مسكن لا كناب

مشكلتي · 2012-03-03, 23:43

السلام عليكم اخواني راني عايشه في غموض و حابتكم تساعدوني باش نعرف راسي من رجليا
راجلي راهو حاط دوسي نتاع مسكن لا كناب و يحط كل شهر مبلغ 5000 دج مي قالولو دوكا منحكوش معاك كامل حتى بعد عامين يولي عندك الحق باش تحكي
مانيش فاهمه و خايفه نكون طامعه في حاجه مكانش منها مادابيكم الي يعرفو ولا جربوها يجاويوني
يعني مضمونه في كل شهر ندفع هدا المبلغ و بعد عامين يكون عندي الصلاحيه و تكون مضمونه؟ مع العلم هادي لاكناب في الشراقه
وضحولي الله ينوركم و هل السن عندو شروط؟

أم لجيـن · 2012-03-04, 12:36

وعليكم السلام
نتمنى تلقي الي يفيدك

z.abdo · 2012-03-04, 12:42

نقلك حاجة بما أنك تتعاملي مع قطاع حكومي فلاتخافي
لإنك في أسوء الأحوال إذا لم تستفيدو من المسكن راح يرجعولكم نقودكم
وإذا عندكم إتفاقية بينكم وبين البنك يحدد فيه المدة اللي راح تسفيدو مسكن إذا لم تستفيدو في المدة المحددة حسب علمي تقدر ترفعو دعوة قضائية في محكمة خاصة بالعقار وطبعا لازم محامي باش يفهمك الإجراءات
لكن حسب ظني الحكاية مش راح توصل لهذا
فقط ربما انت لم تسألي زوجك عن المدة اللي راح تستفيدو منها هو أكيد علابالو
وربي يفرج عليكم وعلينا

hamzagolf6 · 2012-03-04, 17:57

انا على حساب علمي في هاذ الشركة في الولاية ديالي هيا انك يكون عندك دراهم عندهم ومباعد هوما يستثمروهم ويبنو فيلات ويخلوه مايكملوهمش ومباعد هاذوك الفيلات يوزعوهم على المشتريكين
في سنة 1980 كانت الفيلا ب 40 مليون دركا راهي 10 مليار

الاستاذة المستقبلية · 2012-03-04, 18:01

اسال الله ان ييسر لك امرك اختي الغالية ....بالتوفيق

ما وراء الطبيعة ؟؟؟؟ · 2012-03-04, 19:11

ولكن يا أختي نسبة الفائدة كارثية في كناب

العائدة الى الله · 2012-03-05, 19:42

السلام عليكم

السلام عليكم

اختى على حسب مافهمت منك زوجك يوفر ,يدفع مبلغ 5000 في حسابه وهم يقصدون انه بعد عامين يصبح لديه ايجابيات انه موفر لان هذه الصفة تتطلب اقدمية دفتر التوفير والاولية في سكن لاكناب الموفر والذي يملك اكبر نسبة من الفوائد
اما اذا كان قد اخذ قرض من البنك فهو يدفع الان الفوائد وبعد عامين يبدأ في تسديد قيمة القرض الذي اخذه ويصبح السكن ملك له بعد ان يسدد كامل المبلغ
لذا عزيزتي لا تعقدي امالا كبيرة حتى لا تؤثر فيك فيما بعد

وفقكم الله ورزقكم في الدنيا والاخرة

صُبح الأندلس · 2012-03-08, 16:04

يا أختي ألا تعلمين أن أخذ القرض من البنك محرم ؟ عندما استحل الناس الربا كثرت المشاكل و الأمراض و المصائب
نسأل الله العافية

نورسين.داية · 2012-03-08, 16:17

انا فكرت في القرض لكن كثرت علي الفتاوى ................قلت السماح .....................

djamel123 · 2012-03-08, 18:23

أنا لم أفهم الموضوع جيدا
لكن اذا كنتي تقصدين قرض السكن أو قرض البناء أو الترميم ..الخ
فأعلمي أن لاكناب ليس مؤسسة خيرية تعطي قروض دون فوائد
من الأحسن أن تتجنبوها هي وكافة البنوك الربوية
أنا لا أعلم ضروفكم لكن لو كنت مكانكم أفترش الأرض ولا آخذ قرض سكن بفائدة ولو 1 دج.
لأن درهم ربا أشد عند الله من 36 زنية كما قال الرسول ص
ويمحق الله الربا ويربي الصدقات

أحاسيس مرهفة · 2012-03-08, 21:42

يعني أجمعتم على أنو المسكن عن طريق لاكناب حرام ماذا عن التساهمي

lilou f lilou a · 2012-03-09, 07:34

ان شاء الله خير أختي مع الحكومة ان شاء الله مايصرا والوووووووو

صُبح الأندلس · 2012-03-09, 14:40

اقتباس:

المشاركة الأصلية كتبت بواسطة chimitta

يعني أجمعتم على أنو المسكن عن طريق لاكناب حرام ماذا عن التساهمي

لسنا من أجمعنا بل الله تعالى حرم الربا بصريح اللفظ في القرآن الكريم و الربا حرام سواء لاكناب أو غيرها من البنوك
و حتى لا تحتاري كل قرض جلب فائدة فهو ربا مهما كان اسمه

ivaoran · 2012-03-11, 15:34

السلام عليكم

لا تخافي اخيتي
زوجك فتح دفتر توفير سكني

بمعنى انه ان قامت لا كناب بانشاء مشروع سكني
لكم الحق باخذ واحد

و هذا يعتمد على

l’ancienneté et le taux d’intérêt

و قادرة تكوني مسكن بدون قرض و لا ربا
لا تخافي من هذه المسألة

و ارجو من كل من افتى بانه حرام ان يتكلم
عن دراية و معرفة
شكرا