أعاني من الصمت مع زوجي !!!!

مشكلتي · 2012-02-16, 20:51

انا زوجة ماكثة في البيت بناءا على طلب زوجي منى ان اتوقف عن العمل ومنذ ان توقفت عن العمل بدات اشعر اني عاجزة عن خلق مواضيع للحديث فيها مع زوجي لان معظم وقتي اقضيه في الاعمال المنزلية ولاجديد في ايامي اتحدث فيه مع زوجي.فلاادري كيف اجدد حياتي حتى اخلق مواضيع اتحدث فيها مع زوجي بعيدا عن البيت ومشاكله وخصوصا انه ليس لدينا اولاد بعد يملؤون حياتنا
فساعدوني كيف لي ان اجعل من حياتي مختلفة وانا ماكثة في البيت

- بصمة خير - · 2012-02-16, 21:08

حتى و لو حبستي العمل -> ماشي يعني نهاية الحياة

لازم يكون عندك هدف تخدمي عليه

زعمة اذا كنت تخدمي رايحة تنقاي واش تحكي معاه -> رايحة تحكي على واش صرا في العمل تاعك -هذا واش راكي تحوسي ؟؟؟-

المهم

هذاك النهار كنت نقرا كيفاه نفتحو حوار مع الناس عموما -اكيد تقدري طبقيها في حياتك-

ماتسقسيهش اسئلة تكون الاجابة تاعها نعم او لا

سقسيه اسئلة تكون الاجابة تاعها تدي الى اسئلة اخري

تاني اتفرجي النشرة -> و تناقشو في الاخبار

...

المهم اذا نقيت الرابط راني نجيبولك ان شاء الله -> و لكن بالانجليزية

ربي يوفق و صلوا على الرسول افضل الصلاة و السلام

~~س.مراد~~ · 2012-02-16, 21:09

مرة قولي له عيناك جميلتان.............وهو سيضحك بغرور وسيقول لك أنا أشبه أمي وأبي................وتستمر الحكاية ثلاثة أيام..............

ومرة قولي له أنظر ذلك المثثل أو الداعية ماذا يقول في التلفزيون....................وناقشي ما يقول....................

ومرة قولي له لماذا أنتشر القرلو في المنزل...........................

ومرة قولي له..............ماذا تريد أن نسمي الأطفال......................

ومرة منشري في الجيران.............................

ومرة.............................

الخلاصة كوني صبيانية فقط............

وكما يقال هبطي النيفو يطلع المورال..............

- بصمة خير - · 2012-02-16, 21:15

اقتباس:

المشاركة الأصلية كتبت بواسطة س.مراد

مرة قولي له عيناك جميلتان.............وهو سيضحك بغرور وسيقول لك أنا أشبه أمي وأبي................وتستمر الحكاية ثلاثة أيام..............

ومرة قولي له أنظر ذلك المثثل أو الداعية ماذا يقول في التلفزيون....................وناقشي ما يقول....................

ومرة قولي له لماذا أنتشر القرلو في المنزل...........................

ومرة قولي له..............ماذا تريد أن نسمي الأطفال......................

ومرة منشري في الجيران.............................

ومرة.............................

الخلاصة كوني صبيانية فقط............

وكما يقال هبطي النيفو يطلع المورال..............

صبيانية نعم و لكن ليس دائما

يعني باش يضحكو برك

ربي يوفق و صلوا على الرسول افضل الصلاة و السلام

prettywoman · 2012-02-16, 21:41

يا أختي ما دام عندك الأنترنت تقدري تهدري معاه في ألف موضوع في اليوم وعندك التلفزيون يعني تكلموا عن أخبار العالم في السياسة في الطب في التكنولوجية في ألدين كاين مليون موضوع مثلا أنا كل ما نقرا حاجة في الأنترنت كي يجي زوجي نتناقشوا فيها مثلا عن سنن الرسول ص كاين حوايج أنا ما نعرفهمش كي نقراهم نقولو أيقولي هذا حديث ضعيف هذا هكذا ودواليك هدرة جيب هدرة نتكلم على الصغر على المعيشة على المستقبل حتى أنا ما عنديش أطفال ولكن كاين بزاف حوايج نهدر فيهم مرات نكت الغاز.........أنا لكان نصيب قاع ما نسكتش هههه بصح هو يجي عيان يحب يرقد ربي يوفقك أختي

