عشايا شاورما + اسكالوب نوقا بالجلجلان اممممممم

[أم عروة]

حياكن الله اخواتي الحبيبات، عساكنّ بخير

جبتلكم وصفة رائعة ومذاقها ارووووووووع
شاورما بيتية طبعا كل وحدة واللمسة تاعها
واسكالوب نوقا كان زوجي ربي يحفظو راح لمطعم وتذوقو جا حكالي عليه وعطالي اسمو برك وبعد 2 محاولات خرجت فالطعم ديالو امممممممممممممممممممممممممممممم صدقوني ذوق رهيييييييييب
+مايونيز على طريقتي
نبداو باسم الله


نجيبو كمية من صدر الدجاج حسب عدد افراد العائلة، الكمية لي استعملتها لشخصين
نقسمو على 2 كمية نقطعوها مكعبات صغر ونضعها في يان ونتبلوها حسب الرغبة انا درت شوية ثوم مرحي وزعيترة وخل وزيت وفلفل اسود وكركم وراس الحانوت وثوم مجفف وشوية زنجبيل وملح
ونخليوها ترتاح من ساعة او اكثر انا خليتها ساعة بالضبط






والكمية الاخرى نقطعوها شرائح متوسطة ماشي رقاق بزاف وهدا هو السر الاول ونتبلوها حسب الرغبة انا درتلها خليط الدجاج وملح فقط ونتركها ترتاح كذلك





فالوقت لي يرتاحو نقليو بطاطا ونوجدو السلاطة
نسخنو شوية زيت فالمقلاة ونحطو عليه شرائح من البصل انا استعملت الاخضر ونخلوه يتقلا مليح حتة يحمار
بعدها ننزعوه ونحطوه في تبسي ونزيد نقلي شرائح من الطمام بدون ملح او توابل كي تذبال وتتحمر ونديرها فالتبسي



منبعد نخرجو قطع الدجاج من الثلاجة ونضعها في المقلاة ونغطيها ونتركها على نار قليلة حتة تنضج جيدا بعدها ننزع الغطاء ونقوي للنار ونخليها تتحمر في الاخير نضيفلها البصل والطماطم وكمية من لاكريم فراش انا استعملت بطوش ونتركها تختار ونطفي عليها امممممممممم






بعدها نخرج شرائح الاسكالوب المتبلة ونسخن زيت قليلة في مقلاة جيدا
بعدها نحط في طبسي فرينة وفي اخر بيض وفي اخر جلجلان
نمرر الاسكالوب في الفرينة ثم في البيض ثم فالجلجلان او السمسم ونقليوها على نار متوسطة ونغطيها بغطاء
نتركها مدة حتى تنضج وتصبح طرية جدا يمكن التاكد بواسطة سكين بعدها ننزع الغطاء ونقوي النار ونتركها تتحمر وننزعها ونضعها على حدى تقطر من الزيت












الصورة عن قرب امممممممممم



بعد التقديم مع فريت وسلاطة بزيت الزيتون وحميص حار ومايونيز
اممممممممممم


تحضير المايونيز
بيضة واحدة
خل
فص ثوم
ملح
كمية من الزيت
جبن



بواسطة لبرا نطلع البيض ثم نضيف الزيت على دفعات ثم نضيف الخل والملح والثوم وممكن لاموتارد حسب الذوق وفي الاخير نضيف الجبن كمية معتبرة ونخلط حتى نتحصل على هذا القواااام اممممممممم



نتمنى تعجبكم وصفتي الى لقاء اخر
ردودكم تشجعنييييي