ساقع في الرذيلة

[مشكلتي]

السلام عليكم...رجاء لا اريد تانيبا اريد حلولا فضميري يانبني جداااااا....
انا فتاة جامعية في بداية العشرينيات بنت عائلة محترمة جدا فتاة خجولة جدا متربية ومثقفة وجميلة الحمد لله ربي رزقني بزاف اشياء. مشكلتي الظروف العائلية القاسية جدا والفراغ العاطفي لي عايشاتو في عائلتي.....تعرفت منذ فترة على شاب احببته فعلا حب طاهر كنا ننوي الزواج
لكن الظروف التي تواجه اغلب الشباب واجهتنا ...هو تراجع لاسباب مادية بعد ان خطبني رسميا من اهلي...المشكلة انني لم استطع نسيانه..حاولت مرارا استسلمت للامر الواقع وانتظرت ان اخطب وقلت الاول لي يجي نتزوج بيه أي كانت ظروفو لانني والله يعلم بنت ناس بزاف محترمين وضميري يانبني جدا على تلك العلاقة العاطفية لي علبالي بلي مية بالمية خطا...استنيت نتخطب لا احد يخطبني رغم انني جميلة جدا وعندي ياسر ميزات والحمد لله..الكارثة الجديدة انني منذ فترة جدا قصيرة التقيت بشخص في الحافلة بدا يحكي معايا وقالي بلي ناوي لحلال وبلي عجبتوا بزااف ...اعطاني رقمو حكمتوا عليه خاطر حسيت بلي عجبتوا صح وناوي الزواج المهم هدر معايا قالي نشوفك ونحكو..ضعفت وحكيت معاه ولله ماشي باش ندير علاقة عاطفية علبالي صح انسان صادق ولانني فعلا ارغب في الزواج وتحصين نفسي نفسيا وجسديا لانو حاجة طبيعيية وغزيزة انسانية.حابة فعلا نصون نفسي لا اريد علاقات غرامية ...شافني المهم انني وجدت نفسي قد وقعت في مازق اكبر بكثير من الاول انسان زير نساء له الاف العلاقات مع الفتيات تعرض لعلاقة عاطفية فاشلة اصبح يرى المراة وسيلة جنسية كذلك طبيعة الوسط الذي يعيش فيه واهلوا و ظروفو كلها حرية فاقت الحدود وتحولت الى مجون عندوا كلش عادي عاقلية اوربية هو فعلا طيب وراجل بصح عاقلية اوربية مش كيما عاقلية اهلي ولا تمد للدين بصلة... لكنه لم يظهر لي كل ذلك بصح عرفت من طريقة هدرتو ومعاملتوا لانه فعلا اثر بي واستسلمت لبعض الاشياء...ومازال يتصل بي ويريد مني علاقة عاطفية كما يقول لكن الحقيقة يريد مني علاقة جسدية ...المشكلة انه ياثر علي وانا فعلا لدي الرغبة ليس في الحرام وانما اريد الزوج الصالح ....انصحوني وادعولي والله راني خايفة على عرضي وعلى نفسي خايفة نخطا خطا ندم عليه طول حياتي ...علبالي بلي خطا بصح مالقيتش الحلال احيانا استسلم للشيطان واقول كما يقول هو لي مجرد علاقة سطحية انفس بها عن غريزتي بلا ما نلحق المحال.يقلي بلي الحياة تجربة وماوعدنيش بالزواج كيما يقول هو خليها للوقت ممكن نتزوجو اذا تفاهمنا وتبقى الممكن الاخرى انني نخسر حياتي وانا لا ينقصني صدمات عاطفية ولا مشاكل فوق مشاكلي انا عندي غير الشرف وعلبالي بلي خطا وراه يكدب عليا بصح ضعفت وانا لم اكن يوما فاجرة او فاسقة انا انسانة متربية ةبنت فاميليا لكنني احتاج رجلا في حياتي...والله عييت بزاف بين ضميري وانسانيتي لانني عمري ما كنت هاك ولا توقعت نلحق لهاد الحال...

[ما وراء الطبيعة ؟؟؟؟]

لا حول ولا قوة إلا بالله

أرجوا إغلاق هذا الموضوع ..............

أنت تعرفين الحلال والحرام....................

وأنت حرة في إختيار مصيرك................

