قضية جد حساسة ارجو الدخول,,,ان سئلت عن فتاة تعرفها ؟؟ هل هي بنت حلال ام لا؟؟

thorpe · 2010-09-13, 17:33

بسم الله الرحمان الرحيم

:mh9 2:
السلام عليكم ورحمة الله تعالى وبركاته

اليوم اخوتي حبيت نطرح قضية ممكن تصرانا كامل وهي قضية جد حساسة وموقف جد صعب

كما نعرف هاته الايام صار ايجاد بنت الحلال من المور الشبه مستحيلة ونفس الشيء لابن الحلال وهذا ناتج عن ظاهرة التفتح وكثير من الامور التي ارادها اعداء الاسلام وقد نجحوا في ذالك
بلا ما نطول ندخل طول فالموضوع
فرضا وانت جالس امام البيت او في الجامعة او في المقهى تلقى شاب جاك وريح قدامك وطرح السلام وسالك
اخي حبيت تصارحني الله يخليك ؟
انت تجاوب تفضل
يقولك انا راني حبيت نخطب فلانة جارتك او زميلة دراسة لك من القدم او اخت صديقك او او او ....... المهم هو يعرف بلي انت تعرف الكثير عن هاته الفتاة التي يريد خطبتها
لكن الشيء المؤسف انك تعرف انها ماكانتش كيما حاب هو فرضا انت تعرف بلي خرجت مع كثير من الشباب و رايت منها اشياء كثيرة لا تريدها انت لزوجتك او لابنتك او لاختك ورايت انها لا تصلح لك انت كزوجة
فرضا يقولك اخي انا راني سقسيت عليها 2 او 3 اشخاص والثالث ارسلني عندك لانك درست معها لمدة لاباس بها او انك تسكن بالقرب من بيتها او او او او . المهم راكم عارفين
في رايكم تصارح الشاب وتقولو بلي البنت كانت تخرج مع الشباب وبهاذا رايح تتسبب في قطع المكتوب او نصيب البنت او كيما يقولوها تهرب العريس ؟
او انك تخبي عليها وتكذب عليه وتقولو ما شفت منها غير الخير وراهي بنت فاميليا ؟
او انك تدعي و تتظاهر انك لا تعرف عنها شيء وترسلو عند شخص اخر ؟
والله امر حساس جدا وكون تكذب تحس بالذنب وكون تصدق تحس بالذنب ماذا تفعل ؟
المشكل كون تكذب تخاف يدور الزمان ويكذبو عليك انت ايضا وكون تقول الصح تخاف تكون سبب في مشكل كبير سيرتو اذا مشات الهدرة
هههههههههه والله ما عرفت كيفاش نصيغ الموضوع المهم نتمنى الفكرة وصلت

اسف ان ارقتكم باسئلتي لكن خايف نطيح في نفس الموقف وما نلقاش جواب ولا نغلط
هههههههه راني قاري للزمان عقوبة ونوجد في الاجوبة من ضرك بمساعدتكم
مع اطيب السلام اخوكم حسين thorpe

عادل الجلفاوي · 2010-09-13, 17:39

الموضوع لعته صعبة لانها لهجة محلية كما يقال متدوالة
ولهذا حاول ان تكتب بلغة عربية ليست فصحي وانما بسيطة وبكلمة تصل وبسهولة
وبالاضافة الي كل هذا الموضوع يحتوي علي الجراة
بارك الله فيك اخي تقبل رموري

thorpe · 2010-09-13, 17:44

اقتباس:

المشاركة الأصلية كتبت بواسطة عادل الجلفاوي

الموضوع لعته صعبة لانها لهجة محلية كما يقال متدوالة
ولهذا حاول ان تكتب بلغة عربية ليست فصحي وانما بسيطة وبكلمة تصل وبسهولة
وبالاضافة الي كل هذا الموضوع يحتوي علي الجراة
بارك الله فيك اخي تقبل رموري

السلام عليكم
اسف اذا كانت لغة الموضوع صعبة ان شاء الله المرة القادمة نحاول نسهل قدر المستطاع

