مجروحة 2

[مشكلتي]

السلام عليكم
وضعت موضوع: مجروحة

احب ان اقول لكم انا لست متجاهلة لشعوره واحس به انا ايضا في حالة صعبة جدا
واقدر شهامته ولن اجد رجلا في مثل اخلاقه
لكن ابي وامي رفضاه ما>ا افعل؟؟ بالله عليكم ماذا افعل تكلمت وتكلمت دون جدوى ..........يعني اهرب معه؟؟ فهموني
لا تأخ>وا الامور بسطحية الموضوع خرج من بين يديا
انا في الاول لم اقترح علي الخطبة قلت له انا ليس لدي مانع لكن والد
يا راح يرفضوك لانه ليس لك عمل مستقر
هو قال لي قولي لداركم باه تجي امه الى بيتنا من اجل الخطبة ابي قال لي مايجي ماوالو ومن اليوم متحكيش معاه خلاص ....
انا ملقيتش كيفاه انقلوا سبب الرفض........بالعامية حشمت ودرت في بالي يقول على عائلتي دار ماديات
واش ندير من جهة تحرق ومن جهة تكوي
ملاحظة ابي قالي منحبش التمرميد البنتي ...........يحب الراجل لي نديه يكون عندو خدمة لا يهم يملك مسكن ام لا عندو الدراهم ولا لا
الحمد لله معروفين احنا بالمال والشخص الذي اراد خطبتي امور ميسورة




راااااااااااح نهبل

[الواثق]

يا اختي الكريمة الامور ليست هكذا مادام ابوكي رفضه فهو ادرى بمصلحتك اما الشاب وعلاه يغيضك رايح يلقى لي توالمو وانت بذن الله يجيك لي ترضاي بيه ويرضى بيه ابوكي واهلك.....................والمفروض هذا الشاب ماتتكلمي معاه ماوالو ولو بالرسائل ............وانا نقلك بصراحة بالنسبة لي انا رجل لو اقصد فتاة ويرفضني ابوها من اجل العمل عندي حل واحد اما انني ابحث واكد في العمل واما اني ابحث عن اخرى تعينني وانتهى الامر اما اني نبدا نقول راكي تندمي بلاك نقولها في قلبي ولكن وعلاه نقولها للبنت اذا كانت هي قابلة والمشكل في اهلها ؟؟؟والرجل الذي يحبكي فهو يحب ان تكوني مطيعة لاهلكي ..................اليس هذا صحيحا ؟؟؟ ..............مرات لازم نحطو العواطف على جهة فابي هو ابي وامي هي امي ولن اخالفهم خاصة في قضية كالزواج ان اردت منهم القبول فبنصح والمودة والمحاولة ..................................والقلوب راهي تتقلب ممكن بعد لحظة يقبل ابوكي فليس هذا بكبير على الله وهو القادر على كل شيء ............................استخيري الله والتفتي لحياتك فل يأخذ احد مكتوبكي ولو اجتمع له الانس والجن ....................والله اعلم بالصواب

[بنت غليزان]

يا أختي شوفي غادي نحكيلك قصة ماشي سمعتها و لا قالولي عليها و لكنها صرات مع أختي من لحمي و دمي تبعي معايا القصة و حلي عينيك و راسك مليح
عندي أختي تكبرني ب 3 سنوات أبي تعب عليها و قراها في مدرسة عليا و صرف عليها الملايين
نزيدك حاجة كانت مفضلة عليما من طرف الام و الأب
كي تخرجت و بدات تخدم يا أختي عشقت واحد لا أخلاق لا خدمة لا زين هو وين و هي وين هي كي الوردة مين تفتح
قاللها بابا ما نزوجكش بيه أولا خدمتو مكاكان حالة ثانيا سمعتهم في الطين
قالت والو والو غير هو الي نديه يجيني بوتفليقة و مانقبلش بيه
نهار بعد نهار الشيرة راهي تجهز في روحها من التحت للتحت و حنا لا خبر عادات ماما و عاداتنا كامل تقولنا نشوفكم كحلين بغاتو غير هو
خلينا
وحد النهار خرجت من الدار و راحت معاه عقدو بدون علم أي واحد عند نوتار
و حنا غير نحوسو عليها الطايح كثر من النايض
صرا فينا العجب وطات وجوهنا في الطين
بابا حلف عليها و تبرأ منها و قاللها عطيتك دعوة شر كي هو كي ماما
و دركا راهي عندو ولدت و كانت بين الحياة و المملت و ماشافتش والديها و بنتها ماتت
لدرك 3 سنين فاتو مازال ما دخلاتش الدار و مازال ما شافتش الوالدين و هو هاذا الي دارت على جالو هاذ اتلشيء كل يوم مع وحدة هي تخدم و تصرف عليه
إذا راكي حابة تولي كيفها الله يسهل

