هذه تجربتي من تطبيق غير ناجح الى كيكة رائعة

[ام ساجد]

صباح الخير عليكم جميعاان شاء الله تكون بخير
لقيت في المنتدى مايونيز بالحليب قلت نجرب لاني ما نحبش البيض لكن نحب المايونيز
ايا كي جربت ما صلحليش الطريقة نحط فرماجة مع ثلات ارباع كاس شاي حليب وتقريبا كاس شاي زيت
مع الملح والخل لكن كانت النتيجة سيئة بقى سائل ايا زدتل فرماجة بقى سائل
ومبعد ضربت بيضة وقلت نزيد هال لكن ماصلحتش
ايا قلت نقلي بطاطا ونعمل عجة لكن كمية الزيت كبيرة وليت قلت نعمل حاجة حلوة
زدتل بيضة اخرى وضربت وزتل سكر وفاني وخميرة وفرينة وقلت نعمل مادلان جربت حبة وبعد قلقلت قلت
نصب مرة وحدة في مول الكيك ودخلت الفرن وكانت نتيجة رائعة
هشوش وخفيف خلاص راني طولت عليكم لكن باه الاخوات يعرف ان ساعات تصلح وساعات لا
ولي جربت مايونيز الحليب تقولي من فضلها على الطريقة الصحيحة








يسمى اكتشفت حاجة جديدة من تجربة فاشلة المرة القادمة في قسم الحلويات نحطلكم مادلين بالفرماج انتظروني