الدشــــــرة

علي النموشي · 2012-03-12, 18:53

هذه القصيدة كتبها شاعر من ولاية البيّض أعجبتني كثيرا و كنت أتمنى لو كتبت مثلها لكنه سبقني اليها ، لأنها تعبر عن رأيي تماما وبكل دقة ، أقدمها اليكم و سوف تعجبكم ...

الدشــــــرة

أبقـــاي على خيـــر يا هـــــاذ الدشرة **** لــــي غــــاشيهــا غيـــــر فــلان و فلان
راني حــالف مــــا نولــــي ذا المـــرة **** و لـو نمـــــوت فــــي صحــــرا عطشان
نعشـــر بر الـــــروم و بـــــلاد الكفرة **** و لا نعشــــر بــر الشمـــايت و الرعيان
لحديث تنوفيـــق و الضحكــــة صفرة **** و الصحبـــــة تحيــــا و تفنـى بالقضيان
بلسانـــو يعطيــك قنطــــار مصــــــرّة **** و الحيلـــــــة متلبـــــدة تحــــت البيطان
بالرشــــوة تلقــــاه مــــاشي للعمـــرة **** و يصلــي فـي البيــت في آخـر رمضان
و يـــولي بكـــــلاح و عبايــــة صفرة **** و يعطيهـــــا للـــزور و كـــــلام البهتان
يحــلفلك ليميـــــن قـــــــــــداه مـــــرّة **** و يحلـــف بالكعبـــــة و يحلـف بالقرآن
و يحـــرّم البـــــزول و يحـــــرّم لمـرا **** و غيـــر يصــد عليـك تلقــى كذبــو بان
اخزيهـــم يا خالقـــي في هـاذ الدشرة **** ذا القـــوم الــي حــالفهــا مــا فيـه امان
أبقـــاي على خيــــر يا هــــاذ الدشرة **** للي يحكمهـــا غيــر الجـــاهل و الخوّان
تلقى لـــي فشلوا قبـــــال السبـــــورة **** للسيــــاســـة داخليــــــن بــــــلا سلطان
المرفوعـــــــة تـــاليتــها مجـــــرورة **** و العطف يـــوروه غيــــر لفلان و فلان
و الفعل المجهول مبنـي علـى الكسرة **** و اسمــاء الخمســة يديـــرو ليهم شان
تلقى الميــــر حمـــار و النـــايب بقرة **** و المجلـــس تعبـــان يختـــل فـي تعبان
ما تفـــرز أمّـــي على واحــــد يقــــرا **** و لا تفرز صــاحي علـى واحــد سكران
كـي هيــــدورا لاصقــا فـي هيــــدورا **** و كي خاين مدسـوس في وسـط الخيان
و كـــي لكلاب مدربين علــــى الحقرة **** و يـا ويـــح الــي جــالهم بيـــن النيبان
ما يهــــدر ولا اثــــار ليه و لا جـــرة **** و اذا عـــاش يعيــش مبهوت و حيران
كي تسمــــع لحديثهـــم عنـــد الهـدرة **** تقــول انت لبطــــال هــاذو و الشجعان
ولو تعجنهــــم ما يجــوا في ساق مرا **** و لـو توزنهـــم مـــا يوفــــولك ميزان
كي الغـــراب منين يعلى فــي شجــرة **** يحســـب الخلــــق تحتــــو كـــي الذبان
أبقــاي علـــى خيــر يــا هـــاذ الدشرة **** الي لاحــت تاريخهـــا في عقــب زمان
يا سعـد الــي جــــا مــوظف من بـــرّا **** بلوصـــلا يحضى عزيــز و مــولا شان
يدولـــه لفــــراش و يزيـــــدوه مــــرا **** و كل خميس عشاه مشـوي عنــد فلان
مـــا يحتاجش لا حليــــب ولا خضــرة **** كلش خـــالص جــاي من عند الرعيان
هــذا باهــــز جايب مخــــدة حمــــــرا **** و هـــذا يجري جـــايب قريعـــات دهان
وتلقى المشمت غي يوصل في الهدرة **** وتلقي المرعـن غي تجرجــر كالخرفان
اخزيهـــم يا خالقــي في هـــاذ الدشرة **** ذا القــــوم الي شانهـــا ما جا كي شان
و ارزقهــــم لعجــــاج و معـــاه الغبرا **** و زلط اللــي بدراهمــــو بصــح جيعان
اذا راد اللــه مـــــــن هـــــذا المــــــرة **** ما نرجعــــش خـــلاص لبـــلاد البهتان
و نقــــول على خيــــر يا هــاذ الحفرة **** و راها ليكـــم يـــا الشمايت و الرعيان
ما رانيـــش على الــرجال اهل النعـرة **** اللي كلمتهــــم متلقــــات منيـــــن تبان
و ما رانيـــش على البزوزا الّــي تقرا **** و ما رانيـــش علـــى الـي سكنو لكفان
و ما رانيـش على الشجرة و الحجـرة **** و ما رانيـــش على الوليـــا و الحيوان
مقصــودي رعيــــان ماليهــــم جــرة **** و كي عكســـت الايــــام ولا ليهم شان
كــانو مدسوسيـــن في وقــت الكفــرة**** و ياســر منهم كان في صفوف العديان
جـاب شهـــادة ودخـــــل في الثـــورة **** و خرج عنـــدو كاميـــو قهـــوا و بلان
و لحّـــق ليـــــه حجــــة و زاد مـــــرا **** و اصبح في التـــاريخ يفتـــي بالبرهان
و يعـــــود يقــــول بيـــا واش صــــرا **** كــي كـنـّا فالجيــــش أنا و حيـــاة فلان
فـــوق حمـــار و لاحقتنـــي طيــــــارة **** و ذاك الشـي و اضربتهـا بين الجنحان
و اهجمــت على شـار بعمود و حجرة **** دقدقتـــه و قديــــت فـي جــــــده نيران
اخزيهـــم يا خــالقي في هـــاذ الدشرة **** ذا الحركـــى الــي عايشا غير بالبهتان
وارحـــم من شـــافو الكحـــلا و المـرّة **** و ماتو شهـــادا على الصـدق و ليمان
متعهــم بالحــور فالجنــــة الخضـــــرا **** و اسكنهــــم يا خــــالقي خيـــر الجنان
.

شادي الصالح الخرباشي · 2012-03-16, 16:27

السلام عليم
اخي علي والله قصيدة رائعة وهي تعبر عن حال كل المداشر او جلهم كأني بها على جراحي بلسم
والسلام عليكم
شرفنا يا سي علي على ما نكتب

امير الحزن · 2012-10-14, 12:14

والله روعة يعطيك الصحة يا شيخ علي

رضا 111 · 2012-10-14, 14:25

شكرا علي للا بداعك الراقي دوما

سامي العالم · 2012-10-21, 18:17

نحب الريف, القرى و كذلك المداشر

عبد الله10 · 2012-11-24, 14:25

مشكور اخي بارك الله فيك

brahimi31 · 2012-11-28, 18:38

شكرا اخي ويبدو لي انه يوجد بعظ التغير الطفيف في الابيات
الشاعر جدلي جلول من ولاية البيض

ابقاي على خير يا هذا الدشرة**لي غاشيها غير فلان إصك فلان
راني حالف مانولي ذا المرة**و يالوكان نموت في صحرا عطشان
نعشر بر الروم و بلاد الكفرة**و لا نعشر بر شمايت و الرعيان
لحديث تنوفيق و الضحكة صفرة **و الصحبة تحيا و تفنى بالقضيان
بلسانو يعطيك قنطار مصرة**و الحيلة متلبدة تحت البيطان
بالرشوة تلقاه ماشي للعمرة**و يصلي في البيت في آخر رمضان
و يولي بكلاح و عباية صفرة**و يعطيها للزور و كلام البهتان
يحلفلك ليمين قداه مرة **و يحلف بالكعبة و يحلف بالقرآن
و يحرم البزوز و يحرم لمرا**و غير يصد عليك تلقى كذبو بان
أخزيهم يا خالقي في ذا الدشرة**ذا القوم للي حلفها ما فيه أمان
أبقاي على خير ياهذا الدشرة **ألي يحكمها غير الجاهل و الخوان
تلقى لي ملو غبار السبورة **للسياسة داخلين بلا سلطان
المرفوعة تاليتــها مجرورة**و العطف يوروه غير لفلان و فلان
و الفعل المجهول مبني للكسرة**و اسماء الخمسة يديرو ليهم شان
تلقى المير .... و النايب ......**و المجلس ثعبان يختل في ثعبان
ما تفرز أمي على واحد يقرا**و لا تفرز صاحي على واحد سكران
غير هيدورة لاصقة في هيدورة**و غيرخاين مدسوس في وسط الخيان
كا..... مدربين على الحقرة** و يا ويح الي جالهم بين النيبان
كي تسمع لحديثهم عند الهدرة**تقول أنت لبطال هاذو و الشجعان
لو تعجنهم ما يجو في صاق مرا**و لو توزنهم ما يوفولك ميزان
كي الغراب منين يعلا فالشجرة**يحسب كل الخلق تحتو كي ذبان
أبقاي على خير يا هذا الدشرة **ألي لاحت تاريخها في عقب زمان
يا سعد الي جا موظف من برا**بلوصلة يضحا عزيز و مولا شان
يدولو لفراش و يزيدوه مرا**و كل خميس عشاه مشوي عند فلان
ما يحتاجش لا حليب و لا خضرة**كلش خالص جاي من عند الرعيان
هذا باهز جايب مخدة حمرا**و هاذا يجري جايب قريعات دهان
تلقى المشمت غير توصل فالهدرة **و تلقى المرعن غيرتجرجر فالخرفان
أخزيهم يا خالقي في ذالدشرة**ذا القوم لي شانها ما جا كشان
و ارزقهم لعجاج و معاه الغبرة**وزلط الي بدراهمو يولي جيعان
إذا راد الله من هذا المرة**ما نرجعش خلاص لبلاد الرعيان
أبقاي على خير يا هذا الحفرة **راها ليكم يا شمايت و العديان
ما رنيش على الرجال أهل النعرة**لي كلمتهم ما لقلت منين تبان
ما رنيش على البزوز الى تقرا **و مارانيش على الي سكنو لكفان
مارانيش على الشجرة و الحجرة **وما رانيش على الولية و الحيوان
مقصودي رعيان ما ليهم جرة **و كي عكست ليام و لا ليهم شان
كانو مدسوسين في وقت الكفرة**و ياسر منهم كان في صف العديان
ضروك جاب شهود و ادخل الثورة **و اخرج عندو كاميو قهوة وبلان
لحقولو رابيل حج وزاد أمرا**و اصبح في التاريخ يفتي بالبرهان
و يعود يقول بيا واش صرا**كي كنا في الجيش و المرحوم فلان
فوق احمار و لاحقتني طيارة **ذاك الشي و ضربتها بين الجنحان
و اهجمت على شار بعمود و حجرة **دقدقتو و قديت في جدو نيران
أخزيهم يا خالقي في الدشرة**ذا الحركة لي عايشين بالبهتان
و أرحم من شافو الكحلة و المرة **و ماتو شهداء على الصدق و الايمان
متعهم بالحور في الجنة الخضرة**و اسكنهم يا خالقي خير الجنان.

salemsh · 2012-11-29, 14:05

شككككككككرا

السمروني · 2012-12-08, 23:17

قصيدة جميلة

omar_gs13 · 2012-12-21, 16:12

الله يبارك في أخي