قصيدة في مدح المفتش ابوبكر طيريري

[mohamedrabhi]

من حقي ياشيخ عنك نتكلــــــــــــــــــم ***ونقول اللي درتها في ذالميـــــــــــــــدان

انتايا معروف من بكري قايــــــــــــــم ***وناشعري فيك ضركا وين يبــــــــــــــان

سي بوبكر كلامنا دونك فاعـــــــــــــم ***في لوحة ماجابها حتى فنــــــــــــــــــان

بيكاسوبلوانها يعيا يحلــــــــــــــــــــم ***ويلقاها عندي تختمت في لـــلــــــــــوان
كي كرمتك راه شعري يتكـــــــــــــرم *** وتستاهل تكريمنا في كل زمـــــــــــــان

انتايا مصباح شفتــــك *** زالت في وجهو الظلمة

مولانا في الكون خلقك *** وسط سماه نقول نجمة

ولى بدريبان نــــــورك *** شعشع وملاني بكلمـــة

بيها عدت نقول عنك *** وبنورو وليت قيمـــــة

قدري يعلى كي ذكرتك *** ونصبنا بالشان خيمــة

يامن عزك عاد بلساني يحكـــــــم ***يامغروس على السخا وهل البرهان

وادك فاض وعاد موجو يتلطــــم ***وطاها ولات لرض مع الكيفــــــــان

باني مجد وزاد بالسعد اسقـــــــم ***تشهد ماقريت شباب وصبيـــــــــان

ناس الحق تقول من نورك عالم ***وانت من بصرتها كانت عميـــــــــان

تاريخك معلوم قدامي يحكـــــــم*** ومانايا غي نعاود فللي كـــــــــــــان

ايشرف لحرارعلمك *** تتبقى مصباح ديمـــــا

في الدنيامرفوع شانك *** تشهد عنك كل نسمة

من هبت في الريح جاتك *** ورفعتني وليت قمة

شاعر وكلامي معبلك *** سديتوبخيوط حكمـــة

كي ترضى هذاك قدرك *** بن خيمة علات خيمة

معلم وبقيت ديما معلـــــــــــــــــم ***هذاحال سيادنا من شاو زمـــــــان

نتفكربيك البحر كي يتلطـــــــــــم ***جايب موجووالسخا تحتو مليــــان

منلي زدت انت على الجرة تخدم ***وبمثالك لغواط على ذالسيــــــسان

هاهو جاك اليوم عندك يتكـــــرم*** وبيك انتايا كل عدنا في الميــــــزان

واذا قلت عليك منك نتعلـــــــــم*** نتبقى تلميذ وانتايا سلطــــــــــــان

نتفكر بسماك شيخك *** هذاك اللي كان أمــــــــــة

بوبكر الصديق مجدك *** من كان على الحق ديما

والوارث من شاف ورثك *** تتكشف فيدو الظلمة

كي يسكت في الخير فلك *** وكي يتكلم عاد همة

والتاجرمن غير سوقك *** والرابح يدي الحكمة

من حقو حاسي الرمل فيك ينظـم*** كلمة يرفعها على راس النـــيـــــــران

الباطن مليان بالخير معمـــــــــم وا***لظاهر شناه ربي بالقـــــــــــــــران

وانت كنت عليه بالحكمة قايــــم ***ومن قطرة ولات في الصحرا ويـــدان

رافد زين القول بيديك ترســـــم ***وكان معاك صحيح يخدم في الصبيـان
من حظو والرب يعطي ويقسـم ***هذايا تشريف لثراية رحمـــــــــــــــان

يابوبكر انت نعــــزك *** وبعزك ربيت حرمـــــــــة

سبحان اللي بث حبك *** وختارك في خير خدمــة

يبقى في التاريخ مجدك *** وجدودك سبقوك كرمــة

وانتايا بالخير جـودك *** وجاتك في الهادي القسمة

ميراث الرسول فخرك *** كل نهار يزيد سومـــــــة

تكريمك تكريم لجميع العالـــــــــم*** وبمثالك لغواط زاخ على البلـــــــــدان

غالي ديما هكذا شجرك فاعــــــم ***وربيعك في كل فصل بخير يبــــــــــان

وحظ الدلاعة مع النور تسقــــــم*** وعادت في طرف الثرية ليها شــــــان

تعجبني ديما بذالخصلة تخــــــدم*** وفتحت عللي كان مفتاح البيبـــــــــان

ومن قيم لبطال لازم يتقيـــــــــم ***ومهما كان عقوبتو خضرا تزيـــــــــان