[عبد العزيز البدري]

يا ختي من كلامك اشعر كناك منومة مغناطيسيا اذا لازملك كف حتى تفطني
فقييييييييييييييييييييييييييييييييييييييييي من هاد الغفلة
الحل هو ان تنسي هاذ الشخص وتغيري شريخة الهاتف
الحل هو ان لا تفكري في مشكلة الزوااااااااااااااااااااااااااح بل هو التفكير في الحل
انسي الزواج تخلي ان خواء خلقت من دون ادم لا شئ اسمه زواج ومكتوبك راح يجيك يجيك من استعحل بشئ قبل اوانه عوقب بحرمانه
انت تفكري كل يوم في الزواج وعلاقة خص راح تتذهبي الى العلقات والحرام ونهاية ستكون الكارثة لا عقلات سطحية ولا عميقة
راخ يتطلخ بيتكم بالعار وينتهك شرفك وتموتي شر مية ولن يرحمك احد
يا ختي هاذا ذيب في صورة حمل وديع انصخك بقراءة قصة بعنوان شريد فديوحطم حياتي موجوة على النت
او محاضرة سليمان الجيلان قصة غريبة
المهم نهاية الطريق معروفة اذا لم تستدركي لامر
انسيه كل ما تذكرته اذكري الله اجعليه وسيلة لذكر الله ختى الشيطان ينسيك فيه طريقة مجربة

[أم لجيـن]

ربي يهديك يا اختي
ارجعي لعقلك متخمميش كيما هاك
علاه ملقيتيش الحلال
الفراغ الي تعاني منه امليه بطاعة ربي مش بحاجة عارفة روحك تندمي عليها
بما انك قلتي انصوني
اي نصيحة باش تتقالك من عند الاخوة والاخوات هنا راكي عارفتها
اخطيك من العلاقات (التافهة) الي متوصلك لوالو
من ترك شيئا لله عوض الله خيرا منه
خليها على ربي هو الي يدبر امورك
ربي يرزقك بالزوج الصالح عاجلا غير اجلا ياااااااااااااربي

[س.مراد]

سأنصحك نصيحة جدية

إذا كان هناك مستشفى للأمراض السرطانية

فأذهبي وأنظري الحالات هناك

والأطفال والشيوخ والشباب وحالتهم لعلك

تستيقظين من غفلتك

رغم أنني متأكد أن ضائعة لا محالة........

[nesrine_lidia]

اختي فكري في ربي ووالديك قبل ماديري حتى خطوة حطيهم بين عينيك وفكري في البنات لي تخدعوو في حياتهم.استغفري الله كل دقيقة.

[دكتورة بإذن الله]

قال صلى الله عليه وسلم: " إذا جاءكم من ترضون دينه وخلقه ,,,,,,,,,,,,,,, " رواه الترمذي وغيره.

و لم يقال من ترضونه من اجل الزواج و خلاااااااااااص !!!!!!!!

ــــــــــــــــــــــــــــــــ

صراحة اختي راكي مش نورمال؟؟؟

فاين العفاف و اين الشرف و اين الدين و اين و اين

كيف ستعيشين مع شخص لا يخاف الله ؟

فالرجل لا يختلي بمحارم الله و لا ينتهكها و لو بكلمة فمابالك بما تقولين ؟

و الزواج راه مكتوب سواءا تتزوجي في العشرين في الثلاين وووو

و من استعجل الشيء قبل اوانه عوقب بحرمانه

لذلك اخطيك منو يا اختي و اياكي و معصية الله

و لاحول و لاقوة الا بالله

[لكحل بلال]

حذاري

لانك لو وقعت في الرذيلة خلاص تنتهي حياتك تولي .......


انا امي على32 باه تزوجت الحمد لله.

مكان والو صبري يا اختي تمضي الايام فيساع.

صلي وادعي ربي سبحانوا.

واستغفري الله ووالله ستطيب لك الحياة استعني بالله لن يضيعك.

[ناصرالدين الجزائري]

كان الله في عونك أختي ...

أنت تسيرين بخطى ثابتة إلى الهاوية و أنت تعلمين ذلك .. و رغم أنك مثقفة و واعية إلا أن عليك أن تعترفي لنفسك أن شخصيتك ضعيفة و قد أثر عليك ذلك الشاب المحرف مع تحفضي لوصفك له بالرجولة ...
فهل ستقبلين أن تكوني مغامرة عابرة في حياة رجل منحرف ؟ ..
و أعلمي أختي أنك باستمرارك معه ستلطخين سمعتك و هو حتما سيرميك كما رمى بنات من قبلك ..
و إذا كان الله عز وجل يقبل توبة العبد فاعلمي أن الناس لا تقبل توبة البنت إذا فرطت في شرفها ...
كل ما يسعنا فعله هو الدعاء لك و لنا بالهداية ...