[minanfel]

يا اختي الحل بين يديكم وانتوم مفرطين فيه

استخيييييييييييييييري الله تعالى وادعيه اذا كان فيه الخير راح يقبل والدك ورجلو على رقبتو واذا لالا حتى وقبلوا والديك راح تجي السبة لي تفرقكم ، ثقي بالله وصارحيه ماشي مشكل بالاك يشمر على ذرعيه ويدير التاويل ، استخيري اختي وتاكدي انك لن تندمي

كيف تسالينا المساعدة وتتركي الله تعالى كيف تستشيرينا وتتركيه تعالى؟؟ اتبعي ما قلت ولن تندمي واكثري الاستغفار وما يكون غير الخير ليكم في زوج

[amoura el batniya]

salam
chi li9alou el houdou2 mouz3ij 3jebni bzef hadek howa le meilleur exemple...ya oukhti attention tkhammi tokhorji men dar waldik....rabi ra7 yoghdhob menek....w7na rana ned3iwlek bech hèd jeune yel9a 5adma mliha...wrabi ykoune m3akom

[محمد مولاي]

الا تستطيعين اقناع والديك
هل العمل يعتبر حاجز لهذه الدرجة عند الوالد ؟؟؟
ألم تعجبه اخلاقه ؟؟
الرجل طلب الحلال ..

[فتاة الدعوة]

سلالالالالالالام يا اختي انا من راي ابوك هدا انسان ماعندهش مستقبل كيف تعيشي معاه ؟؟؟؟؟؟؟؟؟؟؟؟؟؟

[aissam .3820]

وين راه المشكل يا اختي.........

قوليلوا الوالدين ما حبوش....


وافترقوا بالتي هي احسن..



وكل واحد يشوف مخروجو..



..

[سآجدْ للهْ]

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

حاول بأي طريقة إقناع والديك...

الرجل جاءك بالحلال

يا رب اجمعهما مع بعضهما بالحلال

أميييييييييييييييييييييين

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

[محب الحكمة]

يا ربي توفقني للحكمة و الخير....
رأي انت ما تفوتيش رايك أبوك..و ابوك ما يكونش بهذا الجهل....نفرض الراجل عامل في عمل مستقر و الحمد لله..و أبوك زوجك ليه..و جبت معاه ولاد و الحمد لله..و لظروف و بلدنا الجزائر ..الشركة فلست و سرحوه من العمل...حنا أبوك يطلقك أو واش يعمل ؟ ؟؟
فهمي ابوك و قولي له لي خلى حرف من القرأن يشتاق له....شوفي في دينك..اذا كنت ترضوا دينه قولي لبوك يزوجك ليه..اذا أحبك كرمك و أذا كرهك ما يظلمك..لأن فيه خوف ربي...و اذا كان راجل كما قلت..يعمل أو لا...لا تخافي لانه راجل ويعرف المسؤولية و يعرف واش لازم عليه يوفر لك ؟ ؟ ؟

نصيحة لوالدك من محب الحكمة : اذا زوجت بنتك في مكانها راك رايح تربح ولد مع ولادك و اذا ما عرفتش راك رايح تخسر بنت كانت من بناتك

[نُـون]

السلام عليكم ورحمة الله
يا أختي لا عليك، قرأت موضوعك الأول والردود وكذا الثاني
الأمر ليس بيدك، فالأفضل لك طاعة والديك
أمّا الجروح فلا شكّ وإن طال الزمان ستندمل
آخر ما تفكّر فيه امرأة عاقلة هو ما ذكرت في هذا النّص
وكل شيء قدر ومكتوب وما دمت لا تستطعين إقناعهما فمن الأفضل لك وله إنهاء ما بدأ

أسأل الله أن يهيّء لكما من لدنه مخرجا سبحانه فأمره كن فيكون

[فتـ حييةـاة]

اسمحي فيه نورمال وربي يعوضك ماخير منه لانك نويت ترضي والديك تقدري تسمحي فيه وتلقاي ما خير منه بصح قوليلي تقدري تلقي خير من امك وابوك طبعا مستحييييييييييييييل يا اختي القلب اللي يهربني مع واحد ونسمح في والديا ناكله في طرف خبز
عندكي تغلطي وتهربي معاه تلحقك دعاوي والديك وتعشي نادمة

[نورسين.داية]

المشاركة الأصلية كتبت بواسطة مشكلتي

السلام عليكم

وضعت موضوع: مجروحة

احب ان اقول لكم انا لست متجاهلة لشعوره واحس به انا ايضا في حالة صعبة جدا
واقدر شهامته ولن اجد رجلا في مثل اخلاقه
لكن ابي وامي رفضاه ما>ا افعل؟؟ بالله عليكم ماذا افعل تكلمت وتكلمت دون جدوى ..........يعني اهرب معه؟؟ فهموني
لا تأخ>وا الامور بسطحية الموضوع خرج من بين يديا
انا في الاول لم اقترح علي الخطبة قلت له انا ليس لدي مانع لكن والد
يا راح يرفضوك لانه ليس لك عمل مستقر
هو قال لي قولي لداركم باه تجي امه الى بيتنا من اجل الخطبة ابي قال لي مايجي ماوالو ومن اليوم متحكيش معاه خلاص ....
انا ملقيتش كيفاه انقلوا سبب الرفض........بالعامية حشمت ودرت في بالي يقول على عائلتي دار ماديات
واش ندير من جهة تحرق ومن جهة تكوي
ملاحظة ابي قالي منحبش التمرميد البنتي ...........يحب الراجل لي نديه يكون عندو خدمة لا يهم يملك مسكن ام لا عندو الدراهم ولا لا
الحمد لله معروفين احنا بالمال والشخص الذي اراد خطبتي امور ميسورة

راااااااااااح نهبل

شوفي اختي خاطب بدون عمل تطرح عدة علامات إستفهام ....و انا سوف أسئلكي أولها مننين راح يصرف عليك يرحم باباك قوليلي
و لمعيشة راهي غالية ..........لا تستهيني بالموضوع و لا تقولي لي الرزق على ربي .....في مضمون لحديث الرسول صل الله عليه و سلم قال : إعقلها و توكل ............بمعنى على الأقل يكون عندو مورد .......و لا تقولي لي والديه ....لنه حتى حاد ماهو دايم ليه ....
تحبيه و يحبه ...حاجة مليحة على الأقل ترقى العلاقة من الماديات لكن الحب وحده لا يبني أسر
و فكري في ما يراه و يرضاه لكي والديكي يعني قدري وجهة نظرهما لمستقبل إبنتهما و انا أرى أنهما على حق
و الشخص الذي يحب إنسان أعتقد أنه لازم هو أيضا يعمل المستحيل حتى يتحصل على عمل .....ولا كيفاش راح يعيش ...؟؟؟؟ سبحان الله ...
يا أختى لا تفكري في اللحظة الآنية و إنما فكري كيف ستعيشين معه و من يكفل الأبناء فيما بعد
علابالي حتى حاجة ماتجي كاملة و الشباب ربي يكون في عونهم هم أيضا و الإنسان لازم يكون قنوع و يرضى بالقليل ...لكن على الأقل يثبت محبته لكي بالخطوة الأولى
و عليكي عزيزتي بالدعاء و الإستخارة .............و عسى ان تحبوا شيئا و هو شر لكم .....................متعرفيش الدنيا واش فيها
وفقكي الله عزيزتي

[دادي84]

أعلم جيدا بما تشعرين و ليكن في علمك بان قلبه يتقطع دما حتى لو لم يظهر لك ذلك ..... أولا كان على والدك أن يتحرى عنه أي يسقسي عليه و على أخلاقو دينو و الاصل تاعو من بعد يقدر يحكم عليه اذا كان يستاهلك ولا لا .....ولد الناس راه ناوي الحلال ووين راه العيب باش تحضر الام تاعو لداركم خصوصا انك تعرفي هاذ الولد مليح و مادامك رضيتي بيه من الأول لماذا التراجع الان ...أنا لا ألومك و اعلم جيدا بان الامر الان اصبح خارجا على ارادتك و لكن صدقيني العمل عمرو اذا كان مانع على الزواج ...اليوم يخطبك و في نفس الوقت راه يدبر على روحو عمل مستقر الى حين يوجد روحو خير ما تبقاو هاك في حل و ربط و تتفاداو أيضا الشبهة في هاذ العلاقات المحرمة وتحطو رواحكم فالسكة تع الصح..... نصيحتي ليك حاولي تقنعي الام تاعك لانها اقرب الناس ليك و راح تفهم شعورك وهي بدورها تتكلم مع الاب لربما يهديه الله و يتقبل فكرة الخطوبة ....... نتمنالكم التوفيق و مادا بيك ما تخليش ولد الناس موسوس و فهميه واش صرا و الله المستعان

[abirechatr]

سلام عليكم
والله كبوك عندو الحق مكيش عارفا من بعد الزواج واش يصري بوك راه مجرب عارف كتر منك