رأيكم يهمني مشكل عاطفي

[amrane30]

السلام عليكم
قصتي تتمثل في حبي الشديد لفتاة قرات معايا عرفتها عندي 4 سنين وماقدرتش نصارحها بحبي ليها العام لي فات عفست على قلبي وقلتلها غاضها الحال مني على خاطر كانت تشوف فيا كلي خوها وانا تاني كنت نشوف فيها كي اختي ولا اكثر وجامي تمنيتلها حاجة ميش مليحة الغلطة الوحيدة لي درتها معاها اني صارحتها بعد ماحملتها في قلبي 4 اعوام وكي تغشت مني جابت اكثر من 4 اشهر ماحكاتش معايا بصح دركا الحمد لله نحكيو مع بعض كيما بكري بصح مازال عندي شعور في قلبي يقولي زيد قوللها بصح خفت لا المرة هادي ماتزيدش تهدر معايا خلاص مع العلم انا ناويها للحلال
ارجو ان تفيدوني بأرائكم في اقرب اجل

[عبدالرحيم75]

من خلال ردها عليك بقولها نشوف فيك كي خويا ،أنسى هذا الامر وخيرها في غيرها ،وهي عينها في واحد غيرك ،نصيحتي أربحها بالقدر كزملاء دراسة وشوف وحدة أخرى أحسن لك ولها ،وربي يدلك للخير ،ونسمع عنك خير إن شاء الله في الأيام القادمة

[samir 1990]

أقترح أن تعرف رأيها فيك من عند إحدى صديقاتها لكن دون أن تعلم الفتاة بما يجري و ربي يوفقك إن شاء الله

[*بن عيسى*]

المشاركة الأصلية كتبت بواسطة amrane30

السلام عليكم
قصتي تتمثل في حبي الشديد لفتاة قرات معايا عرفتها عندي 4 سنين وماقدرتش نصارحها بحبي ليها العام لي فات عفست على قلبي وقلتلها غاضها الحال مني على خاطر كانت تشوف فيا كلي خوها وانا تاني كنت نشوف فيها كي اختي ولا اكثر وجامي تمنيتلها حاجة ميش مليحة الغلطة الوحيدة لي درتها معاها اني صارحتها بعد ماحملتها في قلبي 4 اعوام وكي تغشت مني جابت اكثر من 4 اشهر ماحكاتش معايا بصح دركا الحمد لله نحكيو مع بعض كيما بكري بصح مازال عندي شعور في قلبي يقولي زيد قوللها بصح خفت لا المرة هادي ماتزيدش تهدر معايا خلاص مع العلم انا ناويها للحلال
ارجو ان تفيدوني بأرائكم في اقرب اجل

روح لدارهم و أخطبها من والدها .. إذا قبلت الله مبارك و إذا ما قبلتش الله مبارك ثاني و ما تعرفك ما تعرفها و كل شئ بالمكتوب ... و ما تقلي لا صداقة و لا زميلة دراسة .. أنت راجل و هي إمرأة و إن اجتمعتما كان ثالثكما الشيطان .. بارك الله فيك

[bibiyobillo]

إسمحلي أخي و لا فكرة

لكن ربي يرزقلك ساعة الخير

[محمد غيزة]

اخي العزيز ربما هذه الفتاة حتى وان كانت معجبة بك فلا تستطيع قول لك ذلك لانها ان قالت نعم فهذا يعني بداية علاقة غرامية بينكم وهذا سيشوه صمعتها
ان كنت تحبها بصدق فلا تعرض عليها علاقة غرامية بل اعرض الخطبة
قد تقول لي انت مازلت ادرس ولا استطيع الزواج
ان كان هذا جوابك .......................
فقل لها انت ولاترسل احد انك تريدها زوجة لك ولا تريد اي علاقة المهم ان تكون في مخططاتها المستقبلية في الزواج
وان رفضت حتى الفكرة فدعها وشانها في وجه الله واعلم ان الله سوف يعوضك فلا تتعجلاخي العزيز

[ايوب ناصر]

[ambitieuse]

المشاركة الأصلية كتبت بواسطة ايوب ناصر

امين يا رب و الله محتاجة لهدا الدعاء

[sarl02]

الرجاء الكتابة بالعربية. .

[عبد العزيز البدري]

ان شخص عندو نفس المشكل
قالها في المرة لاخيرة انا اسمحيلي منقدر ننضر ليك مثل اختي
انا ننضر ليك ننضرة اخرى احسن من هاذ النضرة
اذا لازم تختاري واذا قبلت روح اخطبها واذا قالت لا انسها وتمكيش معها

[HADIL2044]

صرالي موقف مشابه . كل اللي نقولهولك روح اخطبها وثم تعرف وحتى لو رفضت قد يكون من اهلها
رجاءا لا تجرح قلبها لاني مررت بهاذا الموقف