و كاما قال من قبلي .. الحلال بيّن و الحرام بيّن .. و طريق الحرام لن يوصلك الى الحلال

[- بصمة خير -]

https://www.youtube.com/watch?v=9ZoSs...eature=related

https://www.youtube.com/watch?v=-O-QxQkPI5E

ربي يهدينا و يهديك و يستر علينا و يسترك

حل الزواج -> الدعاء

ربي يوفق و صلوا على الرسول افضل الصلاة و السلام

[ميمنة الجزائر]

حبيبتي ما وقولك والو الا انو لازم تسمعي واش قالولك الرجال هنا وهم اعلم بجنسهم

وكاين بنات رآهم في الثلاثين وما تزوجوش بصح عفيين رواحهم لازواجهم فقط

واما هذا راهو حاب علاقة عابرة لا غير بدلي البيس نتاعك لانو لازم تخليه وما تعاوديش

تتلاقي بيه خلاص والي يحب يتزوج بيك راهو يجيك للدار وصومي فانه أهون للفرج

يعني اذا شفتي روحك الشيطان غلبك اتفكري والديك اللي رباوك واتفكري يوم تلقاي فيه ربي

وهذا النوع من الاشخاص ذئاب بشرية لا غير تحب غيرتاكل يعني تنهش لحم البنات

والراجل ما يقبلوا نو يمس زوجتو في الحرام يعني بعدي روحك منو لا تسري كلشي

عفتك شرفك وعمرك وشخصيتك وتنمي يوم لا ينفع فيه الندم استغفري ربي

وصلي وداعي ربي يهديك الى الطريق الصحيح وروحي للمسجد يوم الجمعة

راهتتفكري ربي تم وتحسي بواشرايحة تديري لعمرك وما تقوليليش اوفار انما هو هتك للاعراض

وأرجو انك تسمعي كلامنا لانو رانا اعلم بك بنفسك وهمي في والديك مساكن اللي رباوك باه يفرحو بيك ويتشرفو بيك قدام الناس

[faty05]

علابالك بلي راكي ماشية في الخطأ بصح راكي مصممة تكملي ؟؟؟؟؟؟؟
راني فهمتك بلي هذاك الانسان عداك و وليتي كيما هو حابة تشبعي رغباتك
بعد الغلطة لا ينفع الندم
ما تكونيش انانية اذا هانت عليك نفسك خممي في والديك و اهلك و واش راح تلحقيلهم من مشاكل
هذ الانسان ماش راح يتحم فيك لقاك ضعيفة و تبعي فيه كي العمياء اذن راح يستغلك للاخر
انجي بنفسك انجي بنفسك
ابتعدي عنه
و عودي الى الله
و ما احلاها من عودة و طمأنينة
الله يهدينا

[لينة نور]

السلام عليك اختي

اني احس بحالتك عزيزتي وعلمي انك لست الوحيدة التي تمر بهذا المشكل ومن هن من قد صقطت في الهاوية ,اما انت فاحمد الله من اعماق قلبي انك بخير الى حد ما .

عزيزتي اولا فكري في نفسك ...اليست عزيزة عليك نفسك ...ومن اكون انابالنسبة لك حتى اخاف عليك اكثر من خوفك على نفسك .قصدي

اخيتي انظري الى نفسك في المرآت وخاطبيها من خلال النظر الى وجهك ..قولي لها .قد مضى يوم ولدت فيه بعد تربعي في بطني امي

تسعة اشهر كم عانت امي وكم انتظرتني لترى ملامح وجهي ,ولما نزلت الى هذه الحيات احتظنتني وظمتني الى صدرها وارضعتني ,وجاء

ابي فرحا مستبشرا بقدومي و............توالت الايام وهما يخدما نني الى ان كبرت و ردا للجميل صاحبت الرجال و.........وخنت الامانة وخيبت

الضنون و.........


دعينا نتخيل النهاية لو اكملنا المشي في هذا الطريق ......ويوما ما خرجت مع هذا الذي اود الزواج به ويريد العب بي ......وووووو......وماجتمع

اثنين الا وكان الشيطان ثالثهما .....ووقع المحظور.......وعندها هرب الخبيث كان لم يكن يوما و......ترك في احشئك ابن الزنا .....ففكرت في

حل ما ....فوسوس لك الشيطان ....مامن حل الا الاجهاض ......وفعلت امرا ما ......ازهق روحك قبل روح الجنين .....وميتت كهذه تستدعي طبيب

التشريح الذي يبلغ اباك وامك المسكنان انك خنتهما .....والامر لم ينتهي بعد ....وذهبت الى ربك......فانظري عاقبة الزنا ,اين انت هنا ...؟؟؟


اسفة عزيزتي اردت ان اوضح لك نهاية اغلب كل من انتهجن نهجك .......ثم هل تعلمين ان الحب الحقيقي لا ياتي الا بعد الزواج ,صون نفسك ..



