اللحم الحلو

[lina18258]

السلام عليكم ورحمة الله وبركاته
حبيت تعطوني الطريقة الصحيحة للحم الحلو لاني رحت مرة لعرس وحطولنا الحلو وكانت المرقة ديالو صافية
حبيت نعرف كيفاش طيبوه لان سمعتهم يقولوا يطيب اللحم وحدو والفواكه وحدها
ايا ما دا بيا طباخات المنتدى يفيدوني بالطريقة

[lina18258]

واش يا الطيابات مكان حتى وحدة هنا تجاوبني

[رياحين05]

شوفي اختي انالحم لحلو لانديرو اول حاجة انقطع الحم انزيد امعاه مرغرين+شوية قرفة مطحونة +قرفة عود نخلي كلش يتقلي ثم نحكم بصلة نرشق فيها القرنفل ونزيده مع اللحم ثم انمرق اما عن الفواكه نغسلهم امليح وننقعهم ماء +ماءالزهر ونخليهم كيطيب الحم انزيد الزبيب امبعد اندير السكر كيبدايعقد انزيد العينة نخليهم الطيب العينة العينة ساهلة ام المشماش انفورو كيطيب نخلطو امعاهم هاذي طريقتي واتجيني المرقة صافية وشوفي الطبخات بلاك فيدوك ملاحضة البصلة كيطيب الحم نحيها

[*نآدرة~]

ايه صح،اللحم كي ديريه يطلق واحد الرغوة كحلة،أنا نديرو في الاول مع الزبدة غير شوية ياخذ البنة ومن بعد نزيد عليه الماء ونخليه بلا ما ننسا عود القرفة،وكي تطلعلو هذيك الرغوة نحيهالو،ومن بعد ندير الزبيب والسكر وللعلم انا ندير كمية لاباس بيها من السكر باش يعقاد، ونخليه يطيب مليح،ومن بعد كي يطيب اللحم نظيفلو الفواكه اللي راني مقطعتهم وفي الأخير ندير البرقوق الجاف ،وكي نطفي عليه نضيفلو ماء الزهر والليمون ونكون قاليا شوية لوز نرميه فوقو،للعلم برك غير بغيت نساعدك لخاطر انا مانعرفش بزاف يعني مبتدئة برك قالولي الحلو تاعك يجي مليح قلت بالاك نفيدك،ان شاء الله يفيدوك اهل الاختصاص

[lina18258]

بارك الله فيكم على الردود