راها الكبده تــتكلم

ramzi nassim · 2010-12-26, 19:05

يا قلبي علا ش راك ديما تخمم==خبلت قيامي ما صبت نـــسدي

عييت ننصح فيك و أنت مصمم==بحر الحب صعيب مـوجه يــدي

و انا في بحر الغرام ماني متعلم==و اللي تعلمته ما يفيد ما يـجدي

حاح من كيات الشوق راني نتبرم==ما هديت على جـنب وسـادي

و ادا صبرت راها الكبده تــتكلم==مـوطن ليـعات العشق تـقدي

حبيت المـحال يا قلبي ما تحشم==و صايقني معاك غير الله يـهدي

قالت أرواح مـشيت بيا مّـسقم==متشوق ما بخلت مـن اللي عندي

قـالت اديـني و راك ما تـندم==و صورت لى حـبنا قـلب وردي

تهنا في احلامنا و العاشق يحلم==ما اسـعدني يا رب مانيش وحدي

زدنا تعاهدنا و الباقي ما يعلم==و هـاهي غـلطه كـيفاش اتـعدي

بعد العـام وليت ليها مـرزم==مـعول نديـها وايـدها في ايـدي

سولت عـليها قالو ما تـفهم==ولـفك راح غـير انــسى ياودي

كفاش ننسى وانا قلبي مـعدم==كـفاش نصـبر والجـمر في كبدي

همت في طريق قـدامي اظلم==هـايم مـهموم نبكي عـلى سعدي

في بحر احزاني سولت الابكم==مـن يجيب خـبرها و ليها يــدي

هملت مكسورالجـناح نـهوم==ما دريت ولـفي يرضـاه بــعدي

سولت الناس نصرانى و مسلم==لو يجيب خبرها نــسال يـهودي

و القلب تحت الجناب فيا يحكم==سوطني بالحـنين طــاب جـلدي

نشكي للمولى هو اللي يـرحم==و رضيت بحـكم الله قـال عـبدي

الصـبر لعـبدك راه ما قـوم==و الصلاة و السلام على محمد سيدي

noussa nassa · 2010-12-26, 19:23

موضوع رائع مشكووووووووور

ramzi nassim · 2010-12-26, 23:16

اقتباس:

المشاركة الأصلية كتبت بواسطة noussa nassa

موضوع رائع مشكووووووووور

الله يبارك فيك الاخت

~~ابو عامر77~~ · 2010-12-26, 23:43

اقتباس:

المشاركة الأصلية كتبت بواسطة ramzi nassim

تحياتنا أخينا و شاعرنا فيصل دادي ولك مني كل الاحترام و التقدير و اسمح لي اقول لك سلامة الكبده انتاعك -

خيار المشاعر مــــحبه===و لو كان بحرقه في الكبده
و ان كان القلب طبعه بدال===الصاحبه تبقى ديما وحده

أنا جرحي راه في الكبدة مرشوم *** واتمكن منها وخلالي مارة

لا طبيب بحكمتو ضاهـر معـلوم *** ولا طالب فهيم عنده اشارة

ولاعاشق كي حالتي في البحر يعوم *** ولافنان يقول قول الشعارة

قلبي صدى صار لونه مثل احموم *** وش من طب يفيدني ياهل تارة

شكرا أخي الكريم أتمنى التواصل

آناءالليل · 2010-12-30, 09:48

حبيت المـحال يا قلبي ما تحشم==و صايقني معاك غير الله يـهدي
شكراااااااااااااااااااااااااااااااا

ramzi nassim · 2010-12-30, 15:45

اقتباس:

المشاركة الأصلية كتبت بواسطة ريم لاريام

حبيت المـحال يا قلبي ما تحشم==و صايقني معاك غير الله يـهدي
شكراااااااااااااااااااااااااااااااا

يعطيك العافية الاخت ريم الاريام...مشكورة و موفقه ان شاء الله

غصن زيتون · 2012-02-01, 16:36

قصيدة جميلة بارك الله فيك