تريدين حلا الان .....بعد قرائتك لرسالتي ,لا تردي علي اذهبي مباشرتا اغتسلي والبسي ثيابا جميلة وخذي بيديك كتاب الله وافتحيه في سورة

الرحمن وانوي ركعتان تستنجدي بهما الله واطلبه يحفظك وكبري وبدئي في الصلاة وقرئي سورة الرحمن وعند السجود ابكي وتظرعي فلا


حافظ سواه ولا معين سواه ولارا حم سواه ...........لن يظيعك الله ....وتخيلي لو ان الحبيب المصطفى عليه الصلاة والسلام امامك الا تخجلين امن

اجل هذا تعب وحمل الرسالة واصحابه كي نخذله الان ....ان المسلمين من غير العرب في البلاد الاربية ينصرونه ونحن مذا نقول له الا نغار .

احفضي الله يحفظك اخيتي .....انت اختي انت عرضي لا تضيعي الامانة ولو بنظرة .

السلام عليكم ...الصبر مفتاح الجنة .

[هائم في البوادي]

واش نقول ؟

راني نقرا في الذنب والإقرار بالذنب والبحث عن الحلال !

ربي يتوب عليك وعلينا ويرزقك من الطيبات !

ماشي من عوايدي نحكي على أمور شخصية لكن أحسست بصدقك في البحث عن الحلال فقلت ربما إذا سمعت مني ستستفيقين.

أنا رجل ولست امرأة، وإذا كنت أنت تخافين على شرفك من الضياع فقط وتسترسلين وراء كلام الشيطان فأنا رجل ولا شيء يقف أما الشيطان لغوايتي في هذه المسألة.

لست متزوجا وقد منحني الله بحمد شيئا من أمور الدنيا [سيارة، بيت] ومع ذلك ولخوفي من الله تعالى وخشيتي على مستقبلي فلم أكلم أنثى منذ عقلت لا تحل لي في حرام قط، لا في هاتف ولا في غير هاتف !

علاش ؟

خوفا من عذاب الله تعالى هذه واحدة

خشية أن تكون زوجتي قد أصابت ما أصيب من حرام إن فعلت الحرام، فإن لم تكن زوجتي فبناتي !

هذان الشيئان يقفان حجرة عثرة بيني وبين الحرام وليس شيء غيرهما ولا يوجد بشر لا يستهويه الحرام لأنه زينة وفطرة في بني البشر.

فإن غابت هيبة الله في قلبك ولم يهمك أن يكون زوجك المستقبلي زير نساء ولا أن يقع من أولادك ما تفعلين فاتركي ذئاب بني البشر ينهش لحمك وعرضك لأنك صرت جسدا بلا روح !

أسأل الله أن يرفع عنك ويصبرك ويعيدك بطريقه وأن يفتح عليك بزوج صالح بعد توبتك،

[prettywoman]

يعني أنت انسانة مثقفة وواعية وعلابلك بلي واش راكي ديري فيه غلط وحرام لكن مستمرة فيه بحجة الغريزة ومكاش الحلال وعلاش غير نتي لعندك غرائز ولا أحاسيس ولا حابة الحلال بنات الناس قاع كيفكيف بصح ماشي قاع دارو وش راكي ديريه علابلك وين راه الفرق ، الفرق في قوة الأيمان بالله جددي ايمانك وتشوفي ربي كيفاش اسلكك أنا نقلك حاجة خافي من ربي وستبتعدين عن هدا الذئب وأشباهه وحطي مليح في بالك ربي كتب على ناس ميتزوجوش وناس ما يجيبوش دراري........يعني ديري في راسك ممكن ما كتبلكش ربي تزوجي صافي تجهلي؟ لالا أختي كاين بزاف بنات وصلوا لثلاثين وحتى الربعين وما داروش الفاحشة لان هاد الدنيا فانية ويدومو غير فعالك أين ذكائك يا أنثى واحد كما هداك يحرمك من رضى الله وجناته ؟ربي يرزقك بوليد الحلال