hamzagolf6 · 2012-02-16, 21:50

احكي على الاخبار على الطقس احيو المواقف الطريفة لي جراتلكم بكري
احكيو على صغركم

kamel76 · 2012-02-16, 21:53

* خصصي و قتا لمناقشة مواضيع دينية أو اجتماعية أو سياسية .
*الخروج في رحلات قصيرة أو التسوق لتغيير الجو .
*اجتهدي في إعداد وجبة عشاء أو غذاء أوحلويات جديدة عليه و ستكون موضوعا طويلا للمناقشة لربما لعدة أيام .
بادري أنت و لا تنتظري منه أن يبادر
أسأل الله لكما حياة سعيدة

نورسان2014 · 2012-02-16, 22:01

مرحـــــــبا عزيزتي

الله يهنــــيك مع زوجك

كيما قالولك خاوتي لي قبلي حاولي تهدري معاه في حوايج عشتوها من قبل وحاولي انك تشغلي نفسك باي حاجة مثلا بالكوزينة ولا خياطة حتى ولوكان حاجات بسيطة... اطلبي منو تخرجو تبدلو الجو...

والله ماعرفت واش نقولك لاني مانيش مزوجة...المهم ربي يسعدك معاه ويرزقكم الذرية الصالحة وتتبدل حياتكم

ZAHIRZ · 2012-02-17, 13:35

احكي معه عن اموره ومشاغله عن يومه في الععمل وكيف كان وحاوريه وتقاسم معه افكارك

عُضو مُحترم · 2012-02-17, 14:31

اول شيء يجب ان تقتنعي بان توقفك عن العمل ليس هُو سبب الصمت

بعدها ساهل يُمكنك ان تجدي مواضيع عديدة للحديث فيها

=======
اشغلي نفسك بحرفة في البيت مثل الخياطة او صنع الحلويات او الطرز

ميمنة الجزائر · 2012-02-17, 14:36

انصحك انك تديري كيفو يعني كي تعودي وحدك اخدمي كلشي وكي تشوفيه اقعدي في الانترنت وطنشيه

مرة زوج اثنين ثلاثة يترتق ويحب يفهم ومن هذه الطريقة سوف يخلق جو بينكما يعني لازم تبعدي باه تقربيه

نظرية كل مممنوع مرغوب فيه وراني اعتمتها حاليا مع انو راني عندي الله يبارك وليد بصح توجور فيه سكون بالبيت

ومشاهدته الكرة او الماتش قلقني لهذا اعتمدت هذه الطريقة وان شاء الله تصلح بصح لازم تشوفي يعني طلي ساعة على ساعة ههههههههه

أم معاذ أم معاذ · 2012-02-17, 20:09

اقتباس:

انصحك انك تديري كيفو يعني كي تعودي وحدك اخدمي كلشي وكي تشوفيه اقعدي في الانترنت وطنشيه

مرة زوج اثنين ثلاثة يترتق ويحب يفهم ومن هذه الطريقة سوف يخلق جو بينكما يعني لازم تبعدي باه تقربيه

نظرية كل مممنوع مرغوب فيه وراني اعتمتها حاليا مع انو راني عندي الله يبارك وليد بصح توجور فيه سكون بالبيت

ومشاهدته الكرة او الماتش قلقني لهذا اعتمدت هذه الطريقة وان شاء الله تصلح بصح لازم تشوفي يعني طلي ساعة على ساعة ههههههههه

[

كنت راح نجاوبك هكا
أختي صح اللي قاعدة في الدار ما عندهاش حتى جديد
على ديكا ما عندها ما تحكي
كنت نعاني من نفس مشكلتة
بصح لقيت الحل على ما أظن
أني نهتم بأمور أخرى غير زوجي

نشغل نفسي بأمور أنا نحب نديرها

درك هو اللي يشكي إني ما نحكيش معاه ولا يفتعل النقاش بيناتنا ههههههههههههههههههههههه

karimblida · 2012-02-17, 20:26

اقتباس:

المشاركة الأصلية كتبت بواسطة Reimas

مرحـــــــبا عزيزتي

الله يهنــــيك مع زوجك

كيما قالولك خاوتي لي قبلي حاولي تهدري معاه في حوايج عشتوها من قبل وحاولي انك تشغلي نفسك باي حاجة مثلا بالكوزينة ولا خياطة حتى ولوكان حاجات بسيطة... اطلبي منو تخرجو تبدلو الجو...

