كيف نتعامل مع هذا الصنف ؟؟

thorpe · 2012-02-24, 23:45

السلام عليكم

اهلا بكم اخواني اخواتي

اليوم احببت طرح مشكلة تفشت بشكل كبير في هذا المجتمع

بصراحة لست اعرف ان كانت مخالفة للدين او لا
لكنها تثير غضبي
وللاسف هاته الظاهرة تنتشر بين الاناث اكثر منها بين الذكور

تكون جالس في البيت او في اي مكان اذ باحد الجيران او الاصحاب ياتيك او يتصل بك في الهاتف

نعم اهلا كيف حالك ووووو

لاباس الحمد لله

والله اليوم جئتك واتمنى الا تردني

تفضل اخي (( اختي ))

معليش تسلفلي التريكو تاعك الاسود ؟؟
معليش تسلفيلي لاجيب تاعك ؟؟
............
......

تساله لما ؟؟
يقولك عندي طريق

سبحان الله

اناس يحيروني

وكانو لم يحسب حساب (( الطريق الي جايتو )) من قبل

لا علينا نتكرم عليه هاته المرة

في المرة القادمة لو راى عندك شيء جميل تاكد انه سيقصدك من اجله

صراحة انا لا احب هذا الامر
لا احب ان البس شيء يشاركني غيري فيه
ربما هي انانية
لكن لماذا اشتريت انا ذالك اللباس؟؟؟ هل ماقتنيته من اجلي او من اجل فلان وفلان ؟؟؟؟

فاليشتري كل واحد مقتنياته وينتهي الامر

والمشكل لم يتوقف عند اللباس فقط

مرة سلفيلي الروبوت الخاص بالطحن
مرة سلفلي جهاز البليستيشن
مرة سلفلي جهاز mp3 تاعك آخذه معي الى الجامعة

الى متى نبقى هاكذا

شخصيا اصبحت اشعر بالاحراج من هذا الوضع

انا امتلك جهاز psp
لماذا اشتريته ؟؟؟ هل لاعارته للغير ؟؟
طبعا لا

يا سيدي فالنفرض ان ذالك الجهاز كتب له ان يتعطل عند صديقي
يا ترى كيف ساتعامل مع الوضع ؟؟؟
الجهاز غالي حوالي مليون ونصف

نخسرو فيه ؟؟؟

او اتجاهل الامر واسامحه ؟؟؟

هل ساقول اه انه قضاء وقدر ؟؟؟

واذا لم تعر مقتنياتك سيصفونك بالبخيل
المشحاح
السوقاط
وغيرها من الاوصاف التي تحط من قيمة الشخص

ظاهرة تجعلنا نقع في االاحراج وتغضبني

المهم لن اطيل الحديث فافكاري لازالت مبعثرة

لكم الخط اخواني

مع اطيب السلام

اخوكم حسين thorpe

حسنات21 · 2012-02-24, 23:54

لا اعاني هذه المشكلة ربما لديك بعض الاصدقاء قريبون منك لهذا يطلبون منك ادواتك و ملابسك على العموم فكرة الاشياء قد اتقبلها " ليس جميعها" اما الملابس فلا

thorpe · 2012-02-25, 00:02

اقتباس:

المشاركة الأصلية كتبت بواسطة parma

لا اعاني هذه المشكلة ربما لديك بعض الاصدقاء قريبون منك لهذا يطلبون منك ادواتك و ملابسك على العموم فكرة الاشياء قد اتقبلها " ليس جميعها" اما الملابس فلا

السلام عليكم
اهلا اخت parma

اختي كون نقولك انو اصدقائي المقربون لا يقترضون مني هذه الامور
ياو المصيبة انو عباد معرف او جيران ههم من يحرجك

بخصوص الملابس مرة اقرضت واحد سروال وتريكو رجعهملي ما عرفتهمش
قلتلو خليهم عندك

ههه
اما الاشياء الاخرى فانا لحد الساعة اتهرب احيانا بطرق ماشي ديامة
واحيانا المرء يضطر للكذب
ربي يغفر

حسنات21 · 2012-02-25, 00:09

لا يمكن ان اتخيل جارتي تطلب سروالي ا و ........اكيد سارفض من المرة الاولى , ستغضب و تنقل الخبر للجميع ولكن لا يهمني لاني لن اطلب منهم شيئا
اذا كنت قلقا من هذه العادة فارفض و لا يهمك امرهم ليس تعاليا او تكبرا و لكن هي اشياء شخصية و ليست جماعية كالكرسي اي واحد سجلس عليه

