اني ضائعة و محتارة مادا افعل.................

ambitieuse · 2012-02-24, 22:37

سلام احبائي لا اصدق ما حدت لي في الاونة الاخيرة تخيلو جاء لخطبتي شاب من ولاية بعيدة عن ولايتي و رايته رؤرية شرعية و اعجبت به و هو بادلني نفس الشعور و تفاهم مع عائلتي على شرط و تم برمجة فاتحة في شهر مارس المقبل و بقينا نتكلم في الهاتف الا انه في الاونة الاخيرة قد تغير كتيرا و اصبح يطلب اشياء داخلة في خصوصيات متلا قالي بعتيلي صور لك وانت لابسة ملابس داخلية فرفضت فلم يعد يكلمني و اصبحت اجده و اصبح يتكلم ساعات و ساعات في الليل و عندما كلمته قالي اتكلم مع صاحبي و مانكدبش عليكم كل ليلة نبكي و من بعد قطع و ماعادش يكلمني في الهاتف و قالي ابعتلي صولر نكلمك و لا مابعتيش الله يسهل و قالي انا اللي نتقلش عليك و اصبح يتلفظ بكلمات غير لائقو و غير محترمة و بقيت ايام نحلول رجعها للصواب و قلتله ربي مايرضاش علينا و مازال من نولي مرتك على سنة الله و رسوله فلم يعجبه كلامي الدي بعته في الرسائل و اللي زاد كمل عليا انه دخل موقع من اجل الزواج اللي صحبتي فيه مسجلة و من سوء حظه ابعت رسالة صحبتي و صباح في الخدمة قاتلي تعرفت على شاب انا شفت رقم الهاتف لقيته هو نفسو تاع خطيبي قتلها كلميه قدامي فكلمها و قالها انه كان خاطب و بطل و بقي يحكي عليا و قالها ان السبب في عدم التفاهم هو اللباسها غير محترم (انا متحجبة)و قالها كدبت عليا و تشك بزاف مانكدبش عليكم كي سمعت كل هده الاكاديب انهرت في الحين و لم اتوقف عن البكاء .بالرغم انا عائلتي سهلت عليه في كلش و هو جا خطب حتى واحد ما غصبه ولحد الساعة اهلي ماغلابلهومش حاسبينا رانا متفاهمين و مالقيت واش نقولهم و هو لحد الساعة ما بين والو .و الله راني منهارة و مالقيت ماندير خاصة انه خلاني حتى بغيتها واش ندير ريو عليا هل انا على صواب ام لا

faty05 · 2012-02-24, 22:48

اسمحيلي نقولك بصح خطيبك تمادى بطلبو هذا ........ و زاد يكلم اخرى فيك
خبري والديك ....... هوما يفروهالك
و نقولك حاجة راه بان على حقيقتو ,,,,,,, يحب يتبع شهوته ,,,و يتلفظ بالفاظ غير محترمة امام زوجته المستقبليه ,,,,,,,, ....... لوكان جا صح بعقلو يفتخر بيك و بحفاظك على نفسك و تحميه من الفتن حتى تولي مرتو في لحلال,,,,,,, اظن راكي فهمتي .. هذا مش قد عفافك يا اختي
يا أختي ربي يفرج عليك و يهنيك
يا رب فرج عليها همومها

اميرة زندل · 2012-02-24, 22:50

لاخير في شاب مثل هذا ....... اخبري امك......... عوضك الله اصلح وأبرك منه

z.abdo · 2012-02-24, 22:50

لا حول ولا قوة إلا بالله لو كان هذا الشاب يخاف الله لما طلب منك هذا و احمدي الله أنه كشفه على حقيقته وانصحك كاخت لي ان تنسيه و يجب أن تقولي لأهلك أنكم تخالفتم في الآراء وكل واحد يروح لطريقو لكن لا تحزني على شيء لأنك لم تفعلي أي شيء حرام بالعكس هكذا باش يتعلم أنه كان بتعامل مع وحدة بنت فاميلا مش أي واحد يتلاعب بمشاعرها
وهو الآن يظن أنه انتصر عليك وقد ملك قلبك انا انصحك ان تنسيه لأني أخك لك تنصحك ان تنسيه وتغيري رقم هاتفك للأبد
وانا اعرف عقلية هذا النوع من الرجال والله غير يلعب بيك ولا تحزني على اي شيء بالعكس احمدي ربي كشفه على حقيقته

*جوداء* · 2012-02-24, 22:51

نقلك شيء واحد فقط ..هذا مش شهم ومش رجل هو ذكر فقط فان كنتي تبحثي عن رجل فادعي الله ان يرزقك به واقطعي انت صلتك به فهذا خير لك وربي يسهلك اختي

z.abdo · 2012-02-24, 22:59

والله حتى ولو كنت عاقد عقد شرعي استحي ان اطلب هذا الطلب
لا تحيري ولا تظيعي اختي انسيه كيما نصحتك وغيري رقمن هاتفك

ambitieuse · 2012-02-24, 23:19

شكرا لكم اخوتي و الله حاولت مرار ان ارجعه الى الطريق الصواب و لكن كل مرة يبعت لي رسالة في الهاتف بلكلمات غير لائقة و يقولي انت تعرفي دوائي ما هو و يجب ان تديريلي واش نحوس باش نرضى عليك و نسمحلك و وصلت به انه طلب مني تلك الصور و انا اتناء العمل و قلت له هنا فاض الكاس و لن استحمل اكتر من هدا انا لم سهلت عليك في كل شيء و الان تطلب مني هده الاشياء التي تغضب الله و قلت له عندما اتيت لخطبتي اتيت بكتاب الله و مصلية و لهدا الغرض قبلت بك و تكلمنا في عدة امور و اعجبت بعقليتك و الان اكتشف شخصا اخر ليس اللدي اعرفه و قلت له لا طاعة لمخلوق في معصية الخالق و قلت له كيفاش حبيتني نحي ملابسي و نصور روحي ليك و انت جئت حاما كتاب الله فقال لي بسخرية مني كبرتيلي الكلام و بفضلك سوف اعيد دخولي للاسلام حت افرق بين الحلال و الحرام و انك انت تعرفي واش يخرج عليك و انا نعرف واش يخرج عليا و كان جيت نحوس على هدو صوالح راه كاين النت و لكن حابك انت والسلام ختام و من دالك الحين انا لم ابعت له اي شيء و هو كدلك راه عنها يومين و راني نخمم كيفاش نقولهم في الدار و عندما تكلم دلك اليوم مع صديقتي قال لها انا عندي دراهم عندي سكنة و عندي السيارة و انا اللي نتقلش مشي هيا و تتمناني اي امراة لو كان غير نتكلم الف مرة تجي عندي .حسبيا الله ونعم الوكيل و الله بقيت امام هدا الوضع جامدة مخي حبس مع العلم كون يحب غدوة يدير العرس و كي قلتله قالي حيني اليوم و كتلني غدوة

عبدالرحيم75 · 2012-02-24, 23:40

الحمار اعطاوه الورد يشــموا ،كــلاه -أحمد ربي كي بان على حقيقتوا قبل كل شئ ،أنت لي رضاوا عليك والديك ،واحد كيما هذا خسارتوا خير من ربحتوا ،بقايا الرجال وأشباه الذكور وحثالى المجتمع ،ورعاع القوم ،هؤلاء من خسرهم فقد ربح الدنيا والأخرة

ambitieuse · 2012-02-24, 23:54

و الله بقيت حائرة مخسرت معاه في والو نيتي اني اكون نعم الزوجة و نرضيه من كل النواحي و لكن في الحلال مشي في الحرام مع العلم اني مقبولة من كل النواحي سواء الشكل او درجة العلم و حتى العمل و اسرتي داروه كيما وليدهم و مخالاوه يحس بوالو حت انه مرة قالي انا منستهالش كل هدا

z.abdo · 2012-02-25, 00:02

اختي لازم تقتنعي بدلي رقم الهاتف دون ان تشرحي اي شيء خلاص انتهى الامر وكل شيء انكشف

achwak.1993 · 2012-02-25, 00:10

ما تحتاري ما تضيعي راهو بان على حقيقتو انتهى الأمر

ambitieuse · 2012-02-25, 00:11

عندك الحق و لكن مادا اقول للدار هل اقول لهم السبب الحقيقي ام اصمت و امكتها في صدري

achwak.1993 · 2012-02-25, 00:19

إذا كان أهلك متفتحين قوليلهم بلي راني تأكدت من خلال عقليتو بأنه ماشي الشخص المناسب وهوما يحترمو قرارك
أما إذا كانو شوية مزيرين فالعقلية قوليلهم السبب نورمال راهو حابني نتصورلو عريانة بالعكس هذاك وين هوما يزيدو يحتقروه
راني متأكدة بلي الموقف راهو صعيب بصح صدقيني حتى اللي ماشي خاطب ما يطلبش حاجة كيما هاذي فما بالك واحد ناوي الحلال بان على حقيقتو بلي كذاب وحاب يديرلك المشاكل و ممبعد يفسخ الخطبة على أساس راه جاب هاذي الصور من عند شخص آخر

باهي جمال · 2012-02-25, 00:20

اهنيك على صبرك وعفتك ونسال الله ان يعوضك خيرا

ambitieuse · 2012-02-25, 00:24

اقتباس:

المشاركة الأصلية كتبت بواسطة باهي جمال

اهنيك على صبرك وعفتك ونسال الله ان يعوضك خيرا

إن شاء الله يا اخي