قاطو كحلوش و قلبو ابيض

mira mira02 · 2013-03-17, 13:20

من فضلكم اريد و صفة قاطو كحلوش و قلبو ابيض

mayabella · 2013-03-17, 13:25

hihhihhihihi fort

mira mira02 · 2013-03-17, 13:27

اقتباس:

المشاركة الأصلية كتبت بواسطة mayabella

hihhihhihihi fort

علاش ههههه

أم ياسين الزهراء · 2013-03-17, 13:27

اصبري علي نعرفو دوق نحوسلك عليه في كراسي

أم ياسين الزهراء · 2013-03-17, 13:32

شوفي لقيتو في منتدى جزائري

500غ مرغرين + 3 صفار بيض + 1 كاس سكر +1كاس ونص مايزينة + 5 ملاعق كبار كاكاو + فرينة و2 خميرة حلوى

العقدة

2 كاس نواة كوكو + نص كاس سكر + 3 بياض البيض وشوي زبدة ديريهم كويرات وحطيهم في وسطالعجينة اللي تشكليها كويرة وحطيهم في الفور ومنبعد مايطيبهم عسليهم وبعد مايبردو نغمسوهم في الشيكولا

ان شاء الله فدتك انا كنت راح نديرهم بصح من كثرة الوصفات اجلتهم لكاشي مناسبة

mira mira02 · 2013-03-17, 13:36

اقتباس:

المشاركة الأصلية كتبت بواسطة أم ياسين الزهراء

شوفي لقيتو في منتدى جزائري

500غ مرغرين + 3 صفار بيض + 1 كاس سكر +1كاس ونص مايزينة + 5 ملاعق كبار كاكاو + فرينة و2 خميرة حلوى

العقدة

2 كاس نواة كوكو + نص كاس سكر + 3 بياض البيض وشوي زبدة ديريهم كويرات وحطيهم في وسطالعجينة اللي تشكليها كويرة وحطيهم في الفور ومنبعد مايطيبهم عسليهم وبعد مايبردو نغمسوهم في الشيكولا

ان شاء الله فدتك انا كنت راح نديرهم بصح من كثرة الوصفات اجلتهم لكاشي مناسبة

شكرا حنونة
على حسب علمي مانعسلوهمش نحطوهم في شكولا ثم نرمدوهم في القوفريط المرحي

أم ياسين الزهراء · 2013-03-17, 13:40

شوفي هذي مولاتو اللي دارت الكيفية

السلآم عليكم

اليوم جبتلكم وصفة لأحد أنوآع القآطو

اللي صنعتو في هذآ العيد

و اللي سموهــ كحلوش وقلبو بيض

تآبعوا المقآدير والصور وإن شـآء الله يعجبكم

المقآدير :
500 غ مرغرين طرية
3 صفآر بيض
كآس سكر عآدي
كأس ونصف مآيزينة
3 أكيآس خمآرة
5 مغآرف كبآر كآكآو
الفرينة

العقدة :
2 كيسآن نوآد كوكو ( جوز الهند )
نصف كآس سكر
بيآض 3 بيضآت أو أقل

للتزيين :
عسل
شوكولآ ذآئبة
جوز أو لوز أو حسب الرغبة

الطريقة :
في إنآء نضع المرغرين الطرية و نطروهآ بيدينآ مليح حتى تصبح مثل الـ pommade ، نزيدو صفآر الثلآث بيضآت و نمزجوه مع الزبدة مليـــح ، ثم نزيدو كآس السكر ونمزجوه مليح مليح في الزبدة حتى نحسو أنو ذآب كليآ ، نزيدة المآزينة تآني ونمزجوهآ مع الخليط تآعنـآ وفي الأخير نضيف الكآكآو مع المزج المتوآصل ثم نضيفو أكيآس الخمآرة على الفرينة و نبقآو نظيفو فالفرينة على الخليط تآعنآ حتى تتلآيم العجينة ويشترط أن تبقى طرية بزآف كيمآ عجينة الصآبلي
نديرو العجينة في كيس ونخلوها ترتآح .

ومن جهة أخرى نحضرو العقدة :
في إنآء نضع جوز الهند مع السكر ونلم ببيآض البيض+ قليل من الزبدة الذآئبة بآش تجي العقدة طرية من الدآخل .
بعدمآ حضرنآ العقدة نروحو للعجينة ونشكلو منهآ كريآت صغآر قطر كل وحدة حوآلي 3 سم ، نضع الكريآت جآنبآ
ونروحو للعقدة نشكلو منهآ كريآت صغآر جدآ قد les billes تآع الأطفآل
نأخذ كرية العجينة ونحدث فيهـآ حفرة ب أصبع اليد و ندخلو فيهآ كرية صغيرة من عقدة جوز الهند ونعآودو نغلقو الكرية بإحكآم محآفظين على شكلها الكروي .
ندخلوها للفور تطيب وكي يشد روحو انحوه
ومبآشرة وهو سخون نغطسوه فالعسل حتى يشرب ونخرجوه باش ما يجيش يابس في الأخير
ولمآ يبرد نغمسوه فالشوكولآ الذآئبة ونزينه من الفوق ب الجوزة أو اللوز .