راني جبتلكم طريقتي في صنع الناب بالخرز- العقاش

[رحمة من المولى]

السلام عليكم و رحمة الله تعالى و بركاته:
راني جبتلكم الطريقة اللي راني نصنع بها مفرش الخرز ساهلة ماهلة أنا تعلمتها من المنتدى نشكر صاحبة الموضوع نسيت اسمها المهم ما نحتاج من وسائل راه في الصورة مع المراحل اللي مفهمتش راني هنا نجاوبها:
نربط الخيط كما كي نكونو رايحين نخيطو لا نحتاج إلى الإبرة
ندير 32 حبة و نشكل دائرة بإخراج الخيط من أول حبة الدارة ما تكون مرخية ما تكون مشدودة. ندخل قصبة ثم حبة ثم قصبة بحيث عدد القصابات 5 و نختم ب 5 حبات ثم نلف الحبات بحيث ندخل الخيط في اول حبة منهم ليلتف الحبات حسب الخيط ثم قصبة ثم حبة ثم قصبة و ندخل الخيط في حبة السطر الاول و يتشكل معين و هكذا حتى نصل للاسفل إذ تبقى قصبة ندخلها في الخيط و نضعها بجانب القصبة الأولى في الناب ثم ندخل الخيط في حبة الخرز الأولى بجانب القصبة بمعنى الترتيب يولي كالتالي في الدائرة قصبتان حبة قصبتان حبة و هكذا
الخيط دائما ما يكون مزير ما يكون مرخي
شكل المعينات ما يوليش يبان تحسبي راكي غالطة و لا معرفتيش نورمال كي تكملي الدارة راه يخرج وحدو متتقلقيش
نخليك مع الصور و أي استفسار راني هنا.