueddineess · 2012-03-16, 09:49

والله حكايتك وحكايتي متماثلان انا طلعة للثانوية بمعدل 19 وكنت نقرى مليح حتى انهم رشحوني لاكون من الوائل في البكالوريا ولكن سنة وكانوا اريد الدراسة ولكن لا استطيع الفصل لول ديت 13 وفصل ثاني 11

imymene · 2012-03-17, 16:51

انا راني كارهة
كي نشوف الناس قاع يقولوا ما خدمتش ما قريتش ما فهمنش و يجيبو 15 المعدل
مي انا قررت نبدل العقلية بدلت رايي راني خابة ندير اعلام الي
لازم 17 معدل علابالي نقدر نجيبها خلاص اللعب دوك يبدا الصح
انشاء الله ربي يوفقنيادعولي خاوتي ربي عالم شحال راني حابة ندير هاد التخصص

HASSAN2 · 2012-03-19, 15:30

شكرا لك علي المجهووود
لا تفوت فرصة العمر وادخل قبل ان تندم https://newdzteam.blogspot.com/2012/03/wazzub-20.html

حاج2010 · 2012-03-19, 22:05

انا معيدى السنة العام الفات كنت انجيب معدلات مليحة وفي اخير منجحتش واصحاب 6و7و8 نجحوا وراهم في الجامعة .

آمة الله انفال · 2012-03-21, 10:11

[اختي ماتتقلقيش
الامتحانلت الفصلية ماهيش مقياس
وانما تقييم لمعلوماتك والمهم انك تكتشفي النقائص وتحاولي تستدركي ما فاتك
وتوكلي على الله وخلي ثقتك بالله اكبر واكبر
وهذه الافكار السلبية الا من الشيطان حاولي تتجاوزيها
والمهمم انك ماتقارنيش نفسك بزملائك المتفوقين وانما استفيدي منهم
وتذكري دائما .............ان تنصروا الله ينصركم..........