مساعدة في الكفالة من فظلكم

[wahid 1100]

السلام عليكم خاوتي ************انا عضو جديد في المنتدى .عندي سؤال بالنسبة لملف الكفالة من فظلكم
انا عمري 26 سنة اتخرجت هذا العام عندي ليسانس علوم التسيير حبيت ندفع دوسي في الحماية او الشرطة انا حاط السن المقبول هو 30سنة كي سقسيت قالولي هذيك كانت بكري.ظرك السن 25سنة للابوليس و 26 سنة على الاكثر للحماية .المهم واحد دبر عليا قالي ما فاتكش الحال روح اجري على روحك او دير كفالة.المهم زدت سقسيت قالولي انت الاب تاعك يخدم لاباس بيه روح شوف واحد من فاميلتك ما يخدمش ايديرلك كفالة ***********
والله ياخاوتي راني ضايع ماصبتش واش نعمل .بصح من خلال مشاركتي في هذا المنتدى والله الا عرفت بلي كاين ناس في هذا المنتدى عندهم اطلاع كبير في مثل هذه الامور قلت انجرب ان شاء الله انصيب الجواب عند اخواني في منتديات الجلفة********
الرجاء مساعدتي والله اني في حيرة من امري ................ والله ايجازيكم خاوتي .........

[soufian_sou9]

khoya la la3ziz ana lyoma kont m3A officie de police ou gali bali hadi elkafala tagdar tdirha 3la khawtak les minur hada makan ou gali el kafala ta3 les pompie machi kima ta3 la police lazam 3la khawtak bark
walaho a3lam ou zid saksi khoya
walahi khir hamalna hada el hamal rabi yjibhalo fi sahto nchalah kima dar hada el sabotaj lel chbab
ou momba3da ykolo 3lach hada el jil kraj hagda mayhabach el blad
homa les ykarhona fi hadi el blad
ksara ya chohadaana el abrar hararto el blad bach y3icho fiha el klab

[yousef man]

عندك الحق خويا لعزيز الله غالب ...............بصح الهامل هذا كل واحد انظر من هدا القانون الجديد اللي دارو........ايوكل اعليه ربي هذا ماكان............او والله ما اطول او تسمع بلي اصراتلوا كاش حاجة ................و اتفكر كلامي مليح

[wahid 1100]

[QUOTE=yousef man;8731195]عندك الحق خويا لعزيز الله غالب ...............بصح الهامل هذا كل واحد انظر من هدا القانون الجديد اللي دارو........ايوكل اعليه ربي هذا ماكان............او والله ما اطول او تسمع بلي اصراتلوا كاش حاجة ................و اتفكر كلامي مليح[/QUO
انا ثاني راني معاك في هذه الهدرة.اقسم بالله ماكاين حقرة كيما كاينة في الجزائر بين ليلة ونهار ايبدوا القانون السن كان 35 ردوه 25 والشباب اصحاب الشهادات وين ايروح.انا ادعوا كل واحد دخل هدا الموضوع ايوكل ربي على هذا الظالم وان شاء الله ربي هو اللي ياخذ الحق.حسبنا الله ونعم الوكيل..

[brasport]

الحل الوحيد للاعفاء هو ارسال شكواكم الى هذا البريد الالكتروني: - البريد الإلكتروني حذف من قبل الإدارة (غير مسموح بكتابة البريد) -

[brasport]

الحل الوحيد للاعفاء هو ارسال شكواكم الى هذا البريد الالكتروني:sadaa.acharee (arobaze)almagharibia.tv

[wll]

ان ثاني جامعي درت كفالة الملف تاعي كامل ما جيت نكملو حتى كرهت المهم كي جيت ندفع الدوسي عند br قالولي لازم تكون عديت لافيزيت عند الطبيب و الا مانحكموش عليك الملف اذا كنت ماكش معقب لافيزيت تاع الطبيب ماكالاه تشقى و زيد سقسي و الله يفرج علينا وعليك وعلى كل الشباب يارب قولو آمين