افيدوني الله يرضى عليكم

مشكلتي · 2012-03-03, 18:49

السلام عليكم ورحمة الله وبركاته
بداية اتقدم بالشكر لكامل الاعضاء الاعزاء على نصحهم وافادتهم لي في بعض المشاكل
حاليا اعاني من مشكلة قلبت حالي وليت موسوسة جدا من روحي
انا فتاة اشتغل بشركة لكن وجدت صعوبة في التاقلم مع زميلاتي فهن ثرثارات وكل دقيقة بحكاية جديدة وامور حتى اجدها تافهة وانا طبعي من النوع الصامت لا اتحدث كثيرا وخاصة اذا كان ميزاجي متعكر نسكت على طول وهذا ممكن جعلني عند زميلاتي مملة نوعا ما واكثر من مرة يلمحن لي بذلك الله غالب انا هاك واصلا انا بعائلة ليست بها علاقات وانا وحيدة بالمنزل ما عندنا لا الداخل ولا الخارج يرحم والديكم منين رح نجيب الاخبار ....................
صراحة اضطربت نوعا ما
افيدوني الله يرضى عليكم

○•ميسون•○ · 2012-03-03, 19:26

ربي يعاونك

bobi05 · 2012-03-03, 19:36

الندم على السكوت خير من الندم على الكلام

sissi123 · 2012-03-03, 19:39

هادي هي الحاجة لي تكره فالخدمة بصح احمدي ربي راكي مع بنات فالمكتب و ماشي رجال كان أسوأ

افضل حل انك تشري كتاب يعجبك و تديه معاك و تلهاي بيه ، وقوليلهم انك مهووسة بالمطالعة فالأول يهدروا عليك

بصح من بعد يوالفوك خيرلك من تكسار الراس هوما هادرين هادرين

/زهرة عصفور الجنة/ · 2012-03-03, 19:42

اختي اعملي على ما ينص عليه هدا الحدبث عن أبي هريرة -رضي الله عنه- قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه رواه البخاري ومسلم.

محمد...عبد النور · 2012-03-03, 19:59

بارك الله فيك على الدعاء
ماعليش اصبري قليلا و حاولي البحث عن صديقة تشبهك ممكن راهي حذاك و ما تعرفيهاش
فقط يمكنك في بعض الأحيان الكلام لكن كما يقال الشخض يسمع أكثر مما يتكلم
أرجو ان لا يشغل هذا الأمر حيزا كبيرا من تفكيرك
ربي يوفقك و يرزقك ما تتمناي
ســـــــــــــــــــــــــــــــــــلام

اسماء 28 · 2012-03-03, 20:10

عادي اختي ليست بالمشكلة الكبيرة
الانسان يجب ان يثق بنفسه ومهما كان احسن لك من تقطاع الناس وعداد الذنوب ماشي
ليس شرط انهم على حق
ممكن انتي تتميزي بصفات احسن منهم في امور اخرى المهم حاولي تكتشفيها
اي ركزي على نقاط قوتك وقويها
انصحك بالمطالعة فهي مفيدة على الاقل تفيديهم بمعلومات وايضا مطالعة الجرائد فهي مليئة بالاخبار
اتمنى لك التوفيق بحياتك اختي

faty05 · 2012-03-03, 23:46

ابقاي كيما راكي
راكي مليحة :°

بلال الرومنسي · 2012-03-04, 01:36

ههههههههههههههههههههههه انتي مثلي في المنزل لاداخل ولاخارج هواحد مايجي ههههههههههههههههههههههه لكن انا اتكلم عن اي شئ ولو سياسة والاخبار
اعملي مثلي كلميلهم على السياسة والاخبار حتى يقلقو منك هههههههههههههههههههههه

lilou f lilou a · 2012-03-04, 08:14

الندم على السكوت خير من الندم على الكلام

adlan18 · 2012-03-04, 11:22

راكي تقولي بلي راهم يجيبوا حكايات جايحين من الأحسن تكملي كيما راكي خير من أنك تهبطي لمستواهم

السيدة كرمين · 2012-03-04, 11:32

أرجوا أن يفيدك ردي على هذا الموضوع

https://www.djelfa.info/vb/showthread.php?t=872113

وكما قيل سابقا الندم على السكوت خير من الندم على الكلام

السيدة كرمين · 2012-03-04, 11:33

أرجوا أن يفيدك ردي على هذا الموضوع

https://www.djelfa.info/vb/showthread.php?t=872113

وكما قيل سابقا الندم على السكوت خير من الندم على الكلام

دادي84 · 2012-03-04, 15:28

هههههههههههههههه الى الاخت السائلة ضحكتيني كي قلتي منين راح نجيب الاخبار .... للاسف المجتمع نتاعنا هاكا داير...يلزم تتعلمي تمنشري و تقرعجي باش تلقاي مواضيع تحكي فيهم مع الثرثارات اللي راهم يخدموا معاك والا نوصيك قعدي كيما راكي خير ...تبعي الاخبار و مهند و جماعتو وقراي الجرائد و خرجي مين ذاك للتسوق هاكا راح تلقاي مواضيع للحديث .....بالتوفيق

janino · 2012-03-04, 17:49

اذا كان الكلام من فضة فالسكوت من ذهب و من كثر كلامه كثر غلطه و خطاه لا تكترثى لهم و تابعى عملك