عُضو مُحترم · 2012-02-25, 00:21

شوف يا خويا الحسين

قبل عامين سلفت لواحد فلاش ديسك

فيه صُور و امور خاصة جدا

ضيّعو

ندمت

من يومها

الفلاش ديسك اللباس الهاتف و لاب توب

والله و نشوفك تموت قدامي ما نعطيلك ( ماشي انت يا الحو)

والو

تحب دراهم ......... اوكي

ما عنديش بالصح نسلف و نمدلك

ماشي مُشكل

امور شخصية والو

ما عنديش و إذا عندي ما مندش

احفظ الميم تحفظ يا الحو

تصبح على خير

السلام عليكم

الكـ الطيبة ـلمة · 2012-02-25, 00:32

لا أعير و لا أستعير أبدااااااااا بالنسبة للباس و الأمور الشخصية .

لكن في مواقف الحياة الأخرى عليك أن تضع نفسك مكان ذلك الشخص , و الدنيا أخذ وعطاء خصوصا في الضروريات

لا أتحدث على الــــ:أم بي ثري و ما جاوره

فأحيانا تحتاج إلى شيئ ما و الوقت أو المكان لا يتيحان لك الفرصة للحصول عليه لذا تلجأ إلى الإستعارة

و هذا ليس بعيب لكن مداومة الأمر هو المشين .

ثم إنها نعمة أن يسخرك الله لقضاء حوائج خلقه و يتكفل هو بقضاء حوائجك .

مصطفى قاسمي · 2012-02-25, 00:59

حتى عندكم هذه الأمور قلت راهي غير هنا دور

والله غير سماطة زايدة الوحد عاد يستحي

تصور يقلك ياك راني معروض باش تسلفني

كذا وكذا معناه هاني علمتك الافونس غير وجد روحك

والمصيبة يقلك اليوم ماكش هابط للملعب خليلي الحذاء

تلبس 40 يجبولك 45 طيشو والله غير صح يالحسين

omo mazen · 2012-02-25, 01:11

شكرا اخي علي هده الالتفاتة و خاصة بالنسبة للثياب امر فضيع و كم من مرض انتشر بهدا السبب و كم من احراج تلقيناه و خاصة في الاعراس حدث و لا حرج صدقني انا الان متوجدة في ديار الغربة و الكثير من لباس في الجزائر و بعض الاهل و الاصحاب لا يتفكرونني بالو مرة في العام و لكن ادا حلت عليهم مناسبة افيقوك في نص الليل بسبب استلاف اي شيء وكما لاحظت ان هدا الامر متواجد هنافي نيويرك كدلك فاين المفر

khaoula rouh · 2012-02-25, 02:27

السلام عليكم اخي حسين ارجو ان تكون بصحة وعافية
ههه موضوع على بالي وعلى خاطري انا هذا الصباح فقط تعرضت لمثل هذا الامر انا اكره كثيرا ان يستعمل احد مقتنايتي حتى اختي لا اسمح لها باستعمال احد اغراضي ليس لاني مشحاحة لكن هذا امر يغيضني لا اعرف لما انا بالنسبة لي لما اتعرض لمثل هذا الموقف اتصرف تصرفين لا ثالث لهما الاول ان ارفض واذا ماعجبوش الحال يخبط راسو للحيط وتصرف الثاني اني اعطيه الغرض اذا كنت مستعدة للتخلي عنه او اذا كان الانسان يستاهل وكي معارفي عرفوني بهذ العقلية نادرا مايطلب مني احد شيء تفاديا لاحراجه لان كلا التصرفين محرج له
بالنسبة للعباد انا مافهمتش منين جابو تقصدير هذا تاع الوجه حتى يحرجو ناس اذا كان 100 يقبلو كاين واحد يرفض
موضوع جميل ومتميز كعادتك انت ومواضيعك حسين ربي وفقك ان شاء الله والى اللقاء وعليك بسياسة مانمدش ولي ماعجبوش الحل ماكثر ربي غير لحيوط

imi02i · 2012-02-25, 07:13

السلام عليكم ورحمة الله وبركـاته

مش عيب أنو الإنسان اللي يجيبك يسّلف من عندك يكون محتاج حقيقـة

لكن العيب والخسارة أنكـ كي تسلفوا حاجـة ميرجعهالكش كما مديتهالو ولا ميرجعهالكش أصلا

كي يكون التسلاف من وقت لوقت عادي

بصح كي يعود كل يوم ينارفيني

ولازم تعرف التسلاف عقليـة dz

شكرا لكـ وباركـ الله فيك على الموضوع وعلى النصيحـة

جسور المحبة · 2012-02-25, 07:54

صراحة عن نفسي ناذرا وين نتسلف وغير من عائلتي المقربين
اما انني نسلف حوايجي على حساب الشخص وعلى حساب الظرف وفي كل الاحوال نسلف مرة و زوج التالثة خلاص نقولهم والز بصح بطريقة تانية وهي صح كاين ناس وجهها صحيح والله بش نتسلف الحاجة تلقاني نخمم و نحمار ونصفار ونعفس على قلبي بش نقولها والحق ما يردونيش ولما نديها نحافظ عليها
وكيما يقول لمثل انا نقولك سيدي وانت افهم روحك

محمد جديدي التبسي · 2012-02-25, 10:48

خويا حسين بارك الله فيك

انا أطبق مقولة احفظ الميم تحفظك في هذا الموضوع

وحقيقة ما عندي ما نسلف غير كتب ولا سيدي ولا كاش حاجة هكة

عييت نتفكر جامي سلفت ولا تسلفت سروال ولا قندورة ولا فلاش ديسك

خويا حسين صحابي قلال وراني نفضل العزلة ياسر لذلك قليل ما يقصدني واحد هههه

اذا جات في الدراهم وكانت عندي نورمال بالصح حاجة شخصية راني صريح وصحابي يعرفوني وحتى اللي ما يعرفنيش مليح راني نصارحو نورمال

الصراحة راحة أخي العزيز

ربي يحفظك

حنين الاشواق · 2012-02-25, 11:02

تقصدني ابنة عمتي كثيييرا في هاته الامووور..

عندما اكوون بحاال جيدة اتركها تاخذ ماتشاااء..لكن ان كنت العكس..فذاك يوم اسود عليهاا...

بااارك الله فيك ع الطرح الجمييييل..

thorpe · 2012-02-25, 14:21

اقتباس:

المشاركة الأصلية كتبت بواسطة parma

لا يمكن ان اتخيل جارتي تطلب سروالي ا و ........اكيد سارفض من المرة الاولى , ستغضب و تنقل الخبر للجميع ولكن لا يهمني لاني لن اطلب منهم شيئا
اذا كنت قلقا من هذه العادة فارفض و لا يهمك امرهم ليس تعاليا او تكبرا و لكن هي اشياء شخصية و ليست جماعية كالكرسي اي واحد سجلس عليه

السلام عليكم

اهلا بك مرة اخرى اختي بارما
طبعا اختي الرفض فيها فيها لكن قد يؤدي الى كلام اخر
يعني لو ان شخص اراد ان يعير شيئ مني يقول له الاول لالا ما تروحش راه ما يمدش راه مشحاح
يعني لا يكتفي بكلمة انني سارفض بل يزيد عليها كلمات اخرى
اهل مكة ادرى بشعابها
ونحن نعرف مجتمعنا احسن من اي شخص اخر
انا احبب حل جذري
يعني ما يجيك ما ترفض

جزيتم كل خير

thorpe · 2012-02-25, 14:24

اقتباس:

المشاركة الأصلية كتبت بواسطة *الفتى الصغير*

شوف يا خويا الحسين

قبل عامين سلفت لواحد فلاش ديسك

فيه صُور و امور خاصة جدا

ضيّعو

ندمت

من يومها

الفلاش ديسك اللباس الهاتف و لاب توب

والله و نشوفك تموت قدامي ما نعطيلك ( ماشي انت يا الحو)

والو

تحب دراهم ......... اوكي

ما عنديش بالصح نسلف و نمدلك

ماشي مُشكل

امور شخصية والو

ما عنديش و إذا عندي ما مندش

احفظ الميم تحفظ يا الحو

تصبح على خير

السلام عليكم

السلام عليكم

اهلا بالفتى الصغير (( الي يرد بالمزية وفوق القلب هههه )) نهبلك

لا حول ولا قوة الا بالله يعني فلاش ديسك ويتسلف
انا ايضا والله حدث معي نفس الامر
جاري جا يدي صور تاعو مني
عطيتهملو في فلاش ديسك
قالي كيفاش نديرلو
قتلو اذا عندك ميكرو كوبيهم
قالي ما عنديشقتلو عندك دي في دي
حطو وشوفهم فيه
قالي ايه عندي
من ذاك اليوم ما شفت الفلاش ديسك
ونهار قلتلو عليه قالي راحلي

اعتبرتها صدقة
بصح من ثم هههه قتلو توصي على الجاية

جوزيت كل خير

انا راني نسلف من عندك حاجة وحدة
خلي من بعد كي نكونو وحدنا نقولك هههههههه يا مشحاح