لم افهم اخي ماذا تعني بالموضوع يحتوي على الجراة ؟ هل تقصد انني اخطات في ادراجه او انه يستلزم الجراة للرد عليه ؟
بارك الله فيك على التعقيب وصح عيدك

alkhansaae · 2010-09-13, 17:58

السلام عليكم
انا نظن انو ما لازمش تقطع بنصيبها لانو كامل الناس تغلط والبنات في صغرهم خاصة مراهقتهم تكون صعيبة
وهي اول ما تتزوج وتدخل فالجد تعدل روحها وتفطن ونظن انت متقطعش نصيبها خير اصلا هو من بعد يقرر وحدو بحكم فترة الخطوبة وملاحظته لها
تقبل مروري

thorpe · 2010-09-13, 18:03

اقتباس:

المشاركة الأصلية كتبت بواسطة alkhansaae

السلام عليكم
انا نظن انو ما لازمش تقطع بنصيبها لانو كامل الناس تغلط والبنات في صغرهم خاصة مراهقتهم تكون صعيبة
وهي اول ما تتزوج وتدخل فالجد تعدل روحها وتفطن ونظن انت متقطعش نصيبها خير اصلا هو من بعد يقرر وحدو بحكم فترة الخطوبة وملاحظته لها
تقبل مروري

وعليكم السلام والاكرام
على حسب ما فهمت من ردك اختي اني فرضا لو وقعت في نفس ها الموقف ما نقولش واش نعرف ؟ا
لكن اشعر ساشعر بالنذب اتجاه ربي ونفسي و ربي
هل ترين ان اتظاهر بعدم المعرفة احسن ؟
على كل حال جازاك الله كل خير اختي وشكرا لابداء رايك ا وبارك الله فيك

سامي-الشاوي · 2010-09-13, 18:28

انا في رايي نقولو الحق وربي يسهل عليها لوكان بغات نصيبها وولد حلال صح راهي ماديرش المفاسدج في صغرها ونعتبروا عتاب وتقدر تقول عقاب غلى افعالها

thorpe · 2010-09-13, 18:37

اقتباس:

المشاركة الأصلية كتبت بواسطة سامي-الشاوي

انا في رايي نقولو الحق وربي يسهل عليها لوكان بغات نصيبها وولد حلال صح راهي ماديرش المفاسدج في صغرها ونعتبروا عتاب وتقدر تقول عقاب غلى افعالها

لكن هنا تقدر تدير مشكل لنفسك وضميرك رايح يكون ماشي مرتاح وتحس وكانك وقفت في طريق سعادة البنت مع انها كانت صغيرة وبالاك ماكانتش وايعة وبانتلها هاذيك هي الدنيا
بصح ممكن عندك الحق باه تكون صافي مع ربي ومع نفسك وممكن كون تصدق القول مع الشاب يصقو القول معك انت ايضا نهار يجي تورك
علابالك والله تقول عليا راني فالموقف وما علاباليش واش ندير صح هههه
على كل حال الله يجازيك وبارك الله فيك

hindibtissam · 2010-09-13, 18:39

انا نعرف بزاف شيرات كانو يخرجو مع الاولاد لكن نهار تزوجو صار لباس عليهم

مجنونة بخيالي · 2010-09-13, 18:39

كيما تحب الخير لختك حب الخير لبنت الناس
لوكان تقولو الحق راح تتسبب في مكتوبها مسكينة وقادر هاد الطفلة كي تتزوج يهديها ربي ومكانش اللي ماغلطتش
انا في رايي تقولو اسمحلي انا مانعرف عليها والو احسن ماتكذب عليه تقولو بنت فاميليا ولا تقولو بللي كنت على علاقة معاها
احسن الامور اوسطها
اما الاخ سامي الشاوي خاف ربي واش هاد الهدرة
انت اللي راح تحاسب الطفلة

شكرا اخي ثورب مواضيعك دائما هادفة ولا يفهمها الا القليل

thorpe · 2010-09-13, 18:47

اقتباس:

المشاركة الأصلية كتبت بواسطة hindibtissam

انا نعرف بزاف شيرات كانو يخرجو مع الاولاد لكن نهار تزوجو صار لباس عليهم

المشكل ليس هنا يا اختي المشكل في ما سيحصل بعد ذالك كون يكتشف العريس ان ما قلته كان مجرد هراء واني لم اصارحه
المشكل كون انا فرضا نغطي ونستر ونها نحب نتزوج يكذبو عليا انا كذالك يعني المشكل انو الكذب حرام وكون تصدق القول المصيبة تكون كبيرة وضميري ما يرتاحش
بارك الله فيك وجازاك الله كل خير

زينــــب101 · 2010-09-13, 18:51

منقدرش نعطيك اجابة معنديش خبرة فهاد المجال كاش سؤال على ليكيب راني هنا

thorpe · 2010-09-13, 18:51

اقتباس:

المشاركة الأصلية كتبت بواسطة سيريناdz

كيما تحب الخير لختك حب الخير لبنت الناس
لوكان تقولو الحق راح تتسبب في مكتوبها مسكينة وقادر هاد الطفلة كي تتزوج يهديها ربي ومكانش اللي ماغلطتش
انا في رايي تقولو اسمحلي انا مانعرف عليها والو احسن ماتكذب عليه تقولو بنت فاميليا ولا تقولو بللي كنت على علاقة معاها
احسن الامور اوسطها
اما الاخ سامي الشاوي خاف ربي واش هاد الهدرة
انت اللي راح تحاسب الطفلة

شكرا اخي ثورب مواضيعك دائما هادفة ولا يفهمها الا القليل

جازاك الله كل خير اختي سيرينا ممكن كلامك صحيح ومليح من ناحية وهو انو كيما نرضى لاختي نرضى لبنت اخرى لكن بكل صراح انا ما نرضاش لنفسي يكذبو عليا وحتى ان وقعت في الموقف نفسو و قمت بما قلتيه وهو اني اتظاهر بعدم معرفة شيء هذا يعتبر كذب ايضا وكاني خليت الشاب يزيد يحير وممكن يروح عند شخص اخر يقولو الحقيقة او يكذب عليه مع اني كنت قادرنفصل فالامر
والله راسي تكودا هههههه ما لقيت كيفاش ندير
تذكير ماشي انا الي خرجت مع البنت قلت مثال انها كانت تخرج مع الشباب ههه ارجو المعذرة علابالي كوديتكم كامل وبارك الله فيك

نسائم الربيع · 2010-09-13, 18:52

[B]والله يا خاي حسين سؤالك محير بزاااااااااااااااف.....................في كلا الموقفين القرار صعب ...........................اذا قلت الحقيقة ستريح ضميرك لكن ستقع في مشكلة انك قطعت في نصيب الفتاة التي يمكن ان تكون اخطات في صغرها وسارت على دربه ام تابت وتوقفت فالعلم لله ...........واذا قلت العكس كذلك ستقع في مشكلة ارضاء غيرك لكن ستقع في تانيب الضمير !................فاتركها لمكتوب الله فاذا كانت من نصيبه فلا راد لمكتوب الله ...............واذا كانت ليست من نصيبه فالله اعلم لربما ياتيها نصيبها لشخص احسن منه ..............فكل منا ياخذ نصيبه ولا راد لقضاء الله .................فالناس ماهم الا اسباب جعلها الله في الارض لتسيير مصالح الانسان.........والقرار الاخير في يد الله ..........رغم اني معنديش خبرة ههههههههه لكن حبيت نشارك برايي ....تقبل مروري اخي حسين

thorpe · 2010-09-13, 18:55

اقتباس:

المشاركة الأصلية كتبت بواسطة زينــــب101

منقدرش نعطيك اجابة معنديش خبرة فهاد المجال كاش سؤال على ليكيب راني هنا

ههههه ماشي مشكل اختي زينب نهار نحب كاش ما نعرف على ليكيب راني نتصل بالحصة ديالك

الأمل الحقيقي · 2010-09-13, 18:59

أنا أقول هذه الفتاة التي فعلت ما فعلت وحين مجيء أحد ويريد أن يسألك عليها قل الحقيقة كاملة غير منقوصة

لا تأخذ الذنب يا أخي حرام وليد فاميليا يدي وحدة .................

وتذكر أخي جيدا أنه يوم القيامة هذه الفتاة التي كذبت من أجلها على الناس والله ستتبرأ منك في ذلك اليوم ولو كانت

تدين لك بحسنة فلن تتردد في أخذها في ذلك اليوم .

+ يوم القيامة سيأتي ذلك الشاب الذي صورت له الفتاة على أنها بنت فاميليا و يسالك أمام الله لما خدعتني ؟؟؟؟؟؟؟

ماذا ستقول: أشفقت عليها ............

.