ساعدوني

[مشكلتي]

السلام عليكم
أنا فتاة عمري 16 سنة .و أنا فتاة مؤدبة و الحمد لله و الكل يشهد لي بذلك هدا ماجعل التلاميد الدكور اللي في قسمي مايهدرووووش معاااي إلا نادرا ... علابالي بلي في مصلحتي مي هذا الأمر خلق فيا نوع من عقد النقص و ليت نحس روحي مش كيما لبنات لوووخرين ... خاصة نهار نشوف لبنات يهدرو مع الدراري نعود نقول علاش واش يخصني أنا باه ما يهدروش معاي و هدا يسببلي الإنطوائية في بعض الأحيان.... مرااات نغير منهم صح و نحس لهادوك لبنات خير مني
علابالي تقولولي بلي مشاعر مراهقة علابالي بيها بصح واش نديييير عاونوني

[kamel76]

ابقي على ما أنت عليه تصرفاتك صائبة و عقليتك أكثر من رائعة . أنصحك ألا تتحدثي مع الذكور إلا للضرورة القصوى لأن هذا يفسد عليك دينك و دراستك و حياتك .إننا كل يوم نسمع عن القصص بين البنات و الذكور و العلاقات التي تنشأ بين الجنسين و كيف تنتهي .و الأكثر من ذلك نحن مسلمون يا أختي و لا يصح لنا أن نتخالط مع بعضنا البعض ,هذا الوقت الذي أصبحنا نعيش فيه و لا حول و لاقوة إلا بالله أصبح فيه الدين غريبا عنا ,إذا رأيتي ولدا أو بنتا ملتزمة بحجابها و دينها و حيائها نقول عنها معقدة و منطوية ووو سبحان الله ما هذا التفسخ ؟ لماذا بدلنا شخصيتنا و عقليتنا و استوردنا عقلية الغرب التي لا تصلح إلا لهم .أنصحك أختي الكريمة أن تحافظي على حيائك و دينك و لا تتخالطي مع الذكور و اصبري لهذا الأمر و ستكونين بنتا صالحة نافعة لأسرتك و مجتمعك إن شاء الله و لا تكترثي لكلام الناس ,فحتى لو صرت تتحدثين إلى الأولاد و ربما تقيمين العلاقات معهم لا سمح الله فسوف يتحدثون عنك و الله لو تعلمي ما يقولونه عنكم في أحاديثم ما فكرت يوما حتى في النظر إليهم .
أصلحك الله و ثبتك على الحق .

[NADA 25]

وعليكم السلام ورحمة الله تعالى وبركاته
أختاه جزاك الله خيرا أقول لك أنك على صوابو وفق تعاليم ومبادئ ديننا الحنيف لا توجد أي صلة ولا دافع لكي يتحدث التلاميذ الذكور مع الإناث ,وإحدفي كلمة النقص والإنطواء من قاموسك وإفتخري لأنك لم تغضبي الله عزوجل
فبحديثهم نستخلص مايلي
التخلي عن مبادئ الإسلام وتشويه صورة المسلمات الحقيقية كما ورد عن رسول الله صلى الله عليه وسلم
ضياع للإحترام والتقدير
وأغلى شيء الحياء
التخلي عن ثقة الوالدين
وأمور آخى وكثيرة
أصبحنا في هذا العصر من يتماشى مع دينه يسمى بالمعقد أو بالأحرى عقلية جدي وجدة
أنصحكمن صميم قلبي أن تفعلي مايرضي الله ورسوله أولا
ومايرضي أهلك ثانيا ويرتاح ضميرك ولا تهتمي لكلام الناس
مايهم في المرأة هي الأخلاق والأخلاق
في امان الله

[أم البراء السلفية]

لالا حنونة هاداك الشيطان راه يديرلك هاكداك
ماتمديلوش فرصة
ابقاي هاكدا راكي فور ماشاء الله عليك

[z.abdo]

لا يا أختي راكي مليحة في التصرف نتاعك وديري في بالك حاجة هذوك الاولاد ياقدروك أحسن من البنات اللي يتكلمو معاهم وهما كذالك حلبيين يتكلمو معاك لكنك انت حسنة الخلق وجابدة روحك وهذا تصرف مليح بزاف
وننصحك حاجة ديريها بالك لما نروح للمحكمة نستخرج السوابق العدلية يعني في المحكمة لو الواحد يكون عندو مشكل مع الدولة او مع غيرها فهو مسجل وفي أي وقت يقدرو يجبدو الدليل
كذالك البنت عندها سوايق انت الحمد لله مختلفة عن البنات وخلي صفحتك بيضة امام الناس
وان لو نحب نخطب بنت ويقولي باللي ما كنش تخلط الذكور أول وحدة نخطبها هي اللي ما تخالطش الذكور حتى ولو لم تكن جميلة يعني أحمد ربي
وكملي راكي في الطريق المستقيم
واحذري من مقارنة نفسك بالآخرين
والله غير البانت راهم يغيرو منك بصح ما يخبروكش لأنه مهم عارفين نفسهم غالطين
وننصح حاجة أختي إياك ثم إياك ثم إياك يا أن تصاحبي الذكور أو تقولي راني معجبة بشاب ما في الحاضر أو المستقبل كي تخلصي دراستك مكتوبك يجيك وحدو
وانت شوفي اللي يخرج عليك انا نصحتك كيما أختي
وحاولي ديمل تقربي من ربي والتزمي اكثر
وربي معاك أختي

[مريم الصابرة]

السلام عليكم اختي بارك الله فيك ونعم التربية من حقهم البنات هوما اللي يغيروا نتم ماشاء الله عليك عقل ودين كملي كيما راكي خليكي بعيدة على الشباب قد ما تقدري راكي قالريق الصواب وما راكي لانافصة ولا منطوية إنت مسلمة بمعنى الكلمة ربي يكملك بعقلك ويثبتك على دينك موفقة أختي ربي ينجحك فقرايتك إن شاء الله

[قاهر مواقع]

ونعم الأخلاق إبقي على هذا المنوال

[adlan18]

نقولك واش كنا نقولوا على البنت لي كيفك ما تهدرش مع الذكور
كنا نحن الذكور في الثانوية أو في الجامعة نقلوا هذيك بنت فاملية مربية الله يبارك ما تهدر مع حتى واحد
ديري في بالك مليح بلي راهم يقدروك ويقيموك و يحترموك أكثر من الآخرين

[السيدة كرمين]

المشاركة الأصلية كتبت بواسطة مشكلتي

السلام عليكم
أنا فتاة عمري 16 سنة .و أنا فتاة مؤدبة و الحمد لله و الكل يشهد لي بذلك هدا ماجعل التلاميد الدكور اللي في قسمي مايهدرووووش معاااي إلا نادرا ... علابالي بلي في مصلحتي مي هذا الأمر خلق فيا نوع من عقد النقص و ليت نحس روحي مش كيما لبنات لوووخرين ... خاصة نهار نشوف لبنات يهدرو مع الدراري نعود نقول علاش واش يخصني أنا باه ما يهدروش معاي و هدا يسببلي الإنطوائية في بعض الأحيان.... مرااات نغير منهم صح و نحس لهادوك لبنات خير مني
علابالي تقولولي بلي مشاعر مراهقة علابالي بيها بصح واش نديييير عاونوني

أرواحلي يا بلا ولا نجيك

يابنتي انتي بنت خلوقة ومقتنعة بتصرفاتك

وفاهمة انوا تصرفاتك هي اللي خلات الذراري ما يهدروش معاك

لاه تحوسي عليهم درك فهميني؟ وزايدة تعقدي في روحك؟


شوفي حنونة

لولاد يفهموا مليح لبنت ومن خزرتها

وكل واحد يقول هديك بنت فاميليا مشي تع ضحك وتمسخير

عليها ما يهدروش معاك ومكلاسيين في مرتبة عالية

هادي الحاجة نورمالموا تفرحك وتزيد فيك وتخليك مميزة

وانتي فعلا مميزة

ما يغركش ضحك لبنات ولعبهم مع لولاد هداك فاني

لأن لو يسأل أهلك عليك بقولوا بنت مشاء الله

بينما لو يسألوا عليها هي يقولوا مشي مرا خلاه

ريحي طرونكيلي وريحيني


التاي بقرايتك وفرا ويجي النهار اللي تكبري وتعرفي

لاه زوجك خيرك انتي وما يخيرش غيرك

تهلاي في روحك وفي باباك ارفعي راسو وراس يماك


سلام