المولد النبوي الشريف

ام انيس2 · 2012-02-03, 20:42

مساء الخير والانوار اخواتي الكريمات اتنمى ان يلقى موضوعي هاذا قليلا من الاهتمام وليس كباقي مواضيعي التي اهملت تماما
بما ان المولد النبوي الشريف غدا او بالاحرى العشا تاعو غدا نتمنى من العضوات الكريمات كل وحدة تقولنا واش راح يطيبو للعشاء وما هي العادات والتقاليد لكل منطقة اللتي تسكن هي فيها هكا نعرفو تقاليد بعضنا البعض للاحتفال بمولد الحبيب المصطفى صلى الله عليه وسلم
انتظر تفاعلكن ايتها الكريمات سلام

miri_27 · 2012-02-03, 20:57

أهلا عزيزتي بالنسبة لعاداتنا نعملو الكعبوش بالتمر و الزبيب و المكسرات ، نعملو الرفيس او البركوكس كذلك الطمينة و البغرير و في السهرة نجتمع و ندرس السيرة النبوية عليه افضل الصلاة و التسليم وسلامــــــــــــــــــــــــــــي عزيزتي

ام انيس2 · 2012-02-03, 21:09

اقتباس:

المشاركة الأصلية كتبت بواسطة miri_27

أهلا عزيزتي بالنسبة لعاداتنا نعملو الكعبوش بالتمر و الزبيب و المكسرات ، نعملو الرفيس او البركوكس كذلك الطمينة و البغرير و في السهرة نجتمع و ندرس السيرة النبوية عليه افضل الصلاة و التسليم وسلامــــــــــــــــــــــــــــي عزيزتي

بارك الله فيك اختي الكريمة انك ما خجلتينيش ورديتي على موضوعي شكرا نتمنى من كامل الاعضاء التفاعل

الصوامعية · 2012-02-03, 21:29

شكرا على الموضوع الجميل أختي بالنسبة لعدات ناس خميس مليانة ليلة المولد في العشاء نديرو الرشتة بالدجاج أو الرفيس ثم نشعلو الشمع في كل غرفة من المنزل منخلوش حتى بيت بلا شمع وفي الغد ناكلو الطمينة مع القهوة نتاع الصباح .هذي من العادات والتقاليد ولكن لوكان نجو لصح في هذو الأيام نكثرو من الإستغفار والصلاة على النبي

sarah3113 · 2012-02-03, 22:04

سلام عليكم حنا عندنا عادة فليل ندرو لحنة لازم ونديرو رقاق كاين لي يقوله تريد هادي فليل
ولغدوة نديرو بركوكس وطمينة
وطبعا الصلاة واستغار كثرو منهم وربي يهنينا ويهنيكم
اه نسيت انا من وهران

ام انيس2 · 2012-02-04, 11:15

اقتباس:

المشاركة الأصلية كتبت بواسطة الصوامعية

شكرا على الموضوع الجميل أختي بالنسبة لعدات ناس خميس مليانة ليلة المولد في العشاء نديرو الرشتة بالدجاج أو الرفيس ثم نشعلو الشمع في كل غرفة من المنزل منخلوش حتى بيت بلا شمع وفي الغد ناكلو الطمينة مع القهوة نتاع الصباح .هذي من العادات والتقاليد ولكن لوكان نجو لصح في هذو الأيام نكثرو من الإستغفار والصلاة على النبي

عليه افضل الصلوات والسلام
شكرا اختي تقريبا هي نفس عاداتنا لكن احنا الاغلبية دير الشخشوخة وفي الصباح نديرو البسيسة او الطمينة متشرفين اختي بيك وبكامل ناس خميس مليانة

ام انيس2 · 2012-02-04, 11:16

اقتباس:

المشاركة الأصلية كتبت بواسطة sarah3113

سلام عليكم حنا عندنا عادة فليل ندرو لحنة لازم ونديرو رقاق كاين لي يقوله تريد هادي فليل
ولغدوة نديرو بركوكس وطمينة
وطبعا الصلاة واستغار كثرو منهم وربي يهنينا ويهنيكم
اه نسيت انا من وهران

متشرفين بيك وبناس وهران الباهية

هدايات26 · 2012-02-04, 15:02

السلام عليكم جميعا.احنا في المدية من عادتنا نديرو الرشتة بالدجاج او الكسكسي ام بالدجاج او الغنمي .طبعا نشعل الشموع ونحنيو للاطفال .اما غدا فتميزه الطمينة....كل عام والجميع بخير وكل العام ونحن على هديه سائرين .امين.اذا كان بلقاتي وقت راني نزل صورة

ام انيس2 · 2012-02-04, 16:30

اقتباس:

المشاركة الأصلية كتبت بواسطة هدايات26

السلام عليكم جميعا.احنا في المدية من عادتنا نديرو الرشتة بالدجاج او الكسكسي ام بالدجاج او الغنمي .طبعا نشعل الشموع ونحنيو للاطفال .اما غدا فتميزه الطمينة....كل عام والجميع بخير وكل العام ونحن على هديه سائرين .امين.اذا كان بلقاتي وقت راني نزل صورة

وعليك السلام ورحمة الله وبركاته تقريبا نفس العادات في ربوع الوطن الغالي وكل عام وانتي بخير واحنا على سيرة الحبيب المصطفي عليه افضل الصلاة و السلام
سلام على اهل المدية

ahmed.zako · 2012-02-04, 16:41

احنا نديروا شخشوحة باللحم وعيد مبارك للجميع شكرا

ام محمد اصيل · 2012-02-04, 17:46

والله موضوع جدير بالاهتمام وهدي حاجة يتميز بيها منتدانا الغالي منتديات الجلفة واللي في كل مرة نتواصل فيه نحس اننا عائلة واحدة رغم بعد مسافاتنا اما بمناسبة المولد النبوي الشريف فعاداتنا فالشرق ككل العادات في الجزائر الغالية نحضروا شخشوخة او تريدة مع سلطة فواكه او اي ديسار وفي السهرة نديروا التاي بالمكسرات وحلوة الحلقوم وحلوة الترك بلا ما ننسى الحنة اللي هي عادة ما نقدروش نستغنو عليها ونشعلوا الشموع وما اجمل تلك اللحظات واحنا كامل مجمولين والاطفال زاهيين بلا ما ننساو رائحة العنبر اللي منتشرة من البيوت يومين فبل الولد وطبعا طبعا اختي الصلاة وكثرة الدعاء والاستغفار ولو كان يساعفني الحظ راح انزللكم صور عشانا في هاد الليلة المباركة اعادها الله علينا وعلى جميع الامة الاسلامية .

ام انيس2 · 2012-02-04, 23:56

اقتباس:

المشاركة الأصلية كتبت بواسطة ahmed.zako

احنا نديروا شخشوحة باللحم وعيد مبارك للجميع شكرا

بارك الله فيك شكرا

ام انيس2 · 2012-02-04, 23:59

اقتباس:

المشاركة الأصلية كتبت بواسطة ام محمد اصيل

والله موضوع جدير بالاهتمام وهدي حاجة يتميز بيها منتدانا الغالي منتديات الجلفة واللي في كل مرة نتواصل فيه نحس اننا عائلة واحدة رغم بعد مسافاتنا اما بمناسبة المولد النبوي الشريف فعاداتنا فالشرق ككل العادات في الجزائر الغالية نحضروا شخشوخة او تريدة مع سلطة فواكه او اي ديسار وفي السهرة نديروا التاي بالمكسرات وحلوة الحلقوم وحلوة الترك بلا ما ننسى الحنة اللي هي عادة ما نقدروش نستغنو عليها ونشعلوا الشموع وما اجمل تلك اللحظات واحنا كامل مجمولين والاطفال زاهيين بلا ما ننساو رائحة العنبر اللي منتشرة من البيوت يومين فبل الولد وطبعا طبعا اختي الصلاة وكثرة الدعاء والاستغفار ولو كان يساعفني الحظ راح انزللكم صور عشانا في هاد الليلة المباركة اعادها الله علينا وعلى جميع الامة الاسلامية .

بارك الله فيكي اختي الكريمة ومتشرفين بمعرفتك ام محمد اصيل نظن رانا كامل على نفس التقاليد والعادات ربي يعيدو علينا ان شاء الله بالخير و البركات

دعاء القلوب · 2012-02-10, 16:22

السلام عليكم انا نهار الميلود درت شربة فريك و دجاج محمرة (نحيتلها العظام بلا ما فتحتها من الظهر) وحشيتها باللحم المرحي و الفرماج و الفقاع و رافقتها بصلصة الكريمة الطازجة و الفقاع و البطاطا المقلية و الحلو و الماسيدوان و السلطة و في السهرة القريوش و المشوشة و خدمت تارت و الدراس و الاتاي و القازوز و الحنة طبعا لازم نديروها هذي من عوايدنا ...............