الوصفة نتاع المعجون البرتقال و القارص
المقادير
حبة برتقال مسكرفجة يعني ا le zeste
حبة قرص مسكرفجة يعني ا le zeste وهذا le zeste نتاع البرتقال و القرص نخبوه للقاطو ما نرموهش
1ل ماء
1كغ سكر
التحضير
نضع في كوكوت الماء و البرتقال و القارص بعدما نسكرفجوهم و نغلق عليهم و نديرهم يصفرو و من بعد نفتح كوكوت تصبح الحبة نتاع البرتقال و القارص طايبين مليح ننزعهم من كوكوت و نرحيهم ب bra mixeure نضيف الى الماء الموجود في كوكوت السكر و نتركه يغلي شوية يعني حتى يذوب كامل السكر ثم نضيفله البرتقال و القارص المرحيين و نتركه يطيب و لكن ما تخليهش يعقد بزاف لانه عندما يبرد راه يعقد وحدو.......
و الله غير يجي معجون الذوق نتاعو رائع و غير مكلف و يجي زاكي بزاف انا غير كيما درتو و لكن الصور غير موجودة المرة الجاية كي نديرو نصور المراحل كامل انشاء الله نكون فهمتكم مليح
( تقرير عن مشاركة سيئة )، و الموجودة أسفل كل مشاركة .
2013-02-26, 09:44
الى zouzou 42
العرض العادي
