واحد قاعد ياكل بذر تفاح صاحبه بيقوله ايه ده
... ... قاله : ده بذر تفاح
قاله : حد ياكل بذر تفاح
رد عليه : ده مفيد جدا ومنشط للذاكرة وبيزود الذكااااااااااء
قاله صاحبه : اديني شوية
رد صاحبه : لا انا هابيعلك 10 بذرات بـ 100 جنيه
قاله : ماشي خد المية وهات البذر
بدأ ياكل اول واحدة وتاني واحدة وبعدين بطل وقال بصوت عالي لصاحبه
انت بتضحك عليا انا كان ممكن اشتري 50 كيلو تفاح بالمية جنيه دي
رد صاحبه قاله : شوفت ازاي من تاني بزرة بدأت تفكر .. مش قولتلك بيزود الذكاء .. امال
بعد العشرة هتعمل ايه
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته، قالهم لأ أنا شوفت الطبق اللي بياكل فيه بس
قرد راح يشتكى للأسد ،،، بيقوله النمر كل ما يشوفنى ينزل فيا ضرب
ويقولى مبتلبسش الطاقية ليه ؟؟؟؟
... مبتلبسش الطاقية ليه ؟؟؟
... ...وانا مش عارف طاقية ايه اللى عايزنى ألبسها دى
الأسد راح للنمر وقاله : بتضرب القرد ليه ؟؟
النمر قاله : اصل الصراحة انا بتنرفز من شكله وبتحجج بأى حاجة عشان أضربه
الأسد قاله : لو عايز تضربه هات اى سبب مقنع عشان تضربه براحتك
النمر : سبب ... ازاى يعنى ؟؟؟
الأسد : يعنى مثلا قوله هاتلى تفاحة لو جابها حمرا اضربه قوله انا عايزها خضرا
ولو جابها خضرا اضربه قوله انا عايزها حمرا ،،، يعنى تشتغله يعنى
راح النمر نده على القرد وقاله : تجيبلى تفاحة دلوقتى حالا
القرد : عايزها حمرا ولا خضرا
راح النمر نازل فى القرد ضرب وقايله : انت مبتلبسش الطاقية ليه
واحد رخم نايم جت نموسه و فضلت تطير حوليه وتعمل زنننننننن
صحى من النوم وهشها ونام تاني رجعت تاني زننننننننننننن
قام هشها ونام رجعت زنننننننننن
عمل نفسه نايم لغاية مرجعت وقام مسكها
وفضل يطبطب عليها لغايه ما نامت
راح قايل لها زننننننننن
ويارب تعجبكم
( تقرير عن مشاركة سيئة )، و الموجودة أسفل كل مشاركة .
2012-02-19, 23:17
نكت 2012
العرض العادي