والله ماعرفت واش نقولك لاني مانيش مزوجة...المهم ربي يسعدك معاه ويرزقكم الذرية الصالحة وتتبدل حياتكم

.....................................

~~nilly~~ · 2012-02-17, 20:36

سلام عليكم
اختي انت تعيشين بروتين اليومي
ولكي لا تقضين عن هذا الملل الذي يتسلل الى قلبك لازم تتخلصي اولا عن الروتين الذي ملء قلبك وبيتكي
زوجك لا يرغب ان تعملي وانتي هل كنتي تريدن ان تتركين عملكي ام انكي لا تريدين ان تخالفين اوامر زوجكي ؟ المهم الان قد تركتي عملكي وانتهى الامر . لكن هذا ليس معناه انك تحبسين نفسكي ووقتكي وعمركي في البيت 24/24 ساعة , لا اعرف كيف سوف تتحملين ؟ حبيبتي انتي لازم تعملي اشياء مفيدة بحياتك وتحسسيك انك صح عايشة بدنيا وتنعمين بخيراتها ,
اولا عليكي بالمطالعة تثقفين فيها نفسك فرجل يحب المراءة الذكية والمثقفة.
ثانيا عليكي بتسجيل نفسكي في نادي رياضي الاقرب الى بيتكي حتى تتحصلين على قوام رشيق وصحة جيدة ( العقل في الجسم السليم) وايضا تكسبين اصدقاء جدد.
وايضا لازم تخرجين مع زوجك مثلا لتناول العشاء في المطعم او ذهاب لسينما او التنزه او سهر باي مكن وكذلك يمكنكي ان تخلقي جوا رومنسيا مع زوجكي من حين الى اخر . و شراء هدايا سواء بالمنسابات او غير منسابات مثل قول رسول الله صلى الله عليه وسلم ( تهادوا تحابوا ) صديقيني لو تعملين بمثل هذه الخطوات فان زوجك سوف يحبك اكثر ويهتم بك ويتلهف الى الوصول الى البيت .
وفقك الله.

عُضو مُحترم · 2012-02-17, 20:50

اقتباس:

المشاركة الأصلية كتبت بواسطة nilly

سلام عليكم
اختي انت تعيشين بروتين اليومي
ولكي لا تقضين عن هذا الملل الذي يتسلل الى قلبك لازم تتخلصي اولا عن الروتين الذي ملء قلبك وبيتكي
زوجك لا يرغب ان تعملي وانتي هل كنتي تريدن ان تتركين عملكي ام انكي لا تريدين ان تخالفين اوامر زوجكي ؟ المهم الان قد تركتي عملكي وانتهى الامر . لكن هذا ليس معناه انك تحبسين نفسكي ووقتكي وعمركي في البيت 24/24 ساعة , لا اعرف كيف سوف تتحملين ؟ حبيبتي انتي لازم تعملي اشياء مفيدة بحياتك وتحسسيك انك صح عايشة بدنيا وتنعمين بخيراتها ,
اولا عليكي بالمطالعة تثقفين فيها نفسك فرجل يحب المراءة الذكية والمثقفة.
ثانيا عليكي بتسجيل نفسكي في نادي رياضي الاقرب الى بيتكي حتى تتحصلين على قوام رشيق وصحة جيدة ( العقل في الجسم السليم) وايضا تكسبين اصدقاء جدد.
وايضا لازم تخرجين مع زوجك مثلا لتناول العشاء في المطعم او ذهاب لسينما او التنزه او سهر باي مكن وكذلك يمكنكي ان تخلقي جوا رومنسيا مع زوجكي من حين الى اخر . و شراء هدايا سواء بالمنسابات او غير منسابات مثل قول رسول الله صلى الله عليه وسلم ( تهادوا تحابوا ) صديقيني لو تعملين بمثل هذه الخطوات فان زوجك سوف يحبك اكثر ويهتم بك ويتلهف الى الوصول الى البيت .
وفقك الله.

نادي رياضي عشاء سينما قوام رشيق؟؟؟

رومانسية؟؟؟؟؟

الاخت جزايرية صح؟