انصحوني

CHARMONTE · 2012-05-23, 18:12

بكل صراحة نحكيلكم و ان شاء الله تعاونوني ننسى عندي 4 سنوات وأنا وحدي يعني عايشة بلا حبيب كيما راهم معظم الشباب مالا عندي 10 أيام اتصل بي شاب حاب يتعرف علي بصح شايفني برا مع الأول كنت معارضى الفكرة بصح عنيد عندو وحد الكلام و الاصرار خلاني نبدل رايي و نطلق الوحدة لي عشتها بديت نحكي معاه أومنين يتكلم معايا في الهاتف قتلني بالكلام المعسول حتان وليت أنا كيما هو بصح الحمد لله ماصرا والوا كي بدات تطور العلاقة كاين حوايج أنا عارضتهم وهو معجبوش الحال بعتلي مساج أوقالي متخرجيش عليا أوكنت نتاستي فيك أو كي تتعرفي على واحد اخر متحكيش معاه كيما حكيتي معايا يدى عليك نظرة عيانة أنا ما رجعتلوا والو من غير حسبي الله و نعم الوكيل فيك المشكا أني والفتوا أنصحوني واش ندير كانت حياتي هادئة و بالي مرتاح من هاد الأفكار و المشاكل و العلاقات و راني على أبواب التخرج خفت ياثر عليا هاد المشكل و أنا في عمري 22 وهو 25.
من فضلكم انصحوني معنديش ختي لي دبر عليا.

مريم الصابرة · 2012-05-23, 18:17

السلام عليكم اختي أنا والله ما نلومك ولا نقولك حرام او حلال الله غالبب هذا حب وكلنا فتنا بيه وممكن راحا تقراي ردود يزعفوك لكن خليي نقولك هذا ناقص و إنسان ما عندوش ضمير وما تخميش فيه لانو ماراهش راجل وما تزعفيش مني صدقيني نقولهالك كإنك ختي وبعد تجربة خاصة ماكانش اللي يستاهل من غير زوجك شوفي الرجال محال تعطيهم فرصة قد ما تعزي روحك تغلاي عندهم خليك وحدك وما تقيمي حتى واحد وما تعطيش فرصة لراجل يقول راهي كي هي كي اخرين كيفكيف خليك المميزة ارفضي اي علاقة اي كلام من طرف اي شاب خليك بعيدة على جو العلاقات وليك ماشية وحدك وصلي وبعدي الأفكار هذي من راسك وتشوفي ربي راح يكتبلك راجل ويكو حلال ويحبك وتقولي يا ريت ما عرفتش هذاك الشاب
معلش هذي تجربة والحمد لله مرت بسلام وما تعاوديهاش الآن فكري فقط في قرايتك ونجاحك وهو خمي إنك ما خسرتيش راجل على العكس هو خسر فتاة مثلك ديما كونك مقيمة نفسك وبدلي الرقم وخليك منو اختي ربي يوفقك ويكون معاك

CHARMONTE · 2012-05-23, 18:30

lمشكورة حبيبتي كلامك رائع

حميد.ص · 2012-05-23, 18:37

المشكل الكبير الذي انت فيه هو الوحدة

الوحدة هي من دفعتك الى فتح الباب لاول طارق

ربي يسهلك امورك و يفتحلك ابواب الخير

ما يحس بالجمرة غير الي كواتو

مريم الصابرة · 2012-05-23, 18:37

اقتباس:

المشاركة الأصلية كتبت بواسطة charmonte

lمشكورة حبيبتي كلامك رائع

السلام عليكم اختي لا شكر على واجب صدقيني ختي راكي اختي الصغيرة ونفولهالك لانو حسيت بيك لأانو انا تجرخت من شيء إسمو الحب وندمت عليها وما نعاودهاش وربي يسامحني حتى لو ما درت والو لكن دينا نقول اذنبت في حق ربي وفي حق نفسي لانو مديت فرصة لراجل خلاني درت ذنب عند ربي وتعرفت عليه فالهاتف
اختي إنت تجرحت وفليك موجوع وما تزيديش الهم وتخلي قرايتك هي الصح خني إنو هذا صائد اليوم جرحك وغدوى يجرح فتاة اخرى هذا ماراهش راجل هذي هي خدمتو الله غالب خليه يلقط الدنوب الله يسهل عليه قدام ربي لكن إنت لالا خلاص فاتت و كلنا غلطنا لكن كملي حياتك عادي منين تجي تخمي فيه قولي انا ما خسرتش راجل واللي باعك بيعيه بدليه بالصلاة بالدعاء أشغلي وقتك بالقراية وتنسايه وربي معاك موفقة

CHARMONTE · 2012-05-23, 19:01

اقتباس:

المشاركة الأصلية كتبت بواسطة حميد.ص

المشكل الكبير الذي انت فيه هو الوحدة

الوحدة هي من دفعتك الى فتح الباب لاول طارق

ربي يسهلك امورك و يفتحلك ابواب الخير

ما يحس بالجمرة غير الي كواتو

مشكور اخي على تفهمك هادا واش صرالي بالضبط

mitrochka · 2012-05-24, 11:43

rihlat elalf mil tabda bi khatwa