مشكلة استلام الاستدعاءات

[اسرار البحر]

السلام عليكم

اليوم اريد مناقشة امر معكم بات يقلقني

في الاعوام السابقة ركزولي على اعوام ! ...كنا نتلقى الاستدعاءات قبل 15 يوم او اكثر من اجراء الامتحان ...ولم نكن ننجح !!!

الاحظ انو ومع بداية العام الجديد الاستدعاءات تصل قبل يوم او يومين من المقابلة وانجح يا الناجح !!!! والله اكتب الموضوع لاني لم التحق ب 3 مسابقات لعدم استلامي الاستدعاء !!!!


فما الغرض من تأخير الاستدعاءات ؟
+

ارجو كل من قرأ موضوعي ان يضع جديد وصول الاستدعاءات اول بأول ...وجزاكم الله خيرا

شكرا لكم

[فرناس وهران]

حصل الامر معي هذا الاسبوع الماضي
لم يصل الاستدعاء و البارحة في المساء و صلني وصل البريد بان الملف قد استلم لدى الوزارة منذ 16 جانفي و كان اخر اجل حتى 23او 24 جانفي
اين الملقف و اين الاستدعاء
يا اخي وكيل اوقاف كان كاين منصب واحد و اظن ان المسألة كما قلت
تخرويد

[zouzou elgolia]

عندك الحق اخي نقولك انا سجلت في 3 مسابقات العام الماضي وركز على كلمة العام الماضي النتائج طلعت ومولا النصيب راه يكون قريب يترسم ولحد الان هذوك الاستدعاءات مزال ملحقونيش ههههههههههههههه
يعني لازم تكون دائما على اتصال بالمؤسسة التي اودعت بها ملفك وتذهب لاستلامه يدويا واذا تكلت عليه يلحق ياو كيما نقولو حنا صلا عليك الحوت ههههههه

ربي يكون في عونا ويصلح حال هذي البلاد
ربي يبلغ كل واحد مبتغاه الي فيه خير ليه

[اسرار البحر]

وتبقى الاشكالية قائمة !!!

+

منصب ولا عشرين ...كانو يرسلو الاستدعاء ...ويخلونا نشوفو وجهوهم الملائكية ...ولا بغا منربحش ونقول على روحي حابس ومنلومهمش ..

+

في انتظار جديد الاستدعاءات ...واخباره من الاعضاء الكرام ...فلنتعاون اخوتي

[حسين28]

اسرار البحر اسمع هذي مناع مديرية الموارد المائية بالمسيلة :

عيطولي بالتيليفون يوم الاربعاء نص نهار و قالولي ارواح ادي الاستدعاء و كوبا اعليا بلا ما يخليني نهدر

رحت للمديرية هزيت الاستدعاء : المسابقة على اساس الاختبار رغم انو الملف هو ملف مسابقة على اساس الشهار ( كشف النقاط و الخبرة و.....)

اما تاريخ المسابقة فهو يومي الجمعة و السبت يعد يوم واحد من استلام الاستدعاء

اما مكان المسايقة فهو بومرداس : مكتوب " على الساعة السابعة و النصف صباح

ارواح انت و اوصل لبومرداس على 7 و نص و زيد نهار الجمعة

افهم انت خويا ............... و بعد تفكر طويل و دراست جانب الوقت و الاقامة و المسافة و الامور المادية حيث اني محرق الف فرنك ما كانش قررت ما نروحش

[Bouhamed.DZ]

كارثة وصول الإستدعاءات قبل المسابقة بيوم أو إثنان ... و المصيبة وصول الإسدعاءات بعد تاريخ إجراء المسابقة

أنا صراتلي شحال من مرة

نوكل عليهم ربي .... سواءا القائمين على المسابقة أو عمال البريد .... المهم الطرف المسؤول نوكل عليه ربي

[فرناس وهران]

الحل الوحيد كما قال الاخوة
الاتصال الدائم بالادارة
و ذلك عن طريق
1- اخذ رقم هاتف المكلف بمسك الملفات (المكتب او الشخصي ان امكن) و الاتصال به مرة كل اسبوع مثلا يوم الثلاثاء لانه وسط الاسبوع
و هذا ما ساطبقه انا في المسابقات المقبلة.
2- عند حصول احد الاعضاء على استدعاء يقوم بوضعه في موضوع خاص بالاستدعاءات
3- الذهاب و الاياب على الادارة لكن المشكل عندما تكون الادارة بعيدة مثل العاصمة او ولاية اخرى مثلي.
4- حاول ان تاخذ رقم هاتف موزع البريد و خطرة عل خطرة اعرضه على وليمة باه مين يشوف استدعاء ايجيبه يجري
هاو كاين فيها قهوة و قاطو
ههههههههه

[اسرار البحر]

المشاركة الأصلية كتبت بواسطة حسين28

اسرار البحر اسمع هذي مناع مديرية الموارد المائية بالمسيلة :

عيطولي بالتيليفون يوم الاربعاء نص نهار و قالولي ارواح ادي الاستدعاء و كوبا اعليا بلا ما يخليني نهدر

بخل الادارات يتجسد هنا !!!

رحت للمديرية هزيت الاستدعاء : المسابقة على اساس الاختبار رغم انو الملف هو ملف مسابقة على اساس الشهار ( كشف النقاط و الخبرة و.....)

ماكانش الراي هاذي هي !!!

اما تاريخ المسابقة فهو يومي الجمعة و السبت يعد يوم واحد من استلام الاستدعاء

اما مكان المسايقة فهو بومرداس : مكتوب " على الساعة السابعة و النصف صباح

ارواح انت و اوصل لبومرداس على 7 و نص و زيد نهار الجمعة

حاسبينا دمى ...وين يحركونا نتحركو ...والوقت اللي يناسبهم ...!!!

افهم انت خويا ............... و بعد تفكر طويل و دراست جانب الوقت و الاقامة و المسافة و الامور المادية حيث اني محرق الف فرنك ما كانش قررت ما نروحش

الحال من بعضه ...وعملت مليح !!!
وربي يعوض صبرنا خير