المعاكسات فالهاتف

مريم الصابرة · 2012-02-02, 10:19

0........................

مريم الصابرة · 2012-02-02, 10:27

السلام عليكم أنا نبدا الحكاية مرة صونا التلفون نتاعي وأنا ما عاطية الرقم لحتى واحد يعض الصديقات واهل خطيبي ربي يرحمو مازلت نتصل بيهم وأهلي عيط واحد قالي ختي نتاعك الرقم هذطا قتلوا وي خويا ومن فضلك أنا متزوجة وما تزيدش تغيطلي كذبت الله غالب ظنيت المنزوجة خط أحمر صدمني قالي وين المشكل كي ما يكونش زوجك راني هنا اخاااااااااا وليت نبخر الفوار خرج من وذنيا حاشاكم قتلوا عندك جد الحمير في راسك حمار شارف وخارف راجلي يروح نحكي معاك قتلوا مرتك دارتلك هكذاك عندها واحد طورو كيما إنت اللي في قلبي قلتهالو غسلتو قلقني ومن بعد كوبيت عليه بقيت ناكل في روحي وحدي زاد عيط أعطيت لوليد عمي حكى معاه كوبا ديركت من ذاك النهار ما عيطش كاين اللي متربيين يغلط بكل إحترام يطلب السماح وما يعاودش خاصة لمما نقولو متزوجة وكاين كيما هذاك الطورو نورمال عندوا رانا فلوروب كل شي يمشي تمشي منو الروح إن شاء الله شكرا

ميرة34 · 2012-02-02, 10:28

صح عندك الحق في كل ماقلتيه
كي نشوف رقم جديد نقول بلاك كشما واحد من الفاميليا غير رقمه وراه يخبرني ولما نجاوب كاين اللي سامط يبقى يعاود كيما يقولوا الباب اللي يجي منه الريح رده واستريح

مريم الصابرة · 2012-02-02, 10:30

اقتباس:

المشاركة الأصلية كتبت بواسطة ميرة34

صح عندك الحق في كل ماقلتيه
كي نشوف رقم جديد نقول بلاك كشما واحد من الفاميليا غير رقمه وراه يخبرني ولما نجاوب كاين اللي سامط يبقى يعاود كيما يقولوا الباب اللي يجي منه الريح رده واستريح

السلام عليكم اختي شكرا على مرورك الكريم ورأيك المحترم ميم تسكري الباب يجيك من التاقة ربي يسترنا منين ذاك نقول يا ريت نولو كيما بكري لا تلفون لا والو وقت البراوات كانت النية والطيبة قدما التطور يزيد الناس تفسد ربي يسترنا شكرا

السَّحابة البيضاءْ · 2012-02-02, 10:38

عندك الحق اختي ملي كثروا من الهدرة باطل الشباب ضاع

مريم الصابرة · 2012-02-02, 10:53

اقتباس:

المشاركة الأصلية كتبت بواسطة ضوء الخيال

عندك الحق اختي ملي كثروا من الهدرة باطل الشباب ضاع

السلام عليكم أختي والله حتى لو بالراهم يحكو الشعب الجائري وج صوالح يخسرو عليهم الدراهم الاكل والنسا ههههههههههه شكرا على مرورك

الباديسي · 2012-02-02, 11:01

لك كل الحق اختي الكريمة.وازيد لك من الطامة الكبرى ان اخرين هدفهم تهديم البيوت .كأن وحدة تحب تفسد على الاخرى تواصل الاتصال بزوجها او خطيبها حتى يدب الخلاف بينهم والعكس يتصل من يكره زوجها او يحب لها هي الهلاك فيكثر من الاتصال بها وهي بريئة حتى يشكك زوجها او خطيبها او والدها وهكذا يحقق مراده الشيطاني
شكرا لك مواضيعك شيقة وتستحق النقاش ايتها الاخت الفاضلة

ميرة34 · 2012-02-02, 11:03

اقتباس:

المشاركة الأصلية كتبت بواسطة مريلينا

السلام عليكم اختي شكرا على مرورك الكريم ورأيك المحترم ميم تسكري الباب يجيك من التاقة ربي يسترنا منين ذاك نقول يا ريت نولو كيما بكري لا تلفون لا والو وقت البراوات كانت النية والطيبة قدما التطور يزيد الناس تفسد ربي يسترنا شكرا

راني معاك اختي كل شيء عنده سلبيات وايجابيات واحنا نحاول نتفادى السيء باللتي هي أحسن
وربي يجيب الخير

مريم الصابرة · 2012-02-02, 11:16

اقتباس:

المشاركة الأصلية كتبت بواسطة الباديسي

لك كل الحق اختي الكريمة.وازيد لك من الطامة الكبرى ان اخرين هدفهم تهديم البيوت .كأن وحدة تحب تفسد على الاخرى تواصل الاتصال بزوجها او خطيبها حتى يدب الخلاف بينهم والعكس يتصل من يكره زوجها او يحب لها هي الهلاك فيكثر من الاتصال بها وهي بريئة حتى يشكك زوجها او خطيبها او والدها وهكذا يحقق مراده الشيطاني
شكرا لك مواضيعك شيقة وتستحق النقاش ايتها الاخت الفاضلة

السلام عليكم اخي الفاضل بارك الله فيك غلى مشاركتك الفاضلة كاين أصحاب النوايا السيئة والله يا اخي مرة عيكتلي وحدة من وهران قاتلي لقيت الرقم نتاعك فالهاتف نتاع زوجي وقاتلي إنوا هي حامل وراهم متزوجين من جديد ولات تقولي أنا نحب زوجي وما تهدميش بيتي صدقني غاضتني لدرحة وليت نحلفلها وقلتلها أنو الرقم نتاعي ما يعرفو حتى واحد قلتلها صدفة برك أو قبل ما نشريه كان عند راجل زوجك يعرفو نصحتها وقلتلها لازم دير فيه ثقة وخليتها حكات مع الوالدة نتاعي وفالمساء حكيت معاها ومع زوجها واليوم هوما اعز اصحاب ليا وراحا نروح نباركلها كي تولد إن شاء الله الحمد لله ما راناش مخربين بيوت ربي يبعد علينا الناس اللي هكذا شكرا لك وبارك الله فيك وحتى أنا نمر بكل مواضيعك فيها حكمة ورأي قدير شكرا

الواثق · 2012-02-02, 11:26

كاين حل بسيط ماترفعوش على اي رقم لا تعرفونه...................انا مرة عيطتلي وحدة غلطت ورفعت عليها قتلها شكون معايا قاتلي حابة نتعرف بيك قتلها في الجنة ان شاء الله بدات تهدر قتلها شوفي يابنت الناس انا راني ملتحي وسلفي ومتعصب ومعقد ههه انا قلت ظرك تخاف وتسكر الهاتف تخيلو قالتلي على بالي بيك انا نعرفك عرقتني الله يهديها غلقت عليها وبقات اسابيع وهي تعيط ومارفعتش عليها حتى كرهت ..................واستنتجت في الاخير خطأي ان مديت رقمي للادارة لي نخدم فيها وماشاء الله عليهم فارغين شغل ...................والله المستعان

adlan18 · 2012-02-02, 11:46

و الله صراتلي الأسبوع الماضي على 12 تاع الليل كنت فالنومة الحلوة
عيطتلي وحدة قالتلي حابة نحكي سبحان الله طفيت تليفون
و البارح تاني على 12 تاع الليل رقم مخفي prevé 3 مرات

اميرة العفاف · 2012-02-02, 11:50

ناس تبات تقوم اللليل
وناس تبات تزعج في الاخرين
شتان شتان بينهم
وصراحة انا ايضا حدثت معي مسكين اخي ابو بكر حفظه الله لي اذهب لاوقظه من نومه باه يهدر معاهم ويظنوا ان صاحب الرقم رجل وليست امراة
الله يهديهم

مريم الصابرة · 2012-02-02, 12:13

اقتباس:

المشاركة الأصلية كتبت بواسطة الواثق

كاين حل بسيط ماترفعوش على اي رقم لا تعرفونه...................انا مرة عيطتلي وحدة غلطت ورفعت عليها قتلها شكون معايا قاتلي حابة نتعرف بيك قتلها في الجنة ان شاء الله بدات تهدر قتلها شوفي يابنت الناس انا راني ملتحي وسلفي ومتعصب ومعقد ههه انا قلت ظرك تخاف وتسكر الهاتف تخيلو قالتلي على بالي بيك انا نعرفك عرقتني الله يهديها غلقت عليها وبقات اسابيع وهي تعيط ومارفعتش عليها حتى كرهت ..................واستنتجت في الاخير خطأي ان مديت رقمي للادارة لي نخدم فيها وماشاء الله عليهم فارغين شغل ...................والله المستعان

السلام عليكم اخي شكرا للمشاركة والله ميم ما تردش سيرتو الرجال ما يتعبوش يهبلو قتلك واحد قتلوا متزوجة قالي كي يخرج راجلك نحكوا هذاك الشمبيون نتاع التلفونات اللي يجوني ميم براجلي وجاتو نورمال ناس مهابل صح وإنت ميم تقولها سلفي ومعقد والله وتقولها بن لادن تزيد تشد فيك ههههه ربي يسترنا شكرا اخي الفاضل والغدارة نتاعك راهي تمد فالرقم النسا اللي يخدمو معاك ما راهمش ملحقين الله يبارك ههههههههه

مريم الصابرة · 2012-02-02, 12:17

اقتباس:

المشاركة الأصلية كتبت بواسطة adlan18

و الله صراتلي الأسبوع الماضي على 12 تاع الليل كنت فالنومة الحلوة
عيطتلي وحدة قالتلي حابة نحكي سبحان الله طفيت تليفون
و البارح تاني على 12 تاع الليل رقم مخفي prevé 3 مرات

السلام عيكم أخي عدلان كيف الحال؟ شكرا لمرورك الله غالب النسا بكري كانت عندهم القيمة الراجل يحفى باه تنظر ليه نظرة ويروح يجري ويخطب ضرك هوما يجروا مور الرجال بالحفا وما يتزوجوش بيهم ولابال بريفي ما نحكوش عليها خلاص فالليل انا نسكر التلفون ما نحتاجش حتى واحد ميم لافامي النهار كاين والليل للرقاد وقتي نصلي فيه أو نكون مريضة نرقد وفالنهار نحكي غير مع الي نعرفهم ما نتعرفش شكرا اخي بارك الله فيك

مريم الصابرة · 2012-02-02, 12:19

اقتباس:

المشاركة الأصلية كتبت بواسطة اميرة العفاف

ناس تبات تقوم اللليل
وناس تبات تزعج في الاخرين
شتان شتان بينهم
وصراحة انا ايضا حدثت معي مسكين اخي ابو بكر حفظه الله لي اذهب لاوقظه من نومه باه يهدر معاهم ويظنوا ان صاحب الرقم رجل وليست امراة
الله يهديهم

السلام عليكم اختي شكرا على المرور الكريم اللي يصلي يقوم الليل لربي هذوك يقومو الليل للنسا والنسا للرجال فارغين شغل والشيطان شاطر بزاف فالليل هذاك وقت خدمنو ربي يهدي الخق شكرا