كريات الارز بالمرقة من مطبخي روعة وبنينة بزاف

nari21 · 2012-04-13, 19:35

r;قولوالي واش ريكم والي حبت الوصفة نمدهلها

*سماح 94* · 2012-04-13, 19:40

امممممممممممم يشهي
انا نموت على الروز هكدا ما نشبعش منو يعطيك الصحة

amel_star · 2012-04-13, 19:42

شكرا لك و جزاك الله خيرا
طبق يشهي
بارك الله فيك
جيبي الوصفة يا لعزيزة

ahlem_22 · 2012-04-13, 19:45

يعطيك الصحة و الله غير يشهي أعطيني الوصفة و شكرا

nari21 · 2012-04-13, 20:01

للبولات تاع الارز
كاس كبير رز نحطوها يغلي مع الملح وفلفل لكحل كي يطيب نزيدوالو كمية من الفرماج اي نوع تفضليهمن بعد ارحيهانا رحيتو بالبارة كي ترحيه راح يطلق رواحو متخفيش حطيه في الثلاجة عادي باش يشد روحو
في هدا الوقت نحضرو المرقة نحطو حبة بصل و4سنات ثوم ومغرف كبيرة طماطم مصبرة وفلفل لكحل وملح وكمون وادا حبيتي نصف حبة جامبو بقري وشوية زيت واللحم وحبة طماطيش نقلو مليح كي يتقلو نزيدو الزيتون لخضر مقطع دويرات ونمرقو بالماء حتى يتغطى اللحم ونخلوها اطيب
نرجعو للبولات نلقوهوم شدو روحهومنكووهم دويرات من بعد انرمدوهوم في الفرينة من بعد البيض ومن بعد الخبز اليابس ونقلوهوم كي تقليوم بلخف اقلبيهوم من بعد نحيهوم قيس ميتحمرو نقطروهوم ونستفوهوم في الطبسي ونسقوهوم بالمرقة راح يجو بنان بزاف وراح تدعيلي